പ​ര​ക്കെ മ​ഴ; പെ​യ്​​തൊ​ഴി​ഞ്ഞു 2021

ദു​​ബൈ: നീ​ണ്ട കാ​ത്തി​രി​പ്പി​ന്​ ശേ​ഷം വ​ർ​ഷാ​വ​സാ​ന ദി​ന​ത്തി​ൽ യു.​എ.​ഇ​യി​ലെ മി​ക്ക​യി​ട​ങ്ങ​ളി​ലും പ​ര​ക്കെ മ​ഴ. അ​ബൂ​ദ​ബി, ദു​ബൈ, ഷാ​ർ​ജ, അ​ജ്​​മാ​ൻ, ഉ​മ്മു​ൽ​ഖു​വൈ​ൻ, റാ​സ​ൽ​ഖൈ​മ തു​ട​ങ്ങി​യ എ​മി​റേ​റ്റു​ക​ളി​ൽ പ​ല​ഭാ​ഗ​ങ്ങ​ളി​ലാ​യി ഒ​റ്റ​പ്പെ​ട്ട​തും ക​ന​ത്ത​തു​മാ​യ മ​ഴ ല​ഭി​ച്ചു. വെ​ള്ളി​യാ​ഴ്ച പു​ല​ർ​ച്ച ആ​രം​ഭി​ച്ച മൂ​ടി​ക്കെ​ട്ടി​യ അ​ന്ത​രീ​ക്ഷം പ​ക​ൽ മു​ഴു​വ​നും മാ​റ്റ​മി​ല്ലാ​തെ നി​ല​നി​ന്നു. ചി​ല​യി​ട​ങ്ങ​ളി​ൽ മി​ന്ന​ലോ​ടെ​യാ​ണ്​ മ​ഴ ല​ഭി​ച്ച​ത്. ക​ന​ത്ത മ​ഴ പെ​യ്ത​തോ​ടെ പ​ല​ഭാ​ഗ​ങ്ങ​ളി​ലും വെ​ള്ളം കെ​ട്ടി​നി​ൽ​ക്കു​ന്നു​ണ്ട്. ചി​ല വാ​ദി​ക​ളി​ലൂ​ടെ ശ​ക്​​ത​മാ​യ നീ​രൊ​ഴു​ക്കും ദൃ​ശ്യ​മാ​യി.

വെ​ള്ളി​യാ​ഴ്ച രാ​വി​ലെ ദേ​ശീ​യ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം വി​വി​ധ ഭാ​ഗ​ങ്ങ​ളി​ൽ മ​ഴ പ്ര​വ​ചി​ച്ച്​ യെ​ല്ലോ, ഓ​റ​ഞ്ച്​ അ​ല​ർ​ട്ടു​ക​ൾ പു​റ​പ്പെ​ടു​വി​ച്ചി​രു​ന്നു. ശ​ക്ത​മാ​യ മ​ഴ​യും കാ​റ്റും കാ​ര​ണം ദൂ​ര​ക്കാ​ഴ്ച കു​റ​യു​മെ​ന്നും പൊ​ടി​ക്കാ​റ്റു​ണ്ടാ​കു​മെ​ന്നും യാ​ത്ര​ക്കാ​ർ ജാ​ഗ്ര​ത പാ​ലി​ക്ക​ണ​മെ​ന്നും മു​ന്ന​റി​യി​പ്പ് ന​ൽ​കി​യി​രു​ന്നു. പ്ര​തീ​ക്ഷി​ക്കാ​തെ പു​തു​വ​ത്സ​ര ത​ലേ​ന്ന്​ മ​ഴ ല​ഭി​ച്ച​ത്​ ജ​ന​ങ്ങ​ൾ​ക്ക് ​ആ​ഹ്ലാ​ദം പ​ക​രു​ന്ന അ​നു​ഭ​വ​മാ​യി. ഒ​രു വ​ർ​ഷ​​ത്തി​ലേ​റെ​യാ​യി മ​ഴ ല​ഭി​ക്കാ​ത്ത സ്ഥ​ല​ങ്ങ​ളി​ല​ട​ക്കം ശ​ക്​​ത​മാ​യ മ​ഴ ല​ഭി​ച്ചി​ട്ടു​ണ്ട്. വെ​ള്ളി​യാ​ഴ്ച ജു​മു​അ പ്രാ​ർ​ഥ​ന​യു​ടെ സ​മ​യ​ത്താ​ണ്​ പ​ല​യി​ട​ങ്ങ​ളി​ലും മ​ഴ ക​ന​ത്ത​ത്.

റാ​സ​ൽ​ഖൈ​മ എ​മി​റേ​റ്റി​ൽ വി​വി​ധ പ്ര​ദേ​ശ​ങ്ങ​ളി​ൽ മ​ഴ ല​ഭി​ച്ചു. മ​ല​നി​ര​ക​ളി​ലും അ​ൽ റം​സ് ഉ​ൾ​പ്പെ​ടെ ഉ​ൾ​ഭാ​ഗ​ങ്ങ​ളി​ൽ ന​ല്ല മ​ഴ ല​ഭി​ച്ച​താ​യി റി​പ്പോ​ർ​ട്ട് ചെ​യ്തു. അ​ൽ ന​ഖീ​ൽ തു​ട​ങ്ങി​യ പ​ട്ട​ണ പ്ര​ദേ​ശ​ങ്ങ​ളി​ൽ ചാ​റ്റ​ൽ മ​ഴ​യാ​ണ് ല​ഭി​ച്ച​ത്. ശ​ക്ത​മാ​യ മ​ഴ പ്ര​തീ​തി​യി​ൽ മേ​ഘാ​വൃ​ത​മാ​ണ് അ​ന്ത​രീ​ക്ഷം. ക​ട​ൽ​തീ​ര​ങ്ങ​ളി​ലും പ​ർ​വ​ത നി​ര​ക​ളി​ലും എ​ത്തു​ന്ന​വ​ർ ജാ​ഗ്ര​ത പു​ല​ർ​ത്ത​ണ​മെ​ന്ന് അ​ധി​കൃ​ത​ർ നി​ർ​ദേ​ശി​ച്ചു. അ​ജ്മാ​നി​ൽ ഇ​ടി​മി​ന്ന​ലോ​ടെ​യാ​ണ്​ ശ​ക്ത​മാ​യ മ​ഴ പെ​യ്​​ത​ത്. രാ​വി​ലെ 5.30ഓ​ടെ ആ​രം​ഭി​ച്ച മ​ഴ ഉ​ച്ച​വ​രെ ഇ​ട​വി​ട്ട് തു​ട​ർ​ന്നു. മ​ഴ ചി​ല​യി​ട​ങ്ങ​ളി​ല്‍ വെ​ള്ള​ക്കെ​ട്ടു​ക​ള്‍ക്ക് കാ​ര​ണ​മാ​യെ​ങ്കി​ലും വെ​ള്ളി​യാ​ഴ്ച അ​വ​ധി​യാ​യ​തി​നാ​ല്‍ വാ​ഹ​ന​ഗ​താ​ഗ​ത​ത്തെ കാ​ര്യ​മാ​യി ബാ​ധി​ച്ചി​ല്ല. മ​ഴ​യോ​ടൊ​പ്പം ശ​ക്ത​മാ​യ ഇ​ടി​വെ​ട്ടും മി​ന്ന​ലും ഉ​ണ്ടാ​യെ​ങ്കി​ലും കാ​ര്യ​മാ​യ അ​പ​ക​ട​ങ്ങ​ളൊ​ന്നും റി​പ്പോ​ര്‍ട്ട് ചെ​യ്യ​പ്പെ​ട്ടി​ട്ടി​ല്ല.

ഉ​മ്മു​ൽ​ഖു​വൈ​നി​ൽ പ​ല മേ​ഖ​ല​യി​ലും മ​ഴ​യി​ൽ വെ​ള്ള​ക്കെ​ട്ടു​ക​ൾ രൂ​പ​പ്പെ​ട്ടു. ബ​സാ​ര്‍ മു​ത​ല്‍ ഇ​ത്തി​ഹാ​ദ് റോ​ഡ് അ​ട​ക്കം മേ​ഖ​ല​ക​ളി​ൽ മ​ഴ ല​ഭ്യ​മാ​യി. അ​വ​ധി ദി​വ​സം ആ​യ​തി​നാ​ൽ പ​ല​സ്ഥ​ല​ങ്ങ​ളി​ലും കു​ട്ടി​ക​ള്‍ നീ​റ്റി​ല്‍ ക​ട​ലാ​സ് തോ​ണി ഇ​റ​ക്കി​ക്ക​ളി​ക്കു​ന്ന​ത് കൗ​തു​ക​ക​ര​മാ​യ കാ​ഴ്ച​യാ​യി​രു​ന്നു.