യൂത്ത്​ മീഡിയ കൗൺസിൽ രൂപവത്​കരിച്ചു

അബൂദബി: നാഷനൽ മീഡിയ കൗൺസിലി​​​െൻറ (എൻ.എം.സി) കീഴിൽ യൂത്ത്​ മീഡിയ കൗൺസിൽ രൂപവത്​കരിച്ചു. യുവാക്കളുമായി ബന്ധപ്പെട്ട്​ മാധ്യമ നയരൂപവത്​കരണത്തിന്​ സർക്കാറിന്​ ശിപാർശകൾ സമർപ്പിക്കുക, യു.എ.ഇയി​െല മാധ്യമ മേഖലയിലെ വികസനത്തിൽ സംഭാവനകൾ നൽകുക തുടങ്ങിയ ലക്ഷ്യങ്ങളോടെയാണ്​ യൂത്ത്​ മീഡിയ കൗൺസിലി​​​െൻറ രൂപവത്​കരണം.

ഡിജിറ്റൽ മാധ്യമ പ്രവർത്തകനും നടനും ടെലിവിഷൻ അവതാരകനുമായ മലയാളി ഹമീദ്​ യൂസുഫ്​ ഉൾപ്പെടെ 12 പേരാണ്​ കൗൺസിൽ അംഗങ്ങൾ. ഏഴ്​ യു.എ.ഇ പൗരന്മാരും അഞ്ച്​ വിദേശിക​ളുമാണ്​ കൗൺസിലിലുള്ളത്​. ഹമീദ്​ യൂസുഫിന്​ പുറമെ ശിഹാബുദ്ദീൻ അൽസേറി (യമൻ), മനാർ മുഹമ്മദ്​ (സിറിയ), അമീറ മുഹമ്മദ്​, ഹദീൽ ഹുസ്സം (ഇരുവരും ഇൗജിപ്​ത്​) എന്നിവരാണ്​ വിദേശ രാജ്യങ്ങളിൽനിന്നുള്ളവർ. 

യു.എ.ഇ അംഗങ്ങളായി ഹമദ്​ എ. ആല്യദ്​റൂസ്​, അബ്​ദുല്ല ആൽ നിയാദി, റാഫിദ്​ അഹ്​മദ്​ ആൽ ഹരീഥി, മറിയം ആൽ സആബി, ശൈമ ആൽ അമ്മാറി, മെയ്​ത ആൽ ഗെർഗാവി, ആലിയ ബുജ്​സൈം എന്നിരെയും തെരഞ്ഞെടുത്തു. 18നും 30നും ഇടയിൽ പ്രായമുള്ള വ്യത്യസ്​ത മാധ്യമരംഗങ്ങളിൽ പ്രവർത്തിക്കുന്ന യു.എ.ഇ പൗരന്മാർ, യു.എ.ഇയിലെ താമസക്കാർ എന്നിവരിൽനിന്നായിരുന്നു അംഗത്വത്തിന്​ അപേക്ഷ ക്ഷണിച്ചിരുന്നത്​. 153 പേരിൽനിന്ന്​ വിവിധ മത്സര പരീക്ഷകളും അഭിമുഖങ്ങളും നടത്തിയാണ്​ അംഗങ്ങ​െള ക​െണ്ടത്തിയത്​. ചൊവ്വാഴ്​ച നടന്ന പരിപാടിയിൽ സഹ മന്ത്രിയും എൻ.എം.സി ചെർമാനുമായ ഡോ. സുൽത്താൻ ബിൻ അഹ്​മദ്​ ആൽ ജാബിർ, യുവജന കാര്യ സഹമന്ത്രി ശമ്മ ബിൻത് സുഹൈൽ ഫാരിസ്​ അൽ മസ്​റൂഇ, എൻ.എം.സി ഡയറക്​ടർ ജനറൽ മൻസൂർ ഇബ്രാഹിം ആൽ മൻസൂറി എന്നിവർ പ​െങ്കടുത്ത ചടങ്ങിലാണ്​ അംഗങ്ങളെ പ്രഖ്യാപിച്ചത്​. 

വികസിച്ചുകൊണ്ടിരിക്കുന്ന യു.എ.ഇയുടെ മാധ്യമമേഖലയിൽ നാഷനൽ മീഡിയ കൗൺസിലി​​​െൻറ നയങ്ങളെ പിന്തുണക്കുന്നതിൽ സമഗ്രമായ പങ്ക്​ വഹിക്കുന്ന പുതിയ ഘട്ടത്തെയാണ്​ യൂത്ത്​ മീഡിയ കൗൺസിൽ അടയാ​ളപ്പെടുത്തുന്നതെന്ന്​ ഡോ. സുൽത്താൻ ബിൻ അഹ്​മദ്​ ആൽ ജാബിർ പറഞ്ഞു. രാജ്യത്തെ യുവാക്കളിലും  രാജ്യത്തെ മാധ്യമ വ്യവസായത്തി​​​െൻറ പുരോഗതയിൽ സജീവമായി പങ്കാളികളാകാനുള്ള അവരുടെ വൈദഗ്​ധ്യത്തിലും കഴിവിലും എൻ.എം.സിക്ക്​ സമ്പൂർണ വിശ്വാസമുണ്ടെന്നും അദ്ദേഹം കൂട്ടിച്ചേർത്തു. യു.എ.ഇയിലെയും മേഖലയിലെയും മാധ്യമങ്ങളുടെ ഭാവി കെട്ടിപ്പടുക്കുന്നതിനുള്ള പ്രയത്​നങ്ങളിൽ ഫലപ്രദമായി ഇടപെടുന്ന വിധം യുവാക്കളെ ശാക്​തീകരിക്കുന്നതിനുളള എൻ.എം.സിയുടെ സംരംഭമാണ്​ യൂത്ത്​ മീഡിയ കൗൺസിലെന്ന്​ ശമ്മ ബിൻത് സുഹൈൽ ഫാരിസ്​ അൽ മസ്​റൂഇ അഭിപ്രായപ്പെട്ടു. ബി.പി.ജി ഗ്രൂപ്പിൽ സോഷ്യൽ^ഡിജിറ്റൽ മീഡിയ ഡയറക്​ടറായി പ്രവർത്തിക്കുകയാണ്​ ഹമീദ്​ യൂസുഫ്.​ തൃശൂർ വെങ്കിടങ്​ സ്വദേശിയായ യൂസുഫ്​ മുഹമ്മദി​​​െൻറയും മംഗലുരു സ്വദേശിയായ ജെയിൻ യൂസുഫി​​​െൻറയും മകനായ ഇദ്ദേഹം ‘പേർഷ്യക്കാരൻ’, ‘കല്യാണിസം’ എന്നീ മലയാള ചലച്ചിത്രങ്ങളിൽ അഭിനയിച്ചിട്ടുണ്ട്​. ‘ഡീമോളിഷ്​’ എന്ന ഹ്രസ്വ ചലച്ചിത്രത്തിലെ അഭിനയത്തിന്​ ​െഎ.വി. ശശിയിൽനിന്ന്​ പുരസ്​കാരം സ്വീകരിച്ചിട്ടുണ്ട്​. ചാനൽ ഡിയിൽ ‘വിക്കി ടെക്കി’ പരിപാടി അവതരിപ്പിക്കുകയും ചെയ്യുന്നു. 
ദുബൈ എക്​സ്​പോ 2020​​​െൻറ ഡിജിറ്റൽ പ്ലാനിങ്, ശൈഖ്​ ഹംദാ​​​െൻറ വെബ്​സൈറ്റ്​, മൊബൈൽ ആപ്ലിക്കേഷൻ എന്നിവയുടെ ഡിജിറ്റൽ മാർക്കറ്റിങ്​ എന്നിവ ​ നിർവഹിച്ചത്​ ഹമീദ്​ യൂസുഫാണ്​. ഹൈദരാബാദുകാരിയായ ഫാത്തിമ സൈനബ്​ ആണ്​ ഭാര്യ. മകൻ: റെയ്​ഹാൻ ഹമീദ്​.