വേൾഡ്​ സ്​കിൽസ്​ അബൂദബി

 ‘പ്രാക്​ടിക്കൽ പരീക്ഷ’ തുടങ്ങി

അബൂദബി: നൂറുകണക്കിന്​ തൊഴിൽശാലകൾ ഒന്നിച്ച്​ അണിനിരത്തിയ പോലെ അബൂദബി നാഷനൽ എക്​സിബിഷൻ സ​​​​െൻറർ. കോളജ്​ ലബോറട്ടറികളിലെ പരീക്ഷണങ്ങളിൽ സസൂക്ഷ്​മം വ്യാപൃതരായ വിദ്യാർഥികൾ കണക്കെ മത്സരാർഥികൾ. പ്രാക്​ടിക്കൽ പരീക്ഷാ ഇൻവിജിലേറ്റർമാരെ അനുസ്​മരിപ്പിക്കും വിധം തൊഴിൽവിദഗ്​ധരുടെ പരിശോധന. 
ഞായറാഴ്​ച ആരംഭിച്ച വേൾഡ്​ സ്​കിൽസ്​ അബൂദബി മത്സരങ്ങളുടെ ഭാഗമായി പാചകവും തയ്യലും മുതൽ വെബ്​ ഡിസൈനിങ്ങും വിമാന റിപ്പയറിങ്ങും വരെ ഒരു മേൽക്കൂരക്ക്​ കീഴിൽ സജീവമായി നടന്നു. വിവിധ രാജ്യങ്ങളുടെ പതാകകളും വ്യത്യസ്​ത രാജ്യക്കാരുടെ വസ്​ത്രങ്ങളും നിരവധി യന്ത്രസംവിധാനങ്ങളും ചേർന്ന്​ എക്​സിബിഷൻ സ​​​​െൻററിൽ നിറങ്ങൾ ഉത്സവം തീർത്തു. 

പുഷ്​പാലങ്കാര മത്സരത്തിൽനിന്ന്

 

ഇതിന്​ പുറമെ ‘ഫ്യൂച്ചർ കോമ്പറ്റീറ്റർ’ വിഭാഗത്തിൽ നിരവധി വിദ്യാർഥികൾ പുത്തൻ പരീക്ഷണങ്ങളുമായി വിവിധ സ്​റ്റാളുകളിൽ നിറഞ്ഞു. ഡ്രോണുകൾ പറത്തിയും കുഞ്ഞു റോ​േബാട്ടുകളെ നടത്തിയും ഇവർ കാണികളുടെ ശ്രദ്ധ കവർന്നു. അബൂദബി പൊലീസ്​, എമിറേറ്റ്​സ്​ ആണവോർജ കോർപറേഷൻ തുടങ്ങി വിവിധ സർക്കാർ ഏജൻസികളുടെ സ്​റ്റാളുകളും പ്രദർശനത്തിനുണ്ടായിരുന്നു. വിവിധ സ്​ഥാപനങ്ങളും സ്​റ്റാളുകൾ ഒരുക്കിയിരുന്നു. 
കണ്ണൂർ സ്വദേശി അനുരാധ്​, കോഴിക്കോട്​ സ്വദേശി ഷഹദ്​ എന്നിവരും ഞായറാഴ്​ച മത്സരരംഗത്തിറങ്ങി. ഇവരെ കൂടാതെ 26 പേർ കൂടി ഇന്ത്യയിൽനിന്ന്​ മത്സരരംഗത്തുണ്ട്​. ജഡ്​ജിങ്​ പാനലിലെ തൊഴിൽവിദഗ്​ധരുടെ കൂട്ടത്തിലും ഇന്ത്യക്കാരുണ്ട്​. വിവിധ സംസ്​ഥാനങ്ങളിൽനിന്നുള്ള ശരത്​ വിശ്വാസ്​ പ്രഭാകർ, തമിൾ സെൽവൻ, അസ്​റോഫ്​ ജമാൽ, വരുൺ ഹനുമന്ത്​ ഗൗഡ, ടി. ആനന്ദ്​ കുമാർ, മാർഷൽ ലാസർ വിൽസൺ, മോഹിത്​ ദുദേജ, നിതീഷ്​ കുമാർ, മെഹർ റിഷിക നോറി, കിരൺ, ആദിത്യ പ്രതാപ്​ സിങ്​ റാതോർ, റോഹിം മോമിൻ, ശൈലേന്ദ്ര ചൗഹാൻ, ഹർഷ പ്രഭാകരൻ, എ. കരൺ, സഹിൽ ബുധിരാജ, കരൺ ധലിവാൽ, മൻമോഹൻ, തലത്​ റസിയ, സിമൂൾ ആൽവ, ആനന്ദ്​ കുമാർ എന്നിവരാണിത്​.
 59 രാജ്യങ്ങളിൽനിന്നുള്ള 1,300ഒാളം പേരാണ്​ ‘വേൾഡ്​ സ്​കിൽ അബൂദബി’യിൽ​ പ​െങ്കടുക്കുന്നത്​. ആറ്​ വിദഗ്​ധ മേഖലകളിലെ 51 ഇനങ്ങളിലാണ്​ മത്സരം.

ഇന്ത്യൻ പവലിയൻ സ്​ഥാനപതി ഉദ്​ഘാടനം ചെയ്​തു
അബൂദബി: വേൾഡ്​ സ്​കിൽസ്​ അബൂദബിയിലെ ഇന്ത്യൻ പവലിയൻ യു.എ.ഇയിലെ ഇന്ത്യൻ സ്​ഥാപതി നവ്​ദീപ്​ സിങ്​ സൂരി ഉദ്​ഘാടനം ചെയ്​തു. വിവിധ രാജ്യങ്ങൾ ഒന്നിക്കുന്ന വേൾഡ്​ സ്​കിൽസ്​ മത്സരങ്ങൾ ഇന്ത്യക്കാരുടെ ശെവദഗ്​ധ്യം ലോകത്തിന്​ മുമ്പിൽ പ്രദർശിപ്പിക്കാനുള്ള അവസരമാണ്​ നമുക്ക്​ നൽകുന്നതെന്ന്​ സൂരി പറഞ്ഞു. മറ്റുള്ളവരിൽനിന്ന്​ പഠിക്കാനും ലോകത്തിലെ മികച്ച വിദഗ്​ധരെ പരിചയപ്പെടാനും ഇതു വഴി സാധിക്കും. കേന്ദ്രസർക്കാരും സംസ്​ഥാന സർക്കാരും സ്വകാര്യ മേഖലയിലെ നിരവധി സ്​ഥാപനങ്ങളും ഇന്ത്യൻ ടീമിന്​ പിന്തുണ നൽകുന്നതായും സൂരി കൂട്ടിച്ചേർത്തു.

നവ്​ദീപ്​ സിങ്​ സൂരി, മന്ത്രി ടി.പി. രാമകൃഷ്ണൻ, ടോം ജോസ്, ശശിധരൻ നായർ, ശ്രീറാം വെങ്കട്ടരാമൻ, എം.എ. യൂസുഫലി തുടങ്ങിയവർ ഇന്ത്യൻ പവലിയന്​ മുന്നിൽ

 

കേരള സംസ്​ഥാന തൊഴിൽ^എക്സൈസ് മന്ത്രി ടി.പി. രാമകൃഷ്ണൻ, അഡീഷണൽ ചീഫ് സെക്രട്ടറി ടോം ജോസ്, ഒഡേപെക് ചെയർമാൻ ശശിധരൻ നായർ, തൊഴിൽ പരിശീലന കേന്ദ്രം എം.ഡി ശ്രീറാം വെങ്കട്ടരാമൻ, വ്യവസായി എം.എ. യൂസുഫലി, ഇന്ത്യൻ എംബസി ഉദ്യോഗസ്​ഥർ, ഇന്ത്യൻ മത്സരാർഥികൾ, തൊഴിൽ വിദഗ്​ധർ എന്നിവരും സന്നിഹിതരായിരുന്നു.

കേരളത്തിന്​ അഭിമാനമായി സി.എൻ.സി ടേണിങ്ങിൽ അനുരാധ്​

അബൂദബി: കേരളത്തിന്​ അഭിമാനമായി കണ്ണൂർ സ്വദേശി അനുരാധ്​ തണ്ടായൻ മടപ്പുരക്കൽ ‘വേൾഡ്​ സ്​കിൽസ്​ അബൂദബി’യിൽ മത്സരത്തിനിറങ്ങി. കമ്പ്യൂട്ടർ ന്യൂമറിക്കൽ കൺട്രോൾ ടേണിങ്ങിലാണ്​ (സി.എൻ.സി ടേണിങ്​) കണ്ണൂർ പാട്യം കോട്ടയോടി കെ.പി. മോഹന​​​​​െൻറയും ടി.എം. ബീനയുടെയും മകനായ അനുരാധ്​ മത്സരിക്കുന്നത്​. 
പരീക്ഷകർ നൽകുന്ന ഡ്രോയിങ്ങിലെ അളവിനൊത്ത്​ പ്രോ​ഗ്രാം ലാഗ്വേജ്​ ആയ എം കോഡും ജി കോഡും ഉപയോഗിച്ച്​ വസ്​തുവിനെ നിർമിച്ചെടുക്കുന്ന പ്രക്രിയയാണ്​ കമ്പ്യൂട്ടർ ന്യൂമറിക്കൽ കൺട്രോൾ ടേണിങ്​. മൊത്തം മൂന്ന്​ മൊഡ്യൂളുകളാണ്​ ഇൗ മത്സരത്തിലുള്ളത്​.

അനുരാധ്​ മത്സരത്തിനിടെ

 

മാസ്​ പ്രൊഡക്​ഷൻ, റീമെഷീനിങ്​, നോർമൽ പ്രോജക്​ട്​ എന്നിവയാണ്​ മൊഡ്യൂളുകൾ. എല്ലാ മൊഡ്യൂളുകളിനും ഒരു മണിക്കൂർ പ്രോഗ്രാമിങ്ങും മൂന്ന്​ മണിക്കൂർ മെഷീനിങ്ങും അടക്കം നാല്​ മണിക്കൂറാണ്​ സമയം.ഞായറാഴ്​ച മാസ്​ പ്രൊഡക്​ഷൻ മൊഡ്യൂളാണ്​ ചെയ്​തത്​. മത്സരം അൽപം ബുദ്ധിമുട്ടായിരുന്നുവെന്ന്​ അനുരാധ്​ പറഞ്ഞു.കോയമ്പത്തൂരിലെ ജി.ഇ.ഡി.ഇ.ഇ ടെക്​നിക്കൽ ട്രെയ്​നിങ്​ ഇൻസ്​റ്റിറ്റ്യൂട്ടിൽനിന്ന്​ ടൂൾ ആൻഡ്​ ഡൈ എൻജിനീയറിങ്ങിൽ ഡിപ്ലോമ​ നേടിയ അനുരാധ്​ സി.എൻ.സി മെഷീൻ ഒാപറേഷൻസ്​ ആൻഡ്​ പ്രോഗ്രാമിൽ മികച്ച പരിശീലനം നേടിയിട്ടുണ്ട്​.

നിർമിതിയുടെ മൂന്നാം മാനം തൊട്ട്​ ത്രീഡി പ്രിൻറിങ്​
അബൂദബി: ത്രീഡി പ്രിൻറിങ്ങി​​​​​െൻറ പ്രവർത്തനം പ്രദർശിപ്പിക്കുന്ന സ്​റ്റാൾ ഏറെ പേരുടെ ശ്രദ്ധയാകർഷിച്ചു. അൾട്ടിമേക്കർ സ്​റ്റാളിലാണ്​ ത്രീഡി പ്രിൻറിങ്​ കാണാനായി നിരവധി പേർ തടിച്ചുകൂടിയത്​. വിദ്യാർഥികളെ ഉദ്ദേശിച്ചുള്ള ത്രീഡി പ്രിൻറിങ്​ യന്ത്രങ്ങളാണ്​ ഇവിടെ പ്രദർശിപ്പിച്ചിരുന്നത്​. ത്രീഡി പ്രിൻറിങ്ങിലൂടെ ഒരു വസ്​തു എങ്ങനെ നിർമിതമാകുന്ന എന്ന്​ തത്സമയം സ്​റ്റാളിൽ പരിചയപ്പെടുത്തി. ഇൗ സാ​േങ്കതികവിദ്യയിലൂടെ നിർമിച്ചെടുത്ത ടൊയോട്ട എൻജി​​​​​െൻറയും മധ്യകാലഘട്ടത്തിലെ കൊട്ടാരത്തി​​​​​െൻറയും മാതൃകകൾ കൗതുകത്തോടെയാണ്​ വിദ്യാർഥികൾ ഉൾപ്പെടെയുള്ളവർ വീക്ഷിച്ചത്​. 

ത്രീഡി പ്രിൻററിൽ നിർമിച്ച കൊട്ടാര മാതൃക

 

സ്​റ്റാളിൽ പ്രദർശിപ്പിച്ച ത്രീഡി പ്രിൻററുകൾ ഉപയോഗിച്ച്​ കൊട്ടാര മാതൃക നിർമിക്കാൻ മൂന്ന്​ ദിവ​സത്തോളമെടുക്കുമെന്ന്​ അൾട്ടിമേക്കർ വിതരണക്കാരായ ഇൗവോ പ്രോ ടെക്​നോളജിയുടെ സെയിൽസ്​ എക്​സിക്യൂട്ടീവ്​ പെരിന്തൽമണ്ണ മാനത്തുമംഗലം സ്വദേശി മുഹമ്മദ്​ മുസ്​തഫ പറഞ്ഞു. വിദ്യാഭ്യാസ ആവശ്യത്തിനുള്ളതിനാലാണ്​ ഇത്രയും സമയമെടുക്കുന്നതെന്നും കൂടുതൽ ഉൽപന്നങ്ങൾ ഒന്നിച്ച്​ നിർമിക്കുന്ന വിധം ഇൗ സാ​േങ്കതികവിദ്യ വികസിച്ചുവരികയാണെന്നും അദ്ദേഹം കൂട്ടിച്ചേർത്തു.

സർഗാത്​മകത വർധിപ്പിക്കാൻ ത്രീ ഡൂഡ്​ലർ
അബൂദബി: കുട്ടികളുടെ സർഗാത്​മകത വർധിപ്പിക്കുന്നതിനുള്ള ത്രീഡൂഡ്​ലർ പരീക്ഷിച്ചുനോക്കാൻ ​പ്രദർശനത്തിനെത്തിയവർ കൂട്ടംകൂടി. കുട്ടികൾക്ക്​ പുറമെ മുതിർന്നവരും ത്രീഡൂഡ്​ലർ പരീക്ഷിച്ചു. മോശമല്ലാത്ത ഡൂഡ്​ലർ നിർമിച്ചവരുടെ സൃഷ്​ടികൾ പ്രദർശിപ്പിക്കാനും സ്​റ്റാളിൽ സൗകര്യമുണ്ട്​. ത്രീഡി പ്രിൻറിങ്​ പേനയാണ്​ ത്രീഡൂഡ്​ലർ. ഇൗ പേനയിൽ ഇക്കോ പ്ലാസ്​റ്റിക്​ നിറച്ച്​ അത്​ ചൂടാക്കുന്ന സംവിധാനത്തിലൂടെയാണ്​ ത്രിമാന ഡൂഡ്​ലുകൾ നിർമിക്കാൻ സാധിക്കുക. വിവിധ തരത്തിലുള്ള ത്രിമാന മാതൃകകളും കളിപ്പാട്ടങ്ങളും ഇതുകൊണ്ട്​ നിർമിക്കാം. ലൈബ്രറികളിലേക്കും ലബോറട്ടറികളി​േലക്കും ആവശ്യമായ വസ്​തുക്കളും നിർമിക്കാമെന്ന്​ കമ്പനി അവകാശപ്പെടുത്തു. 250 ദിർഹം മുതലാണ്​ ഒരു ത്രീഡൂഡ്​ലറി​​​​​െൻറ വില.

ത്രീഡൂഡ്​ലറിൽ വര​ച്ചെടുത്ത ഡൂഡിൽ