You are here

അറിയാം, പനി ലക്ഷണങ്ങളെ...

സർവസാധാരണമാ‍യി കണ്ടു വരുന്ന ആരോഗ്യ പ്രശ്നങ്ങളിൽ ഒന്നാണ് പനി. കുറേക്കാലമായി മഴക്കാലം നമുക്ക്​ പനിക്കാലമാണ്​. പകർച്ച പനികളിൽ പലതും ഗുരുതരമായ ആരോഗ്യ സാഹചര്യങ്ങളും സൃഷ്​ടിക്കാറുണ്ട്​. അതിനാൽ രോഗത്തിനൊപ്പം ആശങ്കകളും പനി പകർന്നു നൽകുന്നു.

ഇക്കൊല്ലവും മുടങ്ങാതെ പനിയെത്തി. മലിനജലം, കൊതുക്​, വായു എന്നിങ്ങനെ രോഗാണുക്കൾ കടന്നുവരുന്ന വഴികളും വിഭിന്നമാണ്. മഴക്കാലത്ത്​ കരകവി​െഞ്ഞാഴുകുന്ന മലിന ജലം കുടിവെള്ള സ്രോതസ്സുകളെ മലിനപ്പെടുത്തുന്നതോടെ ജലം വഴിയുള്ള രോഗങ്ങൾക്ക്​ സാഹചര്യമൊരുങ്ങുന്നു. മലിനമായ പരിസ്​ഥിതിയാണ് ​​െകാതുകി​​​​​​​െൻറ പ്രജനനത്തിനും അതുവഴി രോഗങ്ങൾക്കും ഏറ്റവും അനുകൂലമായ സാഹചര്യമൊരുക്കുന്നത്. ഇത് തടയാൻ മാലിന്യങ്ങളുടെ ഉറവിട സംസ്​കരണം ഒാരോരുത്തരും വീടുകളിൽത്തന്നെ നടപ്പാക്കുകയാണ് പ്രധാന പോംവഴി.

പനി ഏറിയും കുറഞ്ഞും വരാം. ചിലപ്പോൾ തുടർച്ചയായി താപനിലയിൽ വ്യത്യാസം വരാതെ പനിക്കും. ചില പനികൾക്ക് ആവർത്തന സ്വഭാവമുണ്ടാകും. പരിഭ്രാന്തരാക​ാതെ സ്വയം ചികിത്സിക്കാതെ ഡോക്ടറുടെ അടുത്തെത്തുകയാണ് ചെയ്യേണ്ടത്. രോഗനിർണയത്തിന് പനിക്കൊപ്പം പ്രകടമാകുന്ന ലക്ഷണങ്ങൾ സഹായകമാകും​. ഏത്​ പനിയും മാരകമാകുന്നതിനാൽ പ്രത്യേക ശ്രദ്ധ വേണം. കുട്ടികൾ, വയോധികർ, ഗർഭിണികൾ, പ്രമേഹരോഗികൾ, പ്രതിരോധശേഷി കുറഞ്ഞവർ തുടങ്ങിയവർ പ്രത്യേകം ശ്രദ്ധിക്കണം.

വൈറൽപ്പനി
വായുവിലൂടെയാണ്​ വൈറൽ പനി പകരുക. തൊണ്ടവേദന, മൂക്കൊലിപ്പ്​, തുമ്മൽ, മൂക്കടപ്പ്​, തലവേദന, ക്ഷീണം തുടങ്ങിയവയാണ്​ വൈറസ്​ പടർത്തുന്ന ഇൗ രോഗത്തി​​​​​​​െൻറ പ്രധാന ലക്ഷണങ്ങൾ. ആസ്​ത്​മ ബാധിതരിൽ വൈറൽപ്പനി തീവ്രമാകാറുണ്ട്​. വൈറൽപ്പനി ബാധിക്കു​േമ്പാൾ ചികിത്സക്കൊപ്പം വിശ്രമവും വേണ്ടിവരും.

ടൈഫോയ്​ഡ്​
മലിനജലത്തിലൂടെയും ഭക്ഷണത്തിലൂടെയുമാണ്​ ടൈഫോയ്​ഡ്​ പകരുക. നീണ്ടുനിൽക്കുന്ന പനി ടൈഫോയ്​ഡി​​​​​​​െൻറ പ്രത്യേകതയാണ്​. പനി തുടങ്ങി രണ്ടാഴ്​ച കഴിയ​ു​േമ്പാൾ ക്ഷീണവും വർധിക്കും. വിശപ്പില്ലായ്​മ, കുടലിൽ വ്രണങ്ങൾ, മലം കറുത്തുപോവുക തുടങ്ങിയവയാണ്​ പ്രധാന ലക്ഷണങ്ങൾ.

ചികിത്സക്കൊപ്പം മുത്തങ്ങ, ജീരകം, ശതകുപ്പ, അയമോദകം ഇവ തിളപ്പിച്ച വെള്ളം കുടിക്കുന്നത്​ കുടൽവ്രണം ഉണക്കും.

എലിപ്പനി
വൈറൽപ്പനിപോലെ തോന്നിപ്പിക്കുന്നതും എന്നാൽ രോഗിയെ ഗുരുതരാവസ്​ഥയിൽ എത്തിക്കുന്നതുമായ പനികളിലൊന്നാണിത്​. ‘ലെവ്​റ്റോസ്​വൈറ’ എന്ന ബാക്​ടീരിയയാണ്​ എലിപ്പനിക്ക്​ കാരണം. കെട്ടികിടക്കുന്ന മലിനജലത്തിൽ ഇൗ അണുക്കൾ വളരെ ദിവസം ജീവിക്കാറുണ്ട്​്​. മലിന ജലത്തിൽ ചവിട്ടു​േമ്പാൾ കാലിലെ ചെറിയ മുറിവുകൾ വഴി അണുക്കൾ ശരീരത്തിലെത്തും. പാടങ്ങളിലും മറ്റും പണിയെടുക്കുന്നവർ എലിപ്പനിക്കെതിരെ പ്രത്യേക ജാഗ്രത പുലർത്തണം. കണ്ണിലും ശരീരത്തിലും മഞ്ഞനിറം, ഒാ​റഞ്ച്-കടുംകാപ്പി നിറത്തിൽ മൂത്രം, വേദന, കണ്ണിൽ രക്​തസ്രാവം എന്നിവ എലിപ്പനിയുടെ ലക്ഷണങ്ങളാണ്​. ഈ ലക്ഷണങ്ങൾ കണ്ടാൽ അടിയന്തര ചികിത്സ തേടേണ്ടതാണ്​.

ജലദോഷം
മഴക്കാലത്ത്​ വൈറസ്​ വഴി പകരുന്ന സാധാരണ പനിയാണിത്​. മഴക്കാലത്ത്​ കാറ്റേൽക്കു​േമ്പാഴും മഴ നനയു​േമ്പാഴും മറ്റും പലരിലും ഉണ്ടാകാറുണ്ട്​. തൊണ്ടവേദന, മൂക്കടപ്പ്​, തുമ്മൽ, മൂക്കൊലിപ്പ്​ ഇവ പ്രധാന ലക്ഷണങ്ങൾ.

തുളസിയിലയും മഞ്ഞളും പനിക്കൂർക്കയും ചേർത്തുള്ള ആവി ഫലപ്രദമാണ്​. 50 ഗ്രാം വീതം ഇൗശ്വരമൂലിയും തുളസിയിലയും ചേർത്ത്​ 200 മില്ലി വെള്ളം തിളപ്പിച്ച്​ കഴിക്കുന്നത്​ ജലദോഷം അകറ്റും.

ഡെങ്കിപ്പനി
മാരകമായേക്കാവുന്ന കൊതുകുജന്യ രോഗങ്ങളിൽ ഒന്നാണ്​ ഡെങ്കിപ്പനി. ഇൗഡിസ്​ വിഭാഗത്തിൽപ്പെട്ട കൊതുകുകളാണ്​ രോഗം പരത്തുക. രോഗമുള്ള വ്യക്​തിയെ കടിക്കുന്ന കൊതുകുകൾ ദിവസങ്ങൾക്കുശേഷം മറ്റുള്ളവരിലേക്ക്​ രോഗം പരത്താനുള്ള ശേഷി നേടുന്നു. ഒരിക്കൽ രോഗാണുവാഹകരായി മാറിയ ​കൊതുകുകൾ ജീവിതകാലം മുഴുവൻ മറ്റുള്ളവരിലേക്ക്​ രോഗം പരത്താൻ പ്രാപ്​തരുമാണ്​.
കടുത്ത ചൂടോടെ പനി തുടങ്ങുന്നവരാണേറെയും. ​പ്ലേറ്റ്​ലെറ്റ്​ കുറവ്​, ചർമത്തിലെ ചുവന്ന്​ തടിച്ച പാടുകൾ, അസഹനീയ പേശീ വേദന എന്നിവ പ്രധാനമായും കാണുന്നു. ചർമത്തിലുണ്ടാകുന്ന രക്​തസ്രാവത്തി​​​​​​​െൻറ സൂചനകളാണ്​ ചുവന്ന പാടുകൾ. തലയുടെ മുൻഭാഗത്തും കണ്ണിന്​ ചുറ്റും കണ്ണ്​ തുറക്കു​േമ്പാഴും ഉണ്ടാകുന്ന ശക്​തമായ വേദനയും ഡെങ്കിപ്പനിയുള്ളവരിൽ കാണാം. ഉടൻ ചികിത്സ തേടണം.

രക്​തസ്രാവ​േത്താട്​ കൂടിയ ഡെങ്കിപ്പനി
ശക്​തമായ പനിയോടൊപ്പം വായ, മൂക്ക്​, മോണ ഇവയിലൂടെയുള്ള രക്​തസ്രാവം ആണിതി​​​​​​​െൻറ പ്രധാന ലക്ഷണം. രക്​തസ്രാവം മൂലം മലം കറുത്തിരിക്കും.

എച്ച്1 എൻ1
വായിവിലൂടെ പകരുന്ന വൈറസ്​ രോഗമാണിത്​. ജലദോഷപ്പനി​േപ്പാലെയാണ്​ തുടക്കം. തൊണ്ടവേദനയും ഛർദിക്കുമൊപ്പം പേശികളിലും സന്ധികളിലും ശക്​തമായ വേദനയുണ്ടാകും.  പനിക്കും സന്ധിവേദനക്കുമുള്ള ചികിത്സകളാണ്​ പ്രധാനമായും നൽകുക. ചുമയ്​ക്കു​േമ്പാഴും തുമ്മു​േമ്പാഴും വൈറസ്​ അന്തരീക്ഷത്തിലെത്തി മറ്റുള്ളവരിലേക്ക്​ പകരുന്നു. അതുകൊണ്ടുതന്നെ പ്രതിരോധവും പ്രധാനമാണ്​.

ചിക്കുൻഗുനിയ
കൊതുക്​ പരത്തുന്ന മറ്റൊരു രോഗമാണ്​ ചിക്കുൻഗുനിയ. വൈറസാണ് രോഗാണു. പെ​െട്ടന്നുണ്ടാകുന്ന പനി, ചർമത്തിൽ ചുവന്ന പാടുകൾ, ചുവന്ന കുരുക്കൾ ഇവയുണ്ടാകും. ശക്​തമായ സന്ധിവേദനയും ലക്ഷണമായെത്താറുണ്ട്​. ചലനം പ്രയാസമാകുന്ന വിധത്തതിൽ കാൽമുട്ട്​, കൈക്കുഴ, കൈകാൽ വിരലുകൾ, കഴുത്ത്,​ നടുവ്​ ഭാഗങ്ങളിലൊക്കെ കഠിന വേദനയുണ്ടാകും. പ്രകാശത്തിലേക്ക്​ നോക്കാനും രോഗിക്ക്​ ബുദ്ധിമുട്ടുണ്ടാകും.

ചിക്കുൻഗുനിയ ബാധിച്ച നല്ലൊരു വിഭാഗം ആളുകളിലും സന്ധിവേദന മാറുന്നില്ല എന്നത്​ അനുബന്ധപ്രശ്​നമായി പറയാറുണ്ട്​. ലഘുവ്യായാമങ്ങൾക്കൊപ്പം കഷായങ്ങൾ 2-3 മാസമെങ്കിലും തുടരുന്നത്​ വേദനയും നീർക്കെട്ടും കുറയ്​ക്കും. തൊലി ഇളകൽ, ചൊറിച്ചിൽ വരൾച്ച ഇവയുള്ളവർ ജാത്യാദികേരം, ഏലാദി വെളിച്ചെണ്ണ ഇവയിലേതെങ്കിലും പുറമേ പുരട്ടാം.

നിപ വൈറസ്​ പനി
വൈറസ്​ മൂലം പകരുന്ന നിപാ വൈറസ്​ പനി. ഒരു ജന്തുജന്യരോഗമാണിത്​. പനി, തലവേദന, തലകറക്കം, ബോധക്ഷയം, ശ്വാസ തടസ്സം, കാഴ്​ച മങ്ങൽ, ഇവ ലക്ഷണങ്ങളായി കാണുന്നു. മസ്​തിഷ്​ക വീക്കം ഉണ്ടാകാനുള്ള സാധ്യത വളരെക്കൂടുതലാണ്​. നിപ ബാധിച്ചാൽ കഠിനമായ ശ്വാസകോശ പ്രശ്​നങ്ങളും രോഗി അബോധാവസ്​ഥയിലാകുകയും ചെയ്യും. നിപ ബാധയുള്ളവരിൽ ചിലർക്ക്​ ദീർഘകാല അനന്തര ഫലങ്ങൾ, അപസ്​മാരം, വ്യക്​തിത്വ വൈകല്യങ്ങൾ ഇവയും കാണാറുണ്ട്​.
ഒരിനം പഴംതീനി വവ്വാലുകളുടെ ശരീരത്തിൽ ഒളിഞ്ഞിരിക്കുന്ന വൈറസാണ്​ നിപ. നിപയുടെ സ്വാഭാവിക വാഹകരാണ്​ വവ്വാലുകൾ. വവ്വാലി​​​​​​​െൻറ കാഷ്​ഠത്തിലൂടെയും മറ്റ്​ സ്രവങ്ങളിലൂടെയും വൈറസ്​ മൃഗങ്ങളിലും മനുഷ്യരിലുമെത്തുന്നു.

പരിഹാരങ്ങൾ
പ്രതിരോധം പ്രധാനം
പ്രതിരോധമാണ്​ ചികിത്സയേക്കാൾ അഭികാമ്യം എന്നത്​ പനിയെ സംബന്ധിച്ചിടത്തോളം ഏറെ പ്രസക്​തമാണ്​. വ്യക്​തി ശുചിത്വം, പരിസര ശുചിത്വം, ഭക്ഷണ ശുചിത്വം, ഒൗഷധങ്ങളുടെ ഉപയോഗം തുടങ്ങിയവയിലൂടെ പനിയുടെ കടന്നുവരവി​െന പ്രതിരോധിക്കാനാവും.

ബ്രഹ്​മ രസായനം, ച്യവനപ്രാശം, ഇന്ദുകാന്തം, കഷായം, ഇന്ദുകാന്ത ഋതം, അഗസ്​ത്യ രസായനം, ദശമൂല കടുത്രയം കഷായം, അമൃതാരിഷ്​ടം, ദശമൂലാരിഷ്​ടം, വില്ല്വാദി ഗുളിക തുടങ്ങി പ്രതിരോധശക്​തി മെച്ചപ്പെടുത്തുന്ന ഒൗഷധങ്ങൾ ഡോക്​ടറുടെ നിർദേശാനുസരണം കഴിക്കാം.
പനിയുടെ പ്രതിരോധത്തിൽ മാലിന്യ നിർമാർജനത്തിനും പ്രധാന പങ്കുണ്ട്​. വീടുകളിൽ സംസ്​കരണത്തിനു മുമ്പായി മാലിന്യങ്ങളിൽനിന്ന്​ പ്ലാസ്​റ്റിക്​, റബർ, ഗ്ലാസ് എന്നിങ്ങനെ വേർതിരിക്കണം. ക​േമ്പാസ്​റ്റായോ മണ്ണിര ക​േമ്പാസ്​റ്റായോ ജൈവ മാലിന്യങ്ങളെ വളമാക്കി മാറ്റാം. വീട്ടിലും പരിസരങ്ങളിലും വെള്ളം കെട്ടിനിൽക്കുന്നതും ഒഴിവാക്കണം.

സ്വയം ചികിത്സ പാടില്ല
പനി മാരകമാകുന്നത്​ പല​േപ്പാഴും കൃത്യസമയത്ത്​ ഉചിതമായ ചികിത്സ ലഭിക്കാതെ പോകു​േമ്പാഴാണ്​. സ്വയം ചികിത്സകൊണ്ടുള്ള പ്രശ്​നങ്ങളും പനിയെ മാരകമാക്കാറുണ്ട്​്​. പനിയുടെ കാരണം കണ്ടെത്തുന്നതിന്​ രോഗലക്ഷണങ്ങൾക്ക്​ നിർണായക പങ്കുണ്ട്​. എന്നാൽ, സ്വയം ചികിത്സയിലൂടെ ലക്ഷണങ്ങൾ പലതും അപ്രത്യക്ഷമാകുന്നതിനാൽ രോഗനിർണയത്തിനും തടസ്സമാകാറുണ്ട്​.

പനി പടരാതിരിക്കാൻ

  • പനി ​അവഗണിക്കരുത്​. വൈദ്യസഹായം തേടുക.
  • ഡെങ്കിപ്പനി, ചിക്കുൻഗുനിയ, മലമ്പനി ഇവ ബാധിച്ചവരെ കൊതുക്​ വലക്കുള്ളിൽ കിടത്തുക.
  • പകർച്ചപ്പനി ബാധിച്ച രോഗിക്ക്​ പൂർണവിശ്രമം നൽകുക.
  • ശുചിത്വം കർശനമായി പാലിക്കുക.
  • നന്നായി തിളപ്പിച്ച്​ ആറിയ വെള്ളം മാത്രം കുടിക്കുക.
  • പഴകിയ ഭക്ഷണം ഒഴിവാക്കുക.


-കോട്ടക്കൽ ആര്യവൈദ്യശാല, മാന്നാർ.
drpriyamannar@gmail.com

Loading...
COMMENTS