ഭാര്യയെ പിടി കൂടാൻ  പർദ ധരിച്ച്​ ഭർത്താവ്​:  കേസ്​ കോടതിയിൽ

ദുബൈ: ഭാര്യക്ക്​ മറ്റാരുമായോ ബന്ധമുണ്ടെന്ന്​ സംശയിച്ച്​ പർദയുമിട്ട്​ പിടിക്കാനിറങ്ങി പൊലീസ്​ പിടിയിലായ ഇന്ത്യൻ യുവാവി​​​െൻറ കേസ്​ കോടതിയിൽ. പർദയും നിഖാബും ധരിച്ച്​ മെട്രോ ട്രെയിനിൽ കയറുന്നതിനിടെയാണ്​ യുവാവ്​ കുടുങ്ങിയത്​. ത​​​െൻറ ഭാര്യ ഒരു പുരുഷനുമായി ഫോണിൽ സംസാരിക്കുന്നതു കേട്ടുവെന്നും അവരിരുവരും ഏതോ മെട്രോ സ്​റ്റേഷനിൽ വെച്ച്​ കണ്ടുമുട്ടാൻ തീരുമാനിച്ചതിനാൽ കൈയോടെ പിടികൂടാനാണ്​ താൻ വേഷം മാറിയിറങ്ങിയതെന്നുമാണ്​ യുവാവി​​​െൻറ വാദം. ഇതിനായി ദേരയിലെ കടയിൽ നിന്ന്​ പർദയും വസ്​ത്രങ്ങളുമെല്ലാം വാങ്ങിയാണ്​ ഇയാൾ ഇറങ്ങിയത്​.

മെട്രോ സ്​റ്റേഷനിലെത്തി ട്രെയിൻ കയറുന്നതിനിടെ നടപ്പി​​​െൻറ രീതിയിൽ സംശയം തോന്നിയ പൊലീസുകാരൻ മുഖാവരണം മാറ്റാൻ ആവശ്യപ്പെടുകയായിരുന്നു. തുടർന്ന്​ പിടികൂടുകയും ചെയ്​തു. കോടതിയിൽ കേസ്​ പരിഗണിക്കവെ നിരപരാധിയാണെന്ന്​ വാദിച്ചെങ്കിലും രണ്ടായിരം ദിർഹം പിഴ ഇൗടാക്കാൻ കോടതി നിർദേശിക്കുകയായിരുന്നു. എന്നാൽ പ്രതിക്ക്​ കൂടിയ ശിക്ഷ നൽകണമെന്നും നാടുകടത്തണമെന്നും പ്രോസിക്യുഷൻ വാദിച്ചു. എന്നാൽ തനിക്ക്​ ദു​രുദ്ദേശങ്ങളൊന്നുമില്ലായിരുന്നുവെന്നും ഭാര്യ തന്നെ വഞ്ചിക്കുന്ന സംശയത്താൽ അതു കണ്ടെത്തുന്നതിന്​ അവർ അറിയാതെ പിന്തുടരുക മാത്രമാണ്​ ചെയ്​തതെന്നും ഇയാൾ കോടതിയിൽ പറഞ്ഞു. കേസ്​ ഇൗ മാസം അവസാനത്തേക്ക്​ മാറ്റിയിരിക്കുകയാണ്​.