യോഗ ദിനാചരണം ഇന്ന്​ 

ദുബൈ: മൂന്നാമത്​ അന്തർദേശീയ യോഗ ദിനം പ്രമാണിച്ച്​ യു.എ.ഇയിൽ ​െചാവ്വാഴ്​ച വിപുലമായ പരിപാടികൾ സംഘടിപ്പിക്കും. യോഗ ദിനം ജൂൺ 21നാണെങ്കിലും യു.എ.ഇയിൽ 20നാണ്​ പരിപാടികൾ. റമദാനിലെ പവിത്ര രാത്രിക്കായി ഒരുക്കങ്ങൾ നടത്തേണ്ടതിനാലാണിത്​.  പ്രധാന പരിപാടികൾ തറാവീഹ്​ നമസ്​കാരത്തിന്​ ശേഷമായിരിക്കും ആരംഭിക്കുക. 

ദുബൈയിൽ  ഇന്ത്യൻ കോൺസുലേറ്റി​​​െൻറ ആഭിമുഖ്യത്തിലും അബൂദബിയിൽ ഇന്ത്യൻ എംബസിയുടെയും ആഭിമുഖ്യത്തിലാണ്​ വിവിധ പരിപാടികൾ നടക്കുക. മറ്റു എമി​േററ്റുകളിലും യോഗദിനാചരണമുണ്ട്​.ദുബൈയിൽമുൻ വർഷങ്ങളിൽ ഒരു വേദിയിലാണ്​ ദിനാചരണം നടത്തിയതെങ്കിൽ ഇക്കുറി യോഗ സ്​കൂളുകളുമായി സഹകരിച്ച്​ ബുർജ്​ പാർക്ക്​, സബീൽ പാർക്ക്​, ബുർഹാനി കോംപ്ലക്​സ്​ എന്നിവിടങ്ങളിലാണ്​ പരിപാടികൾ ഒരുക്കുക. കൂടുതൽ ആളുകൾക്ക്​ പ​െങ്കടുക്കാൻ സൗകര്യമൊരുക്കുന്നതിനാണിത്​. പൊതു പരിപാടിയിൽ പ​െങ്കടുക്കാൻ കഴിയാത്തവർ വീടുകളിൽ നിന്ന്​ ദിനാചരണത്തിൽ പങ്കു​ചേരണമെന്ന്​ കോൺസുൽ ജനറൽ  ആഹ്വാനം ചെയ്​തു. 

 അബൂദബി നാഷനൽ എക്​സിബിഷൻ ​െസൻററിൽ നടക്കുന്ന ദിനാഘോഷങ്ങളിൽ യു.എ.ഇ സാംസ്​കാരിക^ വിജ്​ഞാന വികസന മന്ത്രി ശൈഖ്​ നഹ്​യാൻ ബിൻ മുബാറക്​ ആൽ നഹ്​യാൻ, സഹിഷ്​ണുതാ കാര്യ മ​ന്ത്രി ശൈഖ ലുബ്​ന ബിൻത്​ ഖാലിദ്​ ആൽ ഖാസിമി എന്നിവർ സംബന്ധിക്കും. രാ​ത്രി ഒമ്പതു മുതൽ ബോധവത്​കര പരിപാടി ആരംഭിക്കും. മുഖ്യ ചടങ്ങുകൾ 10.30 മുതൽ 11.15 വരെയാണ്​.യോഗ അറിയുന്നവർക്കും അറിയാത്തവർക്കും പ​െങ്കടുക്കാം. പ്രവേശനം സൗജന്യമായിരിക്കും. വാഹനങ്ങൾ അഡ്​നെകിൽ സൗജന്യമായി പാർക്ക്​ ചെയ്യാൻ സൗകര്യമുണ്ടാകും. 

പ​െങ്കടുക്കുന്നവർക്ക്​ യോഗ മാറ്റ്​, ടീ ഷർട്ട്​ എന്നിവ സമ്മാനിക്കും.ഷാർജ ക്രിക്കറ്റ്​ സ്​റ്റേഡിയം,  റാസൽഖൈമ അമേരിക്കൻ യൂനിവേഴ്​സിറ്റി, ഫുജൈറ ഇന്ത്യൻ സോഷ്യൽ ക്ലബ്​, ഉമ്മുൽ ഖുവൈൻ പേൾബീച്ച്​ ഹോട്ടൽ അജ്​മാനിൽ ന്യൂ ഇന്ത്യൻ അസോസിയഷൻ ഒാഡിറ്റോറിയം, അൽ ജർഫ്​ സ്​പോർട്​സ്​ കോംപ്ലക്​സ്​ എന്നിവിടങ്ങളിലും യോഗ ദിനാചരണ പരിപാടികൾ നടക്കും.