കാട്ടുതീ: യു.എ.ഇ സഹായത്തിന്​ നന്ദിയറിയിച്ച്​ ​ഗ്രീക്ക്​ പ്രധാനമന്ത്രി

ദുബൈ: കാട്ടുതീ പടർന്നുപിടിച്ചപ്പോൾ നൽകിയ സഹായങ്ങൾക്ക്​ യു.എ.ഇയെ നന്ദിയറിയിച്ച്​ ഗ്രീക്ക്​ പ്രധാനമന്ത്രി കിര്യാ​കോസ് മിത്​സോതകിസ്​.

അബൂദബി കിരീടാവകാശിയും സായുധസേന ഡെപ്യൂട്ടി സുപ്രീംകമാൻഡറുമായ ശൈഖ്​ മുഹമ്മദ്​ ബിൻ സായിദ്​ ആൽ നെഹ്​യാനെ ഫോണിൽ വിളിച്ചാണ്​ കൃതജ്ഞത രേഖപ്പെടുത്തിയത്​. കാട്ടുതീ അണക്കുന്നതിന്​ ഉപകരണങ്ങളും അപകടത്തിൽപെട്ടവർക്ക്​ സഹായവുമാണ്​ യു.എ.ഇ ഗ്രീസിന്​ നൽകിയത്​.

യു.എ.ഇ സർക്കാറും എമിറേറ്റ്​സ്​ റെഡ്​ ക്രസൻറും ചേർന്നാണ്​ അടിയന്തരസഹായം എത്തിച്ചത്​. ഇരുനേതാക്കളും രാജ്യങ്ങളുടെ പൊതു വിഷയങ്ങളും ചർച്ചചെയ്​തു.