സോഡിയം കുറഞ്ഞാൽ...

ജീവ​​​​​​െൻറ നിലനിൽപിന്​ അത്യന്താപേക്ഷിതമായ ലവണങ്ങളിലൊന്നാണ്​ സോഡിയം. രക്തത്തിലെ ലവണാംശം നിലനിർത്തുന്നതിൽ സോഡിയം നിർണായക ഘടകമാണ്​. കോശങ്ങൾക്ക്​ പുറത്തുള്ള ജലത്തിലെ ഏറ്റവും പ്രധാനപ്പെട്ട ലവണവും സോഡിയമാണ്​. ശരീരത്തിൽ സോഡിയത്തി​​​​​​െൻറ നില 135 മുതൽ 145 milliequivalents/litre വരെ ആണ്​ അഭികാമ്യം.

സോഡിയം അനിവാര്യ ഘടകം
രക്തസമ്മർദം കുറയാതെ നിലനിർത്താനും തലച്ചോറി​​​​​​െൻറ സുഗമമായ പ്രവർത്തനത്തിനും സോഡിയം അനിവാര്യമാണ്​. കൂടാതെ  നാഡികളിലൂടെയുള്ള സംവേദനങ്ങളുടെ നിയന്ത്രണത്തിനും എല്ലുകളുടെ  ആരോഗ്യത്തിനും സോഡിയം കൂടിയേ തീരൂ. രക്തത്തിൽ സോഡിയത്തിൻറ അളവ്​ കുറയുന്നത്​ ഹൈപ്പോ​ൈനട്രീമിയ എന്ന  അവസ്ഥക്ക്​ കാരണമാകാറുണ്ട്​. സോഡിയത്തി​​​​​​െൻറ അളവ്​ 135 mEq/L ൽ കുറയു​േമ്പാഴാണ്​ ഹൈപ്പോനൈട്രീമിയ ഉണ്ടാകുന്നത്​. 

സോഡിയം കുറയൽ, കാരണങ്ങൾ നിരവധി

• പക്ഷാഘാതത്തെയും മസ്​തിഷ്​ക രക്തസ്രാവത്തെ തുടർന്നുമെല്ലാം രോഗിയുടെ സംസാരത്തിലും ബോധനിലവാരത്തിലും പുരോഗതിയുണ്ടാകാത്തതിന്​ പ്രധാന കാരണം സോഡിയം കുറയലാണ്​.
• തൈറോയ്​ഡ്​ ഗ്രന്ഥിയുടെയും അഡ്രിനൽ ഗ്രന്ഥിയുടെയും പ്രവർത്തനക്കുറവ്​ സോഡിയം കുറയാനിടയാക്കും.
• തുടർച്ചയായുള്ള ഛർദിയും വയറിളക്കവും ജലനഷ്​ടത്തോടൊപ്പം സോഡിയം ഉൾപ്പെടെയുള്ള ലവണ നഷ്​ടങ്ങൾക്കും ഇടയാക്കും.
• കരൾ വീക്കം, ഹൃദ്രോഗം, വൃക്കരോഗങ്ങൾ എന്നിവ മറ്റു സങ്കീർണതകൾക്കൊപ്പം സോഡിയത്തി​​​​​​െൻറ അളവും കുറക്കും.
• ഭക്ഷണത്തിൽ ഉപ്പി​​​​​​െൻറ അളവ്​ തീരെ കുറയുന്നതും സോഡിയത്തി​​​​​​െൻറ അളവ്​ കുറക്കാറുണ്ട്​.
• ചിലയിനം മരുന്നുകൾ പ്രധാനമായും രക്തസമ്മർദം കുറക്കുന്ന മരുന്നുകളും സോഡിയം കുറക്കാറുണ്ട്. പ്രായമായവരിൽ ഇത്​ കൂടുതലാണ്​.
• ശ്വാസകോശം, പാൻക്രിയാസ്​, മസ്​തിഷ്​കം തുടങ്ങിയവയെ ബാധിക്കുന്ന അർബുദവും സോഡിയം കുറക്കാറുണ്ട്​.
• പല രോഗാവസ്ഥകളുമായി ബന്ധപ്പെട്ടു ശരീരത്തിൽ നീര്​ ഉണ്ടാകുന്നവരിലും സോഡിയം കുറയാറുണ്ട്​.
• ദീർഘനാളായി കിടപ്പിലായ രോഗികളിലും സോഡിയത്തി​​​​​​െൻറ അളവ്​ കുറയാറുണ്ട്​. തലച്ചോറി​​​​​​െൻറ പ്രവർത്തന വൈകല്യംമൂലം മൂത്രത്തിൽക്കൂടി സോഡിയം നഷ്​ടപ്പെടുന്നതാണ്​ ഇതിന്​ കാരണമാകുന്നത്​.

പ്രധാന ലക്ഷണങ്ങൾ

• തലവേദന
• ഛർദി
• സ്വബോധമില്ലാത്ത അവസ്ഥ
• ഒാർമക്കുറവ്​
• ക്ഷീണം
• തളർച്ച
• അപസ്​മാരം

സോഡിയം കുറയുന്നത്​ മസ്​തിഷ്​ക കോശങ്ങളെയാണ്​ പ്രധാനമായും ബാധിക്കുന്നത്​. മസ്​തിഷ്​കത്തിൽ നീര്​, മസ്​തിഷ്​ക മരണം എന്നിവ സംഭവിക്കാനും സാധ്യതയുണ്ട്​. ശ്വാസതടസ്സം, ഹൃദയവീക്കം എന്നിവയുമുണ്ടാകാം. സോഡിയത്തി​​​​​​െൻറ അളവ്​ 115ൽ താഴു​േമ്പാൾ അപസ്​മാര ലക്ഷണങ്ങൾ ഉണ്ടാകുന്നു.

പരിഹാരങ്ങൾ
ചികിത്സകൊണ്ട്​ പെ​െട്ടന്ന്​ പരിഹാരം കാണാനാകുമെങ്കിലും സോഡിയം കുറയുന്ന അവസ്ഥ പലപ്പോഴും വൈകിയാണ്​ കണ്ടെത്തുക. സോഡിയത്തി​​​​​​െൻറ അളവ്​ വിലയിരുത്തുന്നതോടൊപ്പം തൈറോയ്​ഡ്​, വൃക്ക, കരൾ എന്നിവയുടെ പ്രവർത്തനവും പരിശോധിക്കേണ്ടതുണ്ട്​. രോഗിയുടെ പ്രായം, ആരോഗ്യനില ഇവയും പ്രധാനമാണ്​.

കാരണത്തിനനുസരിച്ചുള്ള ചികിത്സകൾ ഒാ​േരാരുത്തരിലും വ്യത്യസ്​തമായിരിക്കും. ചെറിയ തോതിലുള്ള സോഡിയത്തി​​​​​​െൻറ കുറവ്​ ഉപ്പ്​  കൂടുതലടങ്ങിയ ഭക്ഷണം കഴിക്കുന്നതിലൂടെ പരിഹരിക്കാനാകും. കറിയുപ്പിലൂടെയാണ്​ ശരീരത്തിനാവശ്യമുള്ള സോഡിയത്തി​​​​​​െൻറ മുഖ്യ പങ്കും ലഭ്യമാകുന്നത്​.

മുന്തിരി, അമുക്കുരം, കുറുന്തോട്ടി, ചിറ്റരത്ത്​, നീർമാതളം, പാൽമുരുക്ക്​, ബ്രഹ്മി എന്നിവ ഉൾപ്പെട്ട ഒൗഷധങ്ങൾക്ക്​ സോഡിയം കുറയുന്നതുമായി ബന്ധപ്പെട്ട പ്രശ്​നങ്ങളെ പരിഹരിക്കാൻ കഴിയാറുണ്ട്​. ഉപ്പ്​ ചേർത്ത ചെറുപയർ സൂപ്പ്​, മാംസ സൂപ്പ്​, മലർക്കഞ്ഞി, പാൽക്കഷായം, തേങ്ങാവെള്ളം, കരിക്കിൻവെള്ളം, ഉപ്പ്​ ചേർത്ത  നാരങ്ങവെള്ളം, ഇഞ്ചി ചേർത്ത മോരും വെള്ളം, ഉപ്പിട്ട കഞ്ഞിവെള്ളം എന്നിവയും മാറിമാറി നൽകേണ്ടതുണ്ട്​. മാതളനീര്​ ചേർത്ത്​ ചെറുപയറിൽ സൂപ്പ്​ നൽകുന്നത്​ സോഡിയം നില ​ക്രമീകരിക്കുന്നതോടൊപ്പം ക്ഷീണത്തെയും അകറ്റും. ഒൗഷധങ്ങൾ ചേർത്ത്​ സംസ്​കരിച്ച നെയ്യും നല്ല ഫലം തരും.

ശ്രദ്ധിക്കേണ്ട കാര്യങ്ങൾ
* കായികാധ്വാനം ഉള്ളവരും വേനൽക്കാലത്ത്​ പുറം പണി ചെയ്യുന്നവരും ഉപ്പ്​ ചേർത്ത ശുദ്ധജലം ധാരാളം കുടിക്കുന്നത്​ സോഡിയം ഉൾ​െപ്പടെയുള്ള ലവണ  നഷ്​ടം കുറക്കാൻ സഹായിക്കും.
* ശരീരത്തിൽ നീര്​ വരുന്ന സാഹചര്യങ്ങളിൽ ഉപ്പ്​ കുറക്കണം.
* ഛർദി-അതിസാരം ഉള്ളപ്പോൾ ഉപ്പും പഞ്ചസാരയും ചേർത്ത ലായനി  ഇടക്കിടക്ക്​ കുടിക്കേണ്ടതാണ്​.
* കിടപ്പു രോഗികൾക്ക്​ കുടിക്കാൻ നൽകുന്ന വെള്ളം മൂത്രത്തിലൂടെ പുറത്തുപോകുന്നതിനെക്കാൾ കുറവായിരിക്കാൻ ശ്രദ്ധിക്കണം.

ഡോ. പ്രിയ ദേവദത്ത്​
കോട്ടക്കൽ ആര്യവൈദ്യശാല
മാന്നാർ
drpriyamannar@gmail.com