യമനിലെ  കോളറ തടയാൻ  യു.എ.ഇ ഒരു കോടി ഡോളർ നൽകും

ദുബൈ: യമനിലെ കോളറ നിർമാർജന പ്രവർത്തനങ്ങൾക്ക്​ യു.എ.ഇ  കോടി ഡോളർ സംഭാവന നൽകും. യു.എ.ഇ വൈസ്​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം ആണ്​ സഹായ ധനം പ്രഖ്യാപിച്ചത്​. ലോക ആരോഗ്യ സംഘടനാ ഡയറക്​ടർ ജനറൽ ഡോ. തെഡ്രോസ്​ അദാനം ഗെ​ബ്രിയേഷ്യസി​​െൻറ ദുബൈ സന്ദർശന വേളയിലായിരുന്നു ഇത്​.  ഉപ ഭരണാധികാരി ശൈഖ്​ മക്​തും ബിൻ മുഹമ്മദ ബിൻ റാശിദ്​ ആ​ൽ മക്​തൂം, മുഹമ്മദ്​ ബിൻ റാശിദ്​ നോളജ്​ ഫൗണ്ടേഷൻ ചെയർമാൻ ശൈഖ്​ അഹ്​മദ്​ ബിൻ മുഹമ്മദ്​ ബിൻ റാശിദ്​ ആൽ മക്​തും എന്നിവരും സംബന്ധിച്ചു.