ആ​ഗോ​ള സ​ർ​ക്കാ​ർ ഉ​ച്ച​കോ​ടി​ക്ക്​ ഇ​ന്ന്​ തു​ട​ക്കം

ദു​ബൈ: ലോ​ക​ത്തി​ലെ ഏ​റ്റ​വും വ​ലി​യ സ​ർ​ക്കാ​ർ സം​ഗ​മ​ങ്ങ​ളി​ലൊ​ന്നാ​യ ആ​ഗോ​ള സ​ർ​ക്കാ​ർ ഉ​ച്ച​കോ​ടി​ക്ക്​ തി​ങ്ക​ളാ​ഴ്ച ദു​ബൈ​യി​ൽ തു​ട​ക്ക​മാ​കും. ‘ഭാ​വി​സ​ർ​ക്കാ​റി​നെ രൂ​പ​പ്പെ​ടു​ത്തു​ക’ എ​ന്ന പ്ര​മേ​യ​ത്തി​ൽ ദു​ബൈ മ​ദീ​ന​ത്ത്​ ജു​മൈ​റ​യി​ലെ വി​വി​ധ ഹാ​ളു​ക​ളി​ലാ​ണ്​ പ​രി​പാ​ടി ന​ട​ക്കു​ക. 15ന്​ ​സ​മാ​പി​ക്കും.

ആ​ദ്യ ദി​ന​മാ​യ തി​ങ്ക​ളാ​ഴ്ച രാ​വി​ലെ ഒ​മ്പ​തി​ന്​ പ്ലീ​ന​റി ഹാ​ളി​ലാ​ണ്​ പ​രി​പാ​ടി തു​ട​ങ്ങു​ന്ന​ത്. ഉ​ച്ച​കോ​ടി​യു​ടെ ചെ​യ​ർ​മാ​നും കാ​ബി​ന​റ്റ്​​കാ​ര്യ മ​ന്ത്രി​യു​മാ​യ മു​ഹ​മ്മ​ദ്​ അ​ൽ ഗ​ർ​ഗാ​വി ആ​ദ്യ സെ​ഷ​നി​ൽ സം​സാ​രി​ക്കും. ആ​ദ്യ ദി​നം ലോ​ക സാ​മ്പ​ത്തി​ക ഫോ​റം സ്ഥാ​പ​ക​ൻ ക്ലോ​സ്​ ഷ്വാ​ബ്, വേ​ൾ​ഡ്​ ട്രേ​ഡ്​ ഓ​ർ​ഗ​നൈ​സേ​ഷ​ൻ ഡ​യ​റ​ക്ട​ർ എ​ൻ​ഗോ​സി ഐ​വീ​ല, ജോ​ർ​ജി​യ പ്ര​ധാ​ന​മ​ന്ത്രി ഇ​റ​ക്​​ലി ഗ​രീ​ബ​ഷ്​​വി​ലി, റു​വാ​ണ്ട പ്ര​ധാ​ന​മ​ന്ത്രി എ​ഡ്വേ​ഡ്​ എ​ൻ​ഗി​റ​ന്‍റെ, ഈ​ജി​പ്ത്​ പ​രി​സ്ഥി​തി മ​ന്ത്രി ഡോ. ​യാ​സ്മി​ൻ ഫു​വാ​ദ്, ആ​ർ.​ടി.​എ എ​ക്സി​ക്യൂ​ട്ടി​വ്​ ബോ​ർ​ഡ്​ ഡ​യ​റ​ക്ട​ർ മ​ത്താ​ർ അ​ൽ​താ​യ​ർ, യു.​എ.​ഇ ആ​ഭ്യ​ന്ത​ര മ​ന്ത്രി​യും ഉ​പ​പ്ര​ധാ​ന​മ​ന്ത്രി​യു​മാ​യ സെ​യ്​​ഫ്​ ആ​ൽ ന​ഹ്​​യാ​ൻ തു​ട​ങ്ങി​യ​വ​ർ സം​വ​ദി​ക്കും. വ​രും​ദി​ന​ങ്ങ​ളി​ലാ​യി ട്വി​റ്റ​ർ സി.​ഇ.​ഒ ഇ​ലോ​ൺ മ​സ്ക്, ഇം​ഗ്ലീ​ഷ്​ ന​ട​ൻ ഇ​ദ്​​രി​സ്​ എ​ൽ​ബ, ഐ​ക്യ​രാ​ഷ്ട്ര​സ​ഭ സെ​ക്ര​ട്ട​റി ജ​ന​റ​ൽ അ​ന്‍റോ​ണി​യോ ഗു​ട്ടെ​റ​സ്, ഈ​ജി​പ്ഷ്യ​ൻ പ്ര​സി​ഡ​ന്റ് അ​ബ്ദു​ൽ ഫ​ത്താ​ഹ് അ​ൽ​സീ​സി തു​ട​ങ്ങി​യ​വ​രും പ​​ങ്കെ​ടു​ക്കു​ന്നു​ണ്ട്​.

തു​ർ​ക്കി പ്ര​സി​ഡ​ന്‍റ്​ റ​ജ​ബ് ത്വ​യ്യി​ബ് ഉ​ർ​ദു​ഗാ​നും പ​ട്ടി​ക​യി​ലു​ണ്ടെ​ങ്കി​ലും നി​ല​വി​ലെ സാ​ഹ​ച​ര്യ​ത്തി​ൽ അ​ദ്ദേ​ഹം എ​ത്തു​മോ എ​ന്ന കാ​ര്യ​ത്തി​ൽ സം​ശ​യ​മു​ണ്ട്. 20 രാ​ജ്യ​ങ്ങ​ളി​ലെ പ്ര​സി​ഡ​ന്‍റു​മാ​രും 250 മ​ന്ത്രി​മാ​രും 10,000 സ​ർ​ക്കാ​ർ ഉ​ന്ന​തോ​ദ്യോ​ഗ​സ്ഥ​രും സെ​ലി​ബ്രി​റ്റി​ക​ളും പ​ങ്കെ​ടു​ക്കും. 200 സെ​ഷ​നു​ക​ളി​ലാ​യി 300 പ്ര​ഭാ​ഷ​ക​ർ സം​സാ​രി​ക്കും. 80 പ്രാ​ദേ​ശി​ക, അ​ന്താ​രാ​ഷ്ട്ര സ​ർ​ക്കാ​ർ സം​ഘ​ട​ന​ക​ളും പ​​ങ്കെ​ടു​ക്കും. സ​ർ​ക്കാ​ർ മേ​ഖ​ല​യി​ലെ അ​ഞ്ച് അ​വാ​ർ​ഡു​ക​ളും ഉ​ച്ച​കോ​ടി​യി​ൽ പ്ര​ഖ്യാ​പി​ക്കും. കാ​ലാ​വ​സ്ഥ വ്യ​തി​യാ​നം, ഭാ​വി തൊ​ഴി​ൽ സാ​ധ്യ​ത​ക​ൾ, വ​രും കാ​ല​ത്തെ ന​ഗ​രാ​സൂ​ത്ര​ണം, സ​മൂ​ഹം എ​ന്നി​വ​യാ​യി​രി​ക്കും പ്ര​ധാ​ന ച​ർ​ച്ചാ​വി​ഷ​യം. എ​ഫ്.​വൈ.​ഐ സി.​ഇ.​ഒ​യും സം​ഗീ​ത​ജ്ഞ​നും നി​ർ​മാ​താ​വു​മാ​യ വി​ൽ അ​യാം, മെ​റ്റ ഗ്ലോ​ബ​ൽ അ​ഫ​യേ​ഴ്​​സ്​ പ്ര​സി​ഡ​ന്‍റ്​ നി​ക്ക്​ ക്ല​ഗ്, അ​സ​ർ​ബൈ​ജാ​ൻ പ്ര​സി​ഡ​ന്‍റ്​ ഇ​ൽ​ഹാം അ​ലി​യെ​വ്, സെ​ന​ഗാ​ൾ പ്ര​സി​ഡ​ന്‍റ്​ മാ​ക്കി സാ​ൽ, പ​ര​ഗ്വേ പ്ര​സി​ഡ​ന്‍റ്​ മാ​രി​യോ അ​ബ്ദോ ബെ​നി​റ്റെ​സ്, തു​നീ​ഷ്യ പ്ര​ധാ​ന​മ​ന്ത്രി ന​ജ്​​ല ബൗ​ദ​ൻ, വേ​ൾ​ഡ്​ ട്രേ​ഡ്​ ഓ​ർ​ഗ​നൈ​സേ​ഷ​ൻ ഡ​യ​റ​ക്ട​ർ ജ​ന​റ​ൽ എ​ൻ​ഗോ​സി ഒ​കോ​ഞ്ഞോ, കു​വൈ​ത്ത്​ പ്ര​ധാ​ന​മ​ന്ത്രി ശൈ​ഖ് അ​ഹ്​​മ​ദ് ന​വാ​ഫ് അ​ൽ അ​ഹ്​​മ​ദ് അ​സ്സ​ബാ​ഹ്, ഐ.​എം.​എ​ഫ് എം.​ഡി ക്രി​സ്റ്റ​ലീ​ന ജോ​ർ​ജീ​വ, ലോ​കാ​രോ​ഗ്യ സം​ഘ​ട​ന ഡ​യ​റ​ക്ട​ർ ജ​ന​റ​ൽ ഡോ. ​ടെ​ഡ്റോ​സ് അ​ദ്നോം ഗ​ബ്രേ​യ​സ് തു​ട​ങ്ങി​യ​വ​ർ വി​വി​ധ ദി​വ​സ​ങ്ങ​ളി​ൽ സംസാരിക്കും.

ഈ ​വ​ർ​ഷം നി​ർ​ണാ​യ​കം -ഐ.​എം.​എ​ഫ് മേ​ധാ​വി​

ദു​ബൈ: ലോ​ക സാ​മ്പ​ത്തി​ക മേ​ഖ​ല​ക്ക്​ ഈ ​വ​ർ​ഷം നി​ർ​ണാ​യ​ക​മാ​ണെ​ന്ന്​ ഇ​ന്‍റ​ർ​നാ​ഷ​ന​ൽ മോ​ണി​റ്റ​റി ഫ​ണ്ട്​ (ഐ.​എം.​എ​ഫ്) മാ​നേ​ജി​ങ്​ ഡ​യ​റ​ക്ട​ർ ക്രി​സ്റ്റ​ലീ​ന​ ജോ​ർ​ജി​വ. ദു​ബൈ​യി​ൽ തി​ങ്ക​ളാ​ഴ്ച ആ​രം​ഭി​ക്കു​ന്ന ലോ​ക സ​ർ​ക്കാ​ർ ഉ​ച്ച​കോ​ടി​ക്ക്​ മു​ന്നോ​ടി​യാ​യി ന​ട​ന്ന പ​രി​പാ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​വ​ർ.

സാ​മ്പ​ത്തി​ക വ​ള​ർ​ച്ച വ​ർ​ധി​ക്കു​ക​യും പ​ണ​പ്പെ​രു​പ്പം കു​റ​യു​ന്ന​തു​മാ​ണ്​ ഇ​പ്പോ​ൾ കാ​ണു​ന്ന​ത്. ഈ ​വ​ർ​ഷ​വും സാ​മ്പ​ത്തി​ക വ​ള​ർ​ച്ച​യു​ണ്ടാ​യി​ല്ലെ​ങ്കി​ൽ അ​വ​സ്ഥ കൂ​ടു​ത​ൽ ദു​ർ​ബ​ല​മാ​കും. സാ​വ​ധാ​ന​ത്തി​ലു​ള്ള വ​ള​ർ​ച്ച​യാ​ണ്​ പ്ര​തീ​ക്ഷി​ക്കു​ന്ന​ത്. അ​തി​നാ​ൽ, 2024ൽ ​പോ​ലും ആ​വ​ശ്യ​മാ​യ വ​ള​ർ​ച്ച​യി​ലേ​ക്ക്​ എ​ത്തി​ല്ല. പ​ണ​പ്പെ​രു​പ്പ​ത്തി​നെ​തി​രാ​യ പോ​രാ​ട്ട​ത്തി​നാ​ണ്​ ഈ ​വ​ർ​ഷം മു​ഖ്യ​പ​രി​ഗ​ണ​ന. ക​ഴി​ഞ്ഞ വ​ർ​ഷം 8.8 ശ​ത​മാ​ന​മാ​യി​രു​ന്ന പ​ണ​പ്പെ​രു​പ്പം ഈ ​വ​ർ​ഷം 6.6 ശ​ത​മാ​ന​വും അ​ടു​ത്ത വ​ർ​ഷം 4.3 ശ​ത​മാ​ന​വു​മാ​യി മാ​റും. ഇ​ത്​ പോ​സി​റ്റി​വ്​ സൂ​ച​ന​യാ​ണ്. ദു​രി​ത കാ​ല​ഘ​ട്ട​ങ്ങ​ളി​ൽ മ​റ്റ്​ രാ​ജ്യ​ങ്ങ​ളെ സ​ഹാ​യി​ക്കാ​നു​ള്ള ഗ​ൾ​ഫ്​ രാ​ജ്യ​ങ്ങ​ളു​ടെ മ​ന​സ്സ്​ അ​ഭി​ന​ന്ദ​നീ​യ​മാ​ണെ​ന്നും ഐ.​എം.​എ​ഫ്​ മേ​ധാ​വി പ​റ​ഞ്ഞു.