ഇനി വൈഫ്ലൈ യാത്ര;  വിമാനത്തിൽ അത​ിവേഗ  ഇൻറർനെറ്റ്​ ലഭ്യമാക്കാൻ ഇത്തിഹാദ്​

അബൂദബി: യാത്രക്കിടെ യുട്യൂബ്​ വീഡിയോകളും ഫേസ്​ബുക്ക്​ പോസ്​റ്റുകളും വാട്ട്​സാപ്പ്​ സന്ദേശങ്ങളും കാണാവുന്ന തരത്തിൽ ഇത്തിഹാദ്​ വിമാനങ്ങളിൽ അതിവേഗ ഇൻറർനെറ്റ്​ സൗകര്യം അവതരിപ്പിക്കുന്നു. 2018 അവസാനത്തോടെയാണ്​ ഇൗ ‘വൈഫ്ലൈ’ സംവിധാനം നടപ്പാവുക. ഇതോടെ ഇത്രയും വേഗതയുള്ള ഇൻറർനെറ്റ്​ സൗകര്യം നൽകുന്ന ആദ്യ വിമാനക്കമ്പനിയാകും ഇത്തിഹാദ്​. 

യഹ്​സാറ്റ്​ സാറ്റലൈറ്റ്​ ഒാപറേറ്ററുമായും ഡു ടെലികോം കമ്പനിയുമായും സഹകരിച്ചാണ്​ ‘വൈഫ്ലൈ’ സൗകര്യം ഒരുക്കുക. സ്വയ്​ഹാൻ മരുഭൂമിയിൽ ഇതിനുള്ള പരിക്ഷണങ്ങൾ വ്യാഴാഴ്​ച സംഘടിപ്പിച്ചു. വിമാനയാത്രക്കാരുടെ മൊബൈൽ ഫോണുകളിലും ടാബ്​ലറ്റുകളിലും കമ്പ്യൂട്ടറുകളിലും സെക്കൻറിൽ 50 മെഗാബൈറ്റ്​ സ്​പീഡിൽ ഇൻറർനെറ്റ്​ ഡാറ്റ ലഭ്യമാക്കാൻ സാധിക്കുമെന്ന്​ ഇൗ പരീക്ഷണങ്ങൾ സ്​ഥിരീകരിച്ചിട്ടുണ്ട്​. 

വിമാനത്തി​​െൻറ വാൽച്ചിറകി​​െൻറ സമീപത്ത്​ ഉറപ്പിക്കുന്ന കുംഭഗോപുരത്തിലെ രണ്ട്​ ആൻറിനകളും വിമാനത്തിനകത്ത്​ സ്​ഥാപിക്കുന്ന വൈഫൈ റൂട്ടറുകളും ഉപയോഗിച്ചായിരിക്കും വിമാനത്തിൽ വൈഫൈ ലഭ്യമാക്കുക. ചെറിയ കണ്ടെയ്​നർ യൂനിറ്റിൽ ആൻറിനകൾ സ്​ഥാപിച്ചാണ്​ വ്യാഴാഴ്​ച പരീക്ഷണം നടത്തിയത്​. അടുത്ത മാസം നടക്കുന്ന ദുബൈ എയർ ഷോയിൽ സംവിധാനം ഘടിപ്പിച്ച ഇത്തിഹാദ്​ വിമാനം പ്രദർശിപ്പിക്കുമെന്ന്​ അധികൃതർ വ്യക്​തമാക്കി. ഡു വൈഫൈ സംവിധാനങ്ങളുടെ സുരക്ഷാക്രമീകരണങ്ങൾ ഉപയോഗിച്ച്​ സൈബർ ആക്രമണങ്ങളിൽനിന്ന്​ ഇൗ സാ​േങ്കതികവിദ്യയെ സുരക്ഷിതമാക്കുമെന്ന്​ ഡു ചീഫ്​ ഇൻഫ്രാ സ്​ട്രക്​ചർ ഒാഫിസർ സലീം ആൽ ബലൂഷി പറഞ്ഞു. ഇതിനായി ഫയർവാളുകളും ട്രോജൻ ഡിറ്റക്​ഷൻ സംവിധാനവും ഉപയോഗിക്കുമെന്നും അദ്ദേഹം കൂട്ടി​ച്ചേർത്തു.
വിമാനയാത്രയിൽ യാത്രക്കാർ വൈഫൈ കണക്​ഷൻ ആഗ്രഹിക്കുന്നുവെന്ന്​ പഠനങ്ങളിൽ വ്യക്​തമായിരുന്നു.