പ്രവാസികളുടെ പ്രശ്​നത്തിൽ അടിയന്തിര ഇടപെടൽ വേണം: യൂത്ത് ഇന്ത്യ യു. എ. ഇ നിവേദനം നൽകി

ദുബൈ: കോവിഡ് 19 ​​െൻറ പ്രത്യേക സാഹചര്യത്തിൽ പ്രവാസികളുടെ വിഷയത്തിൽ കേന്ദ്ര - സംസ്ഥാന സർക്കാരുകളുടെ ഭാഗത്തു നിന ്ന് ക്രിയാത്മക ഇടപെടലുകൾ ആവശ്യപ്പെട്ട്​ യൂത്ത്‌ ഇന്ത്യ യു. എ. ഇ. പ്രധാന മന്ത്രി, മുഖ്യമന്ത്രി, ഗവർണർ ഉൾപ്പെടെയ ുള്ള കേന്ദ്ര -സംസ്ഥാന ഭരണ തലവൻമാർക്കും ജനപ്രതിനിധികൾക്കും നിവേദനം നൽകി.

നാട്ടിലേക്ക് പോകാൻ ആഗ്രഹിക്കുന്ന പ്രവാസികളെ നാട്ടിൽ എത്തിക്കാൻ വിമാന സർവ്വീസുകൾ ആരംഭിക്കുന്നത് ഉൾപ്പെടെയുള്ള അടിയന്തിര നടപടികൾ കേന്ദ്ര സർക്കാരി​​െൻറ ഭാഗത്തു നിന്ന് ഉണ്ടാകണം എന്നും. അങ്ങനെ തിരിച്ചെത്തുന്ന പ്രവാസികളെ കോവിഡ് 19 പരിശോധനകൾ ഉൾപ്പെടെയുള്ള കാര്യങ്ങൾ പൂർത്തിയാക്കി ക്വാറൻറീൻ ചെയ്യാൻ സംസ്ഥാന സർക്കാരുകൾ നടപടി കൈക്കൊള്ളണമെന്നും നിവേദനത്തിൽ ആവശ്യപ്പെട്ടു. കോവിഡ് സാഹചര്യത്തിൽ ജോലി നഷ്​ടപ്പെട്ടു നാട്ടിലേക്ക് വരുന്ന പ്രവാസികളുടെ പുനരധിവാസം കേന്ദ്ര - സംസ്ഥാന സർക്കാരുകൾ ഏറ്റെടുക്കണം. പ്രവാസ ലോകത്ത് കടുത്ത രോഗങ്ങൾ കൊണ്ട് പ്രയാസപ്പെടുന്നവർക്ക് വേണ്ടി മെഡിക്കൽ -പാരാമെഡിക്കൽ സ്റ്റാഫ് ഉൾപ്പെടെയുള്ള സംഘത്തെ ഗൾഫ് രാജ്യങ്ങളിലെക്ക്​ അയക്കണമെന്നും അഭ്യർഥിച്ചു.

പ്രധാനമന്ത്രി, മുഖ്യമന്ത്രി, ഗവർണർ, വ്യോമയാന വകുപ്പ് മന്ത്രി, വിദേശ കാര്യമന്ത്രി, വിദേശ കാര്യ വകുപ്പ് സഹമന്ത്രി, രാജ്യ സഭ ചെയർമാൻ, ലോകസഭ സ്പീക്കർ, നിയമസഭ സ്പീക്കർ, രാജ്യസഭ പ്രതിപക്ഷ നേതാവ്, നിയമസഭ പ്രതിപക്ഷ നേതാവ്, കേരളത്തിൽ നിന്നുള്ള ലോകസഭ- രാജ്യസഭ എം.പിമാർ, ചീഫ് സെക്രട്ടറി, വിദേശകാര്യ സെക്രട്ടറി, വിദേശകാര്യ വകുപ്പ് ജോയിന്റ് സെക്രട്ടറി , വ്യോമായാന വകുപ്പ്സെക്രട്ടറി, നോർക്ക പ്രിൻസിപ്പൽ സെക്രട്ടറി, അംബാസഡർ, കോൺസുലാർ ജനറൽ ദുബൈ, കമ്മ്യുണിറ്റി അഫേഴ്‌സ് ഡയരക്ടർ-ഇന്ത്യൻ എംബസി എന്നിവർക്കാണ് നിവേദനം നൽകിയത്.