വജ്രജൂബിലി തിളക്കത്തിൽ ആലപ്പുഴ ടി.ഡി മെഡിക്കൽ കോളജ്

ആ​ല​പ്പു​ഴ: കേ​ര​ള​ത്തി​ലെ സ്വ​കാ​ര്യ മേ​ഖ​ല​യി​ലെ ആ​ദ്യ മെ​ഡി​ക്ക​ൽ കോ​ള​ജി​ന് 60 വ​യ​സ്സ്. 1963 മാ​ർ​ച്ച് ആ​റി​നാ​ണ്​ അ​ന്ന​ത്തെ മു​ഖ്യ​മ​ന്ത്രി ആ​ർ. ശ​ങ്ക​ർ തി​രു​മ​ല ദേ​വ​സ്വം (ടി.​ഡി) മെ​ഡി​ക്ക​ൽ കോ​ള​ജി​ന് ത​റ​ക്ക​ല്ലി​ട്ട​ത്. കേ​ര​ള​ത്തി​ലെ ഗൗ​ഡ​സാ​ര​സ്വ​ത ബ്രാ​ഹ്മ​ണ​രു​ടെ ആ​ല​പ്പു​ഴ അ​ന​ന്ത​നാ​രാ​യ​ണ​പു​രം തു​റ​വൂ​ർ തി​രു​മ​ല ദേ​വ​സ്വ​മാ​ണ് (എ.​എ.​ടി.​ടി.​ഡി) ഈ ​കോ​ള​ജ് സ്ഥാ​പി​ച്ച​ത്. 1923 മു​ത​ൽ ദേ​വ​സ്വം പ്ര​സി​ഡ​ന്‍റാ​യി​രു​ന്ന കെ. ​നാ​ഗേ​ന്ദ്ര​പ്ര​ഭു​വാ​ണ് സ്ഥാ​പ​ക​ൻ. തു​റ​വൂ​ർ, ആ​ല​പ്പു​ഴ ടി.​ഡി സ്കൂ​ളു​ക​ൾ, തു​റ​വൂ​ർ ടി.​ടി.​ഐ, പു​റ​ക്കാ​ട് എ​സ്.​വി.​ഡി യു.​പി സ്കൂ​ൾ എ​ന്നീ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ ന​ട​ത്തി​യ അ​നു​ഭ​വ​സ​മ്പ​ത്തി​ന്‍റെ വെ​ളി​ച്ച​ത്തി​ൽ 1961ലാ​ണ്​ ബൃ​ഹ​ത്​​പ​ദ്ധ​തി​യു​മാ​യി തി​രു​മ​ല ദേ​വ​സ്വം മു​ന്നി​ട്ടി​റ​ങ്ങി​യ​ത്.

അ​ന്ന​ത്തെ മു​ഖ്യ​മ​ന്ത്രി​യാ​യ പ​ട്ടം താ​ണു​പി​ള്ള​യും ആ​രോ​ഗ്യ​മ​ന്ത്രി വി.​കെ. വേ​ല​പ്പ​നും ഇ​ട​പെ​ട്ട്​ 1961 ആ​ഗ​സ്റ്റ്​ 30നാ​ണ്​ അ​നു​മ​തി ന​ൽ​കി​യ​ത്. ​വ​ണ്ടാ​ന​ത്ത് 125 ഏ​ക്ക​റോ​ളം ഭൂ​മി വാ​ങ്ങി​യാ​ണ്​ ത​റ​ക്ക​ല്ലി​ട്ട​ത്. അ​ന്നി​ട്ട ശി​ലാ​ഫ​ല​കം ഇ​പ്പോ​ഴും ആ​ല​പ്പു​ഴ മെ​ഡി​ക്ക​ൽ കോ​ള​ജി​ന്‍റെ മു​ൻ​വ​ശ​ത്ത്​ സ്ഥാ​പി​ച്ചി​ട്ടു​ണ്ട്. അ​തേ​വ​ർ​ഷം ഒ​ന്നാം​വ​ർ​ഷ എം.​ബി.​ബി.​എ​സ് ക്ലാ​സു​ക​ൾ ആ​രം​ഭി​ച്ചു. ആ​ല​പ്പു​ഴ എ​സ്.​ഡി കോ​ള​ജി​ൽ 1962 മു​ത​ൽ അ​ഡ്മി​ഷ​ന് ആ​വ​ശ്യ​മാ​യ പ്രീ ​പ്ര​ഫ​ഷ​ന​ൽ കോ​ഴ്സും തു​ട​ങ്ങി​യി​രു​ന്നു.

ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും പ്ര​ത്യേ​ക ഹോ​സ്റ്റ​ൽ, ലൈ​ബ്ര​റി എ​ന്നി​വ​യു​മു​ണ്ടാ​യി​രു​ന്നു. അ​ന്ന്​ സ​ർ​ക്കാ​ർ സ​ഹാ​യം ല​ഭി​ക്കാ​ത്ത സാ​ഹ​ച​ര്യ​ത്തി​ൽ മു​ഴു​വ​ൻ ചെ​ല​വും ദേ​വ​സ്വ​മാ​ണ് സ​മാ​ഹ​രി​ച്ച​ത്. 1963-64 വ​ർ​ഷ​ത്തി​ൽ കേ​ന്ദ്ര​സ​ർ​ക്കാ​ർ അ​ഞ്ചു​ല​ക്ഷം രൂ​പ പ്ര​ത്യേ​ക ഗ്രാ​ന്‍റ്​ അ​നു​വ​ദി​ച്ചു. 1965-67 കാ​ല​ഘ​ട്ട​ത്തി​ൽ സ​ർ​ക്കാ​ർ സ​ഹാ​യ​ത്തോ​ടെ സം​യു​ക്ത​മാ​യി മെ​ഡി​ക്ക​ൽ കോ​ള​ജ് ന​ട​ത്തി. കാ​ര്യ​ങ്ങ​ൾ ന​ല്ല​നി​ല​യി​ൽ പോ​യെ​ങ്കി​ലും ന​ട​ത്തി​ക്കൊ​ണ്ടു​പോ​കാ​ൻ ബു​ദ്ധി​മു​ട്ട് അ​റി​യി​ച്ച​തോ​ടെ അ​ഞ്ചു​വ​ർ​ഷ​ത്തേ​ക്ക് സ​ർ​ക്കാ​ർ മാ​ത്ര​മാ​യി ന​ട​ത്താ​നു​ള്ള ധാ​ര​ണ​പ​ത്രം ഒ​പ്പി​ട്ടു.

അ​തി​ന്‍റെ അ​വ​സാ​നം 1972 ഒ​ക്ടോ​ബ​ർ 17മു​ത​ൽ ടി.​ഡി മെ​ഡി​ക്ക​ൽ കോ​ള​ജ്​ സ​ർ​ക്കാ​ർ ഏ​റ്റെ​ടു​ത്ത​താ​യു​ള്ള ഉ​ത്ത​ര​വ് അ​ന്ന​ത്തെ മു​ഖ്യ​മ​ന്ത്രി സി. ​അ​ച്യു​ത​മേ​നോ​ൻ പു​റ​പ്പെ​ടു​വി​ച്ചു. അ​തോ​ടെ​യാ​ണ്​ ജി.​എ​സ്.​ബി സ​മു​ദാ​യം സ്ഥാ​പി​ച്ച സ്വ​കാ​ര്യ മേ​ഖ​ല​യി​ലെ ആ​ദ്യ മെ​ഡി​ക്ക​ൽ കോ​ള​ജ് സ​ർ​ക്കാ​റി​ന്​ സ്വ​ന്ത​മാ​യ​ത്. ഈ ​സം​രം​ഭ​വു​മാ​യി ബ​ന്ധ​പ്പെ​ട്ട രേ​ഖ​ക​ളും അ​പൂ​ർ​വ ചി​ത്ര​ങ്ങ​ളും ഇ​പ്പോ​ഴും ഭ​ദ്ര​മാ​യി സൂ​ക്ഷി​ക്കു​ക​യാ​ണ് കെ. ​നാ​ഗേ​ന്ദ്ര​പ്ര​ഭു​വി​ന്‍റെ മ​ക​ൻ 90 വ​യ​സ്സു​ള്ള എ​ൻ. ഗോ​പി​നാ​ഥ​പ്ര​ഭു. എ​ല്ലാ​വ​ർ​ഷ​വും ടി.​ഡി മെ​ഡി​ക്ക​ൽ കോ​ള​ജി​ൽ​നി​ന്നു​ള്ള മി​ക​ച്ച വി​ദ്യാ​ർ​ഥി​ക്ക്​ അ​വാ​ർ​ഡും എ​ർ​പ്പെ​ടു​ത്തി​യി​ട്ടു​ണ്ട്.