ലോക ഭക്ഷ്യദിനത്തിൽ ഭക്ഷണം പാഴാക്കലിനെതിരെ കാമ്പയിനുമായി ദുബൈ നഗരസഭ

ദുബൈ: ഭക്ഷണം പാഴാക്കലിനെതിരെ വിട്ടുവീഴ്​ചയില്ലാത്ത നിലപാടുമായി ദുബൈ നഗരസഭ. ഭക്ഷ്യ ഉൽപാദകരോ ഉപഭോക്​താക്കളോ ഭക്ഷണം പാഴാക്കരുത്​ എന്ന ആഹ്വാനമാണ്​ യു.എ.ഇ ഭക്ഷ്യബാങ്കും  നഗരസഭയും ചേർന്ന്​ മുന്നോട്ടുവെക്കുന്നത്​. ഒക്​ടോബർ 16ന്​ ZeroFoodWaste എന്ന ഹാഷ്​ടാഗിൽ സാമൂഹിക മാധ്യമ കാമ്പയിനും ഭക്ഷണവിതരണം, ബോധവത്​കരണം, വിവിധ മത്സരങ്ങൾ തുടങ്ങിയ പരിപാടികളും സംഘടിപ്പിക്കുന്നുണ്ട്. ​  
ഭക്ഷണം പാഴാവുന്നത്​ തടയാൻ ഉതകുന്ന ആശയങ്ങളും കർമ പദ്ധതയികളും മുന്നോട്ടുവെക്കാൻ സ്​ഥാപനങ്ങളോടും വ്യക്​തികളോടും നഗരസഭ നിർദേശിച്ചിട്ടുണ്ട്​. www.foodsafetydubai.com വെബ്​സൈറ്റിൽ സീറോ ഫുഡ്​വേസ്​റ്റ്​ എന്ന വിഭാഗത്തിലാണ്​ ആശയങ്ങൾ സമർപ്പിക്കേണ്ടത്​. 
പൊതുജനങ്ങൾക്കും ദുബൈ നഗരസഭാ ജീവനക്കാർക്കും ഏറ്റവും മികച്ച ആശയം മത്സരം ഏർപ്പെടുത്തിയിട്ടുണ്ട്​. സാമൂഹിക മാധ്യമങ്ങളിലൂടെ പങ്കുവെക്കുന്ന ആശയങ്ങളുടെ സ്​ക്രീൻഷോട്ടുകൾ UAEfoodbank@dm.gov.ae എന്ന വിലാസത്തിലാണ്​ അ​യക്കേണ്ടത്​. സ്​കൂളുകൾക്ക്​ ഭക്ഷണം പാഴാക്കലിനെതിരെ പോസ്​റ്ററുകളും വീഡിയോയും തയ്യാറാക്കി സമർപ്പിക്കാം. നഗരത്തി​​െൻറ വിവിധ കോണുകളിൽ സ്​ഥാപിച്ച ഫ്രിഡ്​ജുകളിൽ ഭക്ഷണം നിറച്ച്​ ആവശ്യക്കാർക്ക്​ ലഭ്യമാക്കലാണ്​ ഭക്ഷ്യദിനത്തോടനുബന്ധിച്ച മറ്റൊരു പ്രവർത്തനം. ദുബൈയിലും യു.എ.ഇയിൽ ആകമാനവും ഭക്ഷണം പാഴാവുന്നത്​ തടയാൻ വ്യക്​തികളും സർക്കാറും കഴിയുന്നത്ര പരിശ്രമിക്കണമെന്ന്​ ദുബൈ നഗരസഭ പരിസ്​ഥിതി^ആരോഗ്യ സുരക്ഷാ വിഭാഗം അസി. ഡി.ജി ഖാലിദ മുഹമ്മദ്​ ശരീഫ്​ അഭിപ്രായപ്പെട്ടു. ഉപഭോക്​താക്കളുമായി ആശയവിനിമയം നടത്തിയും അളവിൽ കുറവു വരുത്തിയും സ്​റ്റോക്കുകൾ നല്ല രീതിയിൽ മാനേജ്​ ചെയ്​തും മറ്റും ആവും വിധത്തിലെല്ലാം ഏവരും ഇൗ ഉദ്യമത്തിൽ പങ്കുവഹിക്കണമെന്നും അദ്ദേഹം പറഞ്ഞു.