ശൈഖ്​ സായിദ്​ റോഡ്​-അൽഖൈൽ സ്​ട്രീറ്റ്​ യാത്രാസമയം​ രണ്ടര മിനിറ്റായി ചുരുങ്ങുന്നു

ദുബൈ: ഗതാഗതക്കുരുക്ക്​ എന്ന വാക്ക്​ ദുബൈയുടെ നിഘണ്ടുവിലില്ലെന്ന്​ ഉറപ്പാക്കാൻ റോഡ്​ ഗതാഗത അതോറിറ്റിയുടെ വൈവിധ്യമാർന്ന ശ്രമങ്ങൾ തുടരുന്നു.  ഇതി​​​െൻറ ഭാഗമായി ബിസിനസ്​ ബേയിലെ സമാന്തര റോഡ്​ നവീകരണത്തി​​​െൻറ രണ്ടാം ഘട്ടം പൂർത്തിയാക്കി ജൂൺ എട്ടിന്​ ഗതാഗതത്തിന്​ തുറന്നു കൊടുക്കും. മെയ്​ദാൻ-ഫിനാൻഷ്യൽ സ്​​ട്രീറ്റ്​ എന്നിവക്കിടയിലെ സമാന്തര റോഡുകളുടെ പടിഞ്ഞാറു വശത്തെ നവീകരണമാണ്​ പൂർത്തിയായത്​.

മൂന്നു വരിയുണ്ടായിരുന്ന റോഡുകൾ ഇരുവശത്തേക്കും നാലുവരിയാക്കി വീതികൂട്ടി വികസിപ്പിച്ചു. ഇരുവ​ശത്തേക്കും സർവീസ്​ റോഡുകളും നിർമിച്ചിട്ടുണ്ട്​. ശൈഖ്​ സായിദ്​ റോഡിലൂടെയുള്ള ഗതാഗതം സുഗമമാക്കുന്ന ആസൂത്രിത പ്രവർത്തനങ്ങളുടെ ഭാഗമായാണിത്​.  മണിക്കൂറിൽ ഇരു വശത്തേക്കും 20000 വീതം വാഹനങ്ങൾക്ക്​ കടന്നുപോകാനാകും വിധമാണ്​ റോഡുകൾ വികസിക്കുക. പദ്ധതി പൂർത്തിയാകുന്നതോടെ ശൈഖ്​ സായിദ്​ റോഡിൽ നിന്ന്​ അൽഖൈൽ സ്​ട്രീറ്റിലേക്ക്​ രണ്ടര മിനിറ്റുകൊണ്ട്​ ഒാടിയെത്താനാവും. നിലവിലേതിനേക്കാൾ ഏതാണ്ട്​ പത്ത്​ മിനിറ്റ്​ മുൻപ്​.

അൽ സആദ ബുർജ്​ ഖലീഫ ബൊലീവാർഡ്​ സ്​​ട്രീറ്റുകളുടെ ഇൻറർസെക്​ഷനിൽ 240 മീറ്റർ ഫ്ലൈഒാവർ, അൽ സആദ ബിസിനസ്​ ബേ സ്​ട്രീറ്റുകൾ എന്നിവയെ ബന്ധിപ്പിക്കുന്ന 535 നീളമുളള അടിപ്പാത, അൽ സആദ സ്​ട്രീറ്റിൽ നിന്ന്​ ദുബൈ കനാലി​നു മുകളിലൂടെ അര കിലോമീറ്റർ നീളുമുള്ള പാലം എന്നിവയും രണ്ടാം ഘട്ട പദ്ധതിയിൽ ഉൾക്കൊള്ളുന്നു. 

മെയ്​ദാൻ-ഫസ്​റ്റ്​ അൽഖൈൽ സ്​​ട്രീറ്റ്​ ഇൻറർ സെക്​ഷനുകളെ ബന്ധിപ്പിച്ച്​ 420 മീറ്റർ നീളമുള്ള പാലം,ദുബൈ കുതിരാലയത്തിലേക്ക്​ കുതിരകളെ കൊണ്ടുപോകുന്നതിന്​ അടിപ്പാതയും തുരങ്കവും എന്നിവയും നിർമിക്കുന്നുണ്ട്​. ഫിനാൻഷ്യൽ സ​​െൻററിനും മെയ്​ദാൻ സ്​ട്രീറ്റിനും ഇടയിൽ ഗതാഗതം എളുപ്പമാക്കാൻ ഇൗ പദ്ധതി സഹായകമാകുമെന്ന്​ ആർ.ടി.എ ഡയറക്​ടർ ജനറൽ മത്താർ അൽ തായർ പറഞ്ഞു.