ശൈ​ത്യ​കാ​ല സു​ര​ക്ഷ കാ​മ്പ​യി​നു​മാ​യി അ​ബൂ​ദ​ബി പൊ​ലീ​സ്

അ​ബൂ​ദ​ബി: അ​ബൂ​ദ​ബി സി​വി​ല്‍ ഡി​ഫ​ന്‍സ് അ​തോ​റി​റ്റി​യു​മാ​യി സ​ഹ​ക​രി​ച്ച് ‘ന​മ്മു​ടെ ശൈ​ത്യ​കാ​ലം സു​ര​ക്ഷി​ത​വും ആ​സ്വാ​ദ്യ​ക​ര​വും’ എ​ന്ന കാ​മ്പ​യി​നി​ന്റെ ആ​റാ​മ​ത് പ​തി​പ്പി​ന് അ​ബൂ​ദ​ബി പൊ​ലീ​സ് തു​ട​ക്കം കു​റി​ച്ചു. ശൈ​ത്യ​കാ​ല​ത്ത് പൊ​തു​ജ​നം സ്വീ​ക​രി​ക്കേ​ണ്ട അ​വ​ശ്യ മു​ന്നൊ​രു​ക്ക ന​ട​പ​ടി​ക​ളെ​ക്കു​റി​ച്ച് ബോ​ധ​വ​ത്ക​ര​ണം ന​ട​ത്തു​ക​യാ​ണ് കാ​മ്പ​യി​നി​ന്റെ ല​ക്ഷ്യം. അ​പ​ക​ട​ങ്ങ​ളി​ലേ​ക്ക് ന​യി​ക്കു​ന്ന ന​ട​പ​ടി​ക​ള്‍ ഒ​ഴി​വാ​ക്കി ത​ണു​പ്പു​കാ​ലം സു​ര​ക്ഷി​ത​വും ആ​സ്വാ​ദ്യ​ക​ര​വു​മാ​ക്കു​ന്ന​തി​ന് പൊ​ലീ​സു​മാ​യി സ​ഹ​ക​രി​ക്ക​ണ​മെ​ന്ന്​ ബോ​ധ​വ​ത്ക​രി​ക്കു​ന്ന​തി​ലാ​ണ് കാ​മ്പ​യി​ന്‍ ശ്ര​ദ്ധ കേ​ന്ദ്രീ​ക​രി​ക്കു​ന്ന​ത്.

ശൈ​ത്യ​കാ​ല സ്‌​കൂ​ള്‍ അ​വ​ധി​ദി​ന​ങ്ങ​ളി​ൽ കു​ട്ടി​ക​ളു​ടെ മേ​ല്‍ ശ്ര​ദ്ധ പു​ല​ര്‍ത്താ​നും ഓ​ണ്‍ലൈ​ന്‍ ബു​ള്ളി​യി​ങ്, സ​മൂ​ഹ മാ​ധ്യ​മ​ങ്ങ​ളി​ലൂ​ടെ​യു​ള്ള ചൂ​ഷ​ണം മു​ത​ലാ​യ​വ​യി​ല്‍നി​ന്ന് കു​ട്ടി​ക​ളെ സം​ര​ക്ഷി​ക്ക​ണ​മെ​ന്നും കാ​മ്പ​യി​ന്‍ ആ​വ​ശ്യ​പ്പെ​ടു​ന്നു​ണ്ട്. ആ​ളു​ക​ള്‍ കൂ​ടു​ന്ന തു​റ​സ്സാ​യ ഇ​ട​ങ്ങ​ളി​ല്‍ ബൈ​ക്ക് അ​ഭ്യാ​സം അ​ട​ക്ക​മു​ള്ള​വ ന​ട​ത്തു​ന്ന​തി​ല്‍നി​ന്ന് വി​ട്ടു​നി​ല്‍ക്ക​ണ​മെ​ന്നും കാ​മ്പ​യി​ന്‍ മു​ന്ന​റി​യി​പ്പ് ന​ല്‍കു​ന്നു. നി​ര്‍ദി​ഷ്ട പാ​ത​ക​ളി​ലാ​യി​രി​ക്ക​ണം സൈ​ക്കി​ളു​ക​ള്‍ ഓ​ടി​ക്കേ​ണ്ട​ത്. ഹെ​ല്‍മ​റ്റ് അ​ട​ക്ക​മു​ള്ള സു​ര​ക്ഷ ഉ​പ​ക​ര​ണ​ങ്ങ​ള്‍ ധ​രി​ച്ചി​രി​ക്ക​ണം. താ​മ​സ​കേ​ന്ദ്ര​ങ്ങ​ളി​ലൂ​ടെ ജ​നാ​ല​ക​ളി​ലൂ​ടെ​യും മ​റ്റും കു​ട്ടി​ക​ള്‍ വീ​ഴാ​തി​രി​ക്കാ​ന്‍ പ്ര​തി​രോ​ധ ന​ട​പ​ടി​ക​ള്‍ സ്വീ​ക​രി​ക്ക​ണം. വീ​ടി​നു​ള്ളി​ല്‍ തീ​കൂ​ട്ടു​ന്ന​തി​ന്റെ​യും ക​രി ക​ത്തി​ക്കു​ന്ന​തി​ന്റെ​യും അ​പ​ക​ടം കു​ട്ടി​ക​ളെ ബോ​ധ​വ​ത്ക​രി​ക്ക​ണം. ഇ​ത്ത​രം ന​ട​പ​ടി​ക​ള്‍ അ​ഗ്‌​നി​ബാ​ധ​ക്കും ശ്വാ​സ​ത​ട​സ്സ​ത്തി​നും മ​രി​ക്കു​ന്ന​ത​ട​ക്ക​മു​ള്ള അ​പ​ക​ട​ങ്ങ​ള്‍ക്കും കാ​ര​ണ​മാ​വു​മെ​ന്ന​തി​ലും കു​ട്ടി​ക​ളെ ബോ​ധ​വ​ത്ക​രി​ക്ക​ണം. മോ​ഷ​ണ​മ​ട​ക്ക​മു​ള്ള​വ ത​ട​യു​ന്ന​തി​ന് സി.​സി.​ടി.​വി കാ​മ​റ​ക​ള്‍ അ​ട​ക്ക​മു​ള്ള സാ​ങ്കേ​തി​ക വി​ദ്യ​ക​ള്‍ ഉ​പ​യോ​ഗി​ക്ക​ണ​മെ​ന്നും അ​ബൂ​ദ​ബി പൊ​ലീ​സ് പൊ​തു​ജ​ന​ങ്ങ​ളോ​ട് ആ​വ​ശ്യ​പ്പെ​ട്ടു. ക്രെ​ഡി​റ്റ് കാ​ര്‍ഡ് വി​ശ​ദാം​ശ​ങ്ങ​ള്‍ കൈ​മാ​റ​രു​തെ​ന്നും വി​ശ്വ​സ​നീ​യ​മ​ല്ലാ​ത്ത സൈ​റ്റു​ക​ളി​ല്‍നി​ന്ന് ഇ​ല​ക്ട്രോ​ണി​ക് ഗെ​യി​മു​ക​ൾ വാ​ങ്ങു​ന്ന​തി​ല്‍നി​ന്ന് വി​ട്ടു​നി​ല്‍ക്കു​ക​യും വേ​ണം.

രാ​ജ്യ​ത്തെ സ്‌​കൂ​ളു​ക​ള്‍ ശൈ​ത്യ​കാ​ല അ​വ​ധി​യി​ലേ​ക്ക് പ്ര​വേ​ശി​ച്ച സാ​ഹ​ച​ര്യ​ത്തി​ല്‍ വീ​ടു​ക​ളി​ലും മ​റ്റും കു​ട്ടി​ക​ള്‍ അ​പ​ക​ട​ത്തി​ല്‍പ്പെ​ടാ​തെ ര​ക്ഷി​താ​ക്ക​ള്‍ ജാ​ഗ്ര​ത പാ​ലി​ക്ക​ണ​മെ​ന്നും അ​ധി​കൃ​ത​ര്‍ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. ബ​ഹു​നി​ല കെ​ട്ടി​ട​ങ്ങ​ളു​ടെ ബാ​ല്‍ക്ക​ണി​ക​ളി​ല്‍നി​ന്നോ ജ​നാ​ല​ക​ളി​ലൂ​ടെ​യോ കു​ട്ടി​ക​ള്‍ വീ​ഴാ​തി​രി​ക്കാ​ന്‍ ക​ര്‍ശ​ന സു​ര​ക്ഷ ക്ര​മീ​ക​ര​ണ​ങ്ങ​ള്‍ ഒ​രു​ക്ക​ണ​മെ​ന്ന അ​ധി​കൃ​ത​രു​ടെ നി​ര്‍ദേ​ശം താ​മ​സ​ക്കാ​ര്‍ പ​ല​പ്പോ​ഴും ഗൗ​ര​വ​ത്തി​ല്‍ പ​രി​ഗ​ണി​ക്കാ​റി​ല്ല. ഇ​ത് വ​ന്‍ അ​പ​ക​ട​ത്തി​ലേ​ക്കാ​ണ് ന​യി​ക്കു​ന്ന​ത്. ചെ​റി​യ അ​ശ്ര​ദ്ധ​പോ​ലും വ​ന്‍ അ​പ​ക​ട​ങ്ങ​ള്‍ക്കു കാ​ര​ണ​മാ​കു​മെ​ന്ന​തി​നാ​ല്‍ കെ​ട്ടി​ട നി​ര്‍മാ​താ​ക്ക​ളും താ​മ​സ​ക്കാ​രും അ​തി​ജാ​ഗ്ര​ത പാ​ലി​ക്കേ​ണ്ട​തു​ണ്ട്.

ഷാ​ര്‍ജ, ഫു​ജൈ​റ, അ​ബൂ​ദ​ബി എ​മി​റേ​റ്റു​ക​ളി​ലാ​യി 2022ല്‍ ​മൂ​ന്നു കു​ട്ടി​ക​ളാ​ണ് കെ​ട്ടി​ട​ത്തി​ല്‍ നി​ന്നു വീ​ണു മ​രി​ച്ച​ത്. ക​ഴി​ഞ്ഞ അ​ഞ്ചു​വ​ര്‍ഷ​ത്തി​നി​ടെ യു.​എ.​ഇ​യി​ല്‍ വ്യ​ത്യ​സ്ത അ​പ​ക​ട​ങ്ങ​ളി​ല്‍ 17 കു​ട്ടി​ക​ള്‍ വീ​ണു മ​രി​ച്ചി​ട്ടു​ണ്ട്. വീ​ടു​ക​ളി​ല്‍ കു​ട്ടി​ക​ളെ നി​രീ​ക്ഷി​ക്ക​ണ​മെ​ന്നും സു​ര​ക്ഷ സം​വി​ധാ​ന​ങ്ങ​ള്‍ ഉ​ണ്ടാ​വ​ണ​മെ​ന്നും അ​ബൂ​ദ​ബി പൊ​ലീ​സും കാ​മ്പ​യി​നി​ലൂ​ടെ ആ​വ​ശ്യ​പ്പെ​ടു​ന്നു​ണ്ട്. അ​ശ്ര​ദ്ധ​മൂ​ല​മു​ണ്ടാ​കു​ന്ന സം​ഭ​വ​ങ്ങ​ളി​ല്‍ ര​ക്ഷി​താ​ക്ക​ള്‍ക്കെ​തി​രെ ന​ട​പ​ടി സ്വീ​ക​രി​ക്കു​മെ​ന്നും അ​ധി​കൃ​ത​ർ ഓ​ര്‍മി​പ്പി​ച്ചു. ബാ​ലാ​വ​കാ​ശ സം​ര​ക്ഷ​ണ നി​യ​മ​പ്ര​കാ​രം കു​റ്റ​ക്കാ​ര്‍ക്ക് ഒ​രു വ​ര്‍ഷം ത​ട​വോ 5000 ദി​ര്‍ഹം (ഒ​രു ല​ക്ഷം രൂ​പ) പി​ഴ​യോ ര​ണ്ടും ചേ​ര്‍ത്തോ ആ​ണ് ശി​ക്ഷ ല​ഭി​ക്കു​ക.