മുൻ കാമുകനെ വെട്ടിനുറുക്കി മജ്ബൂ​സ്​ ഉണ്ടാക്കിയ സ്​ത്രീ പിടിയിൽ

അബുദാബി: മുൻകാമുകനെ വെട്ടി കൊലപ്പെടുത്തുകയും ശേഷം ചെറു കഷണങ്ങളാക്കി നുറുക്കി അറേബ്യൻ ഭക്ഷ്യ വിഭവമായ മജ്​ബൂസ്​ ആക്കി വിളമ്പുകയും ചെയ്​ത മൊറോകോയിൽ നിന്നുള്ള മുപ്പതുകാരി യു.എ.ഇയിൽ പിടിയിൽ. ഭക്ഷണമാക്കിയ ശേഷം വീടിനടുത്ത്​ ജോലി ചെയ്യുന്ന നിർമാണ തൊഴിലാളികൾക്ക്​ അത്​ കഴിക്കാനായി നൽകുകയായിരുന്നു. ബാക്കിയായ അവശിഷ്​ടങ്ങൾ നായ്​ക്കൾക്ക്​ ഭക്ഷണമായി നൽകുകയും ചെയ്​തു. തന്നെ ഉപക്ഷേിച്ചതിനാലാണ്​ കാമുകനെ വെട്ടി നുറുക്കിയതെന്ന്​ സ്​ത്രീ മൊഴി നൽകി.

കൊല്ലപ്പെട്ടയാളുടെ അജ്​മാനിൽ താമസിക്കുന്ന സഹോദര​ൻ അദ്ദേഹത്തെ കാണാനില്ലെന്നു ചൂണ്ടിക്കാട്ടി പരാതി നൽകുകയും സഹോദരനെ കുറിച്ച്​ അന്വേഷിക്കാനായി സ്​ത്രീയുടെ വീട്ടിൽ എത്തുകയും ചെയ്​തു.

എന്നാൽ കാമുകൻ എവിടെയാണെന്നതിനെ കുറിച്ച്​ തനിക്ക്​ അറിയില്ലെന്നും അദ്ദേഹം മറ്റൊരു പെൺകുട്ടിയെ വിവാഹം കഴിക്കാനൊരുങ്ങൂന്നതറിഞ്ഞതു മുതൽ തങ്ങൾ പിരിഞ്ഞതാണെന്നുമാണ്​ സ്​ത്രീ സഹോദരനോട്​ പറഞ്ഞത്​.

എന്നാൽ ഇതിനിടെ സ്​ത്രീയുടെ വീട്ടിലെ ഭക്ഷണം മിശ്രണം ചെയ്യുന്ന ഉപകരണത്തിൽ മനുഷ്യ​​​​െൻറ പല്ല്​ ശ്രദ്ധയിൽ പെട്ടതാണ്​ കേസി​ൽ സ്​ത്രീയെ കുടുക്കിയത്​. അൽ ​െഎൻ പൊലീസ്​ നടത്തിയ ഡി.എൻ.എ പരിശോധനയിൽ ഉപകരണത്തിൽ നിന്നു ലഭിച്ച പല്ലും അവശിഷ്​ടങ്ങളും യുവാവി​​​​െൻറതാണെന്ന്​ കണ്ടെത്തി.

തുടർന്ന്​ സ്​ത്രീ കുറ്റം സമ്മതിക്കുകയായിരുന്നു. കാമുക​​​​െൻറ ശരീരം വെട്ടി നുറുക്കിയ ശേഷം സ്​ത്രീ ത​​​​െൻറ സുഹൃത്തിനോട്​ വീട്​ വൃത്തിയാക്കാൻ ആവശ്യപ്പെടുകയായിരുന്നു.