ആഘോഷ ലഹരിയുണർത്തി കരോൾ സംഘങ്ങൾ സജീവമായി

അൽ​െഎൻ: വിവിധ ദേവാലയങ്ങളുടെ നേതൃത്വത്തിൽ അൽ ​െഎനിൽ കരോൾ സംഘങ്ങൾ സജീവമായതോടെ ക്രിസ്​മസിനെ വരവേൽക്കാൻ വിശ്വാസികൾ തയാറെടുപ്പ്​ തുടങ്ങി. മാളുകൾ അടക്കം നഗരത്തിലെ പ്രധാന കേന്ദ്രങ്ങളെല്ലാം ദീപാലംകൃതമായിക്കഴിഞ്ഞു. മാർക്കറ്റുകളിൽ ക്രിസ്​മസ്​ ട്രീകളുടെയും നക്ഷത്രങ്ങളുടെയും വിൽപനയും അവസാന ഘട്ടത്തിലാണ്​. അൽ ​െഎൻ ​െഎ.എസ്​.സിയിൽ വ്യാഴാഴ്​ച നടന്ന ക്രിസ്​മസ്​ പരിപാടിയിൽ അൽ​െഎൻ മാർത്തോമ ഇടവകയിലെ കുട്ടികൾ അടങ്ങുന്ന സംഘം കരോൾ പരിപാടികൾ അവതരിപ്പിച്ചു. 

വീടുകളിലും ഫ്ലാറ്റുകളിലും മറ്റും എത്തുന്ന കരോൾ സംഘങ്ങളെ അപ്പം, ചമ്മന്തി, കപ്പ തുടങ്ങിയ വിഭവങ്ങൾ തയാറാക്കിയാണ്​ വിശ്വാസികൾ സ്വീകരിക്കുന്നത്​. കരോൾ സംഘങ്ങൾ ക്രിസ്​മസ്​ സന്ദേശവും ചെറിയ സമ്മാനങ്ങളും നൽകിയാണ്​ മടങ്ങുക. ഞായറാഴ്​ച രാത്രി ദേവാലയങ്ങളിൽ സ്​നേഹവിരുന്നും സംഘടിപ്പിക്കുന്നുണ്ട്​. വീടുകളിൽ നിന്ന്​ തയാറാക്കികൊണ്ടുവരുന്ന വിഭവങ്ങൾ കുർബാനക്ക്​ ശേഷം ഒരുമിച്ചിരുന്ന്​ കഴിച്ച്​ ആശംസകൾ കൈമാറി പിരിയുകയാണ്​ ചെയ്യുന്നത്​.