സെസ്റ്റ്​ ഫാർമസി അവതരിപ്പിച്ച്​ ആസ്റ്ററും സ്പിന്നീസും

അ​ബൂ​ദ​ബി: ജി.​സി.​സി​യി​ലെ പ്ര​മു​ഖ ഫാ​ര്‍മ​സി ശൃം​ഖ​ല​യാ​യ ആ​സ്റ്റ​ര്‍ ഫാ​ര്‍മ​സി​യും സ്പി​ന്നീ​സ് നി​യ​ന്ത്രി​ക്കു​ന്ന ഫൈ​ന്‍ ഫെ​യ​ര്‍ ഫു​ഡ് ഗ്രൂ​പ്പു​മാ​യും വെ​യ്ട്രോ​സ് റീ​ട്ടെ​യി​ല്‍ യു.​എ.​ഇ​യു​മാ​യും ചേ​ര്‍ന്ന് ‘സെ​സ്റ്റ് ഫാ​ര്‍മ​സി’ എ​ന്ന പേ​രി​ൽ വെ​ല്‍ന​സ് ഫാ​ര്‍മ​സി​യു​ടെ ലോ​ഞ്ചി​ങ് പ്ര​ഖ്യാ​പി​ച്ചു. ആ​ധു​നി​ക​ത, പ്ര​കൃ​തി​ദ​ത്തം, പ​രി​സ്ഥി​തി​സൗ​ഹൃ​ദ രീ​തി​ക​ള്‍ എ​ന്നി​വ സ​മ​ന്വ​യി​പ്പി​ക്കു​ന്ന അ​നു​ഭ​വം ഉ​പ​ഭോ​ക്താ​ക്ക​ള്‍ക്ക് പ്ര​ദാ​നം​ചെ​യ്യാ​നാ​ണ് സെ​സ്റ്റ് ഫാ​ര്‍മ​സി ല​ക്ഷ്യ​മി​ടു​ന്ന​ത്.

ആ​സ്റ്റ​ര്‍ ഫാ​ര്‍മ​സി​യു​ടെ ആ​രോ​ഗ്യ​പ​രി​ച​ര​ണ രം​ഗ​ത്തെ വൈ​ദ​ഗ്ധ്യ​വും സ്പി​ന്നീ​സി​ന്‍റെ റീ​ട്ടെ​യി​ല്‍ മേ​ഖ​ല​യി​ലെ മി​ക​വും സം​യോ​ജി​ക്കു​ന്ന സ​ഹ​ക​ര​ണ​ത്തി​ലൂ​ടെ പ്രീ​മി​യം വെ​ല്‍ന​സ് ഡെ​സ്റ്റി​നേ​ഷ​ൻ സൃ​ഷ്ടി​ക്കാ​നാ​ണ്​ ല​ക്ഷ്യം. ആ​സ്റ്റ​ര്‍ ഡി.​എം ഹെ​ല്‍ത്ത് കെ​യ​ര്‍ ഡെ​പ്യൂ​ട്ടി മാ​നേ​ജി​ങ് ഡ​യ​റ​ക്ട​ര്‍ അ​ലീ​ഷ മൂ​പ്പ​ന്‍, ആ​സ്റ്റ​ര്‍ റീ​ട്ടെ​യി​ല്‍ ചീ​ഫ് എ​ക്‌​സി​ക്യൂ​ട്ടി​വ് ഓ​ഫി​സ​ര്‍ എ​ന്‍.​എ​സ്. ബാ​ല​സു​ബ്ര​ഹ്മ​ണ്യ​ന്‍, സ്പി​ന്നീ​സ് ചീ​ഫ് എ​ക്സി​ക്യൂ​ട്ടി​വ് ഓ​ഫി​സ​ര്‍ സു​നി​ല്‍ കു​മാ​ര്‍, അ​ല്‍ബ്വാ​ർ​ദി ഇ​ന്‍വെ​സ്റ്റ്മെ​ന്‍റ്​ ഡ​യ​റ​ക്ട​ര്‍ താ​രീ​ഖ് അ​ല്‍ബ്വാ​ർ​ദി എ​ന്നി​വ​ര്‍ ചേ​ർ​ന്നാ​ണ്​ അ​ബൂ​ദ​ബി​യി​ലെ ഖ​ലീ​ഫ സി​റ്റി​യി​ല്‍ ആ​ദ്യ സെ​സ്റ്റ് ഫാ​ര്‍മ​സി സ്റ്റോ​റി​ന്‍റെ ഉ​ദ്ഘാ​ട​നം നി​ർ​വ​ഹി​ച്ച​ത്.

രോ​ഗ​പ​രി​ച​ര​ണ​ത്തേ​ക്കാ​ള്‍ ഉ​ത്ത​മ​മാ​ണ് രോ​ഗ​പ്ര​തി​രോ​ധ പ്ര​വ​ര്‍ത്ത​ന​ങ്ങ​ളെ​ന്ന വി​ശ്വാ​സ​ത്തി​ന് ഊ​ന്ന​ല്‍ ന​ല്‍കി​യാ​യി​രി​ക്കും സെ​സ്റ്റ്​ ഫാ​ർ​മ​സി​യു​ടെ പ്ര​വ​ർ​ത്ത​നം. ആ​രോ​ഗ്യ​വും ജീ​വി​ത​ശൈ​ലി​യും മെ​ച്ച​പ്പെ​ടു​ത്താ​നും വ്യ​ക്തി​ക​ളെ സം​തൃ​പ്ത ജീ​വി​തം ന​യി​ക്കു​ന്ന​തി​ന് പ്രാ​പ്ത​രാ​ക്കാ​നും ഉ​പ​ദേ​ശ​ങ്ങ​ള്‍ ന​ല്‍കു​ന്ന വി​ദ​ഗ്ധ സം​ഘ​ത്തെ സെ​സ്റ്റ് ഫാ​ര്‍മ​സി അ​വ​ത​രി​പ്പി​ക്കു​ന്നു. ച​ർ​മ​സം​ര​ക്ഷ​ണം, പോ​ഷ​കാ​ഹാ​രം, സൗ​ന്ദ​ര്യ​വ​ർ​ധ​ക വ​സ്തു​ക്ക​ള്‍, മാ​തൃ-​ശി​ശു സം​ര​ക്ഷ​ണം, വീ​ട്ടി​ല്‍ ഉ​പ​യോ​ഗി​ക്കു​ന്ന മെ​ഡി​ക്ക​ല്‍ ഉ​പ​ക​ര​ണ​ങ്ങ​ള്‍ തു​ട​ങ്ങി​യ​വ​യു​ടെ മി​ക​ച്ച ശ്രേ​ണി സെ​സ്റ്റ് സ്‌​റ്റോ​റു​ക​ളി​ല്‍ ല​ഭ്യ​മാ​ക്കും.

ഉ​യ​ര്‍ന്ന നി​ല​വാ​ര​മു​ള്ള വൈ​വി​ധ്യ​മാ​ര്‍ന്ന ഉ​ൽ​പ​ന്ന​ങ്ങ​ള്‍ തേ​ടു​ന്ന ഉ​പ​ഭോ​ക്താ​ക്ക​ളു​ടെ ആ​വ​ശ്യ​ങ്ങ​ള്‍ നി​റ​വേ​റ്റു​ക​യാ​ണ് പു​തി​യ ഫാ​ര്‍മ​സി​യി​ലൂ​ടെ ല​ക്ഷ്യ​മി​ടു​ന്ന​തെ​ന്ന് ആ​സ്റ്റ​ര്‍ ഡി.​എം ഹെ​ല്‍ത്ത് കെ​യ​ര്‍ സ്ഥാ​പ​ക ചെ​യ​ര്‍മാ​നും മാ​നേ​ജി​ങ് ഡ​യ​റ​ക്ട​റു​മാ​യ ഡോ. ​ആ​സാ​ദ് മൂ​പ്പ​ന്‍ പ​റ​ഞ്ഞു. ആ​രോ​ഗ്യ​ക​ര​വും സ​ന്തോ​ഷ​ക​ര​വു​മാ​യ ജീ​വി​ത​ത്തി​ലേ​ക്കു​ള്ള വ​ഴി​യി​ല്‍ വ്യ​ക്തി​ക​ളെ പി​ന്തു​ണ​ക്കു​ന്ന പ്രീ​മി​യം വെ​ല്‍ന​സ് ഉ​ൽ​പ​ന്ന​ങ്ങ​ളു​ടെ ല​ക്ഷ്യ​സ്ഥാ​ന​മാ​യി മാ​റാ​ന്‍ സെ​സ്റ്റ് ഫാ​ര്‍മ​സി ഒ​രു​ങ്ങു​ക​യാ​ണെ​ന്ന് ഡെ​പ്യൂ​ട്ടി മാ​നേ​ജി​ങ് ഡ​യ​റ​ക്ട​ര്‍ അ​ലീ​ഷ മൂ​പ്പ​ന്‍ വ്യ​ക്ത​മാ​ക്കി.