ലോക പാര അത്​ലറ്റിക്​സ്​ ചാമ്പ്യൻഷിപ്പ്​: അൽ ഹമ്മാദിയിലൂടെ യു.എ.ഇക്ക്​ രണ്ടു മെഡൽ

ദുബൈ: ലോക പാര അത്​ലറ്റിക്​സ്​ ചാമ്പ്യൻഷിപ്പി​​െൻറ ചരത്രത്തിലാദ്യമായി യു.എ.ഇക്ക്​ മെഡൽനേട്ടം. ലണ്ടനിൽ നടക്കുന്ന ചാമ്പ്യൻഷിപ്പിൽ  മുഹമ്മദ്​ അൽ ഹമ്മാദിയാണ്​ ഒരു വെള്ളിയും വെങ്കലവും നേടി രാജ്യത്തിന്​ ഇരട്ടിമധുരം പകർന്നത്​. പുരുഷന്മാരുശട 400മീ വീൽചെയർ ടി 34 വിഭാഗത്തിലും  100മീ ഒാട്ടത്തിലുമാണ്​ ഹമ്മാദി ലണ്ടൻ  ഒളിമ്പിക്​ സ്​റ്റേഡിയത്തിൽ യഥാ​ക്രമം രണ്ടും മൂന്നും സ്​ഥാനത്തെത്തിയത്​. തുണീഷ്യയുടെ വാലിദ്​ കറ്റിലയാണ്​ രണ്ടിനത്തിലും സ്വർണം നേടിയത്​.

കഴിഞ്ഞ ചൊവ്വാഴ്​ച പരിശീലനത്തിനിടയിൽ അപകടത്തിൽ മരിച്ച യു.എ.ഇയുടെ ജാവലിൻ-ഷോട്ട്​പുട്ട്​ ഏറുകാരനായ  അബ്​ദുല്ല ഹയാഇൗക്ക്​ അൽ ഹമ്മാദി മെഡൽ നേട്ടം സമർപ്പിച്ചു. കഴിഞ്ഞവർഷം ബ്രസീലിലെ റിയോഡി ജനീറോയിൽ നടന്ന പാര ഒളിമ്പിക്​സിൽ അൽ ഹമ്മാദി യു.എ.ഇക്ക്​ വേണ്ടി സ്വർണം നേടിയിരുന്നു. ലണ്ടനിൽ നാലിനത്തിൽ മത്സരിക്കുന്ന ഹമ്മാദിയുടെ അടുത്ത രണ്ടിനങ്ങൾ വ്യാഴാഴ്​ചയും വെള്ളിയാഴ്​ചയുമാണ്​.