മൂന്നുതവണ പോയി; തീർന്നില്ല കാഴ്​ചകൾ

25 വർഷമായി ദുബൈയിലുള്ള ഞാൻ ദുബൈ ഷോപ്പിങ്​ ഫെസ്​വറ്റിൽ കാണാൻ കുടുംബത്തെ സന്ദർശക വിസയിൽ പലപ്പോഴും കൊണ്ടുവരാറുണ്ട്​.

ഇപ്രാവശ്യം കൊറോണക്കാലത്തെ സ്‌കൂൾ അവധി ആയതിനാൽ എക്​സ്​പോ കാണാനാണ്​ കുടുംബത്തെ കൊണ്ടുവന്നത്​. കാരണം ലോകോത്തരമേള കാണാൻ കുട്ടികൾക്ക്​ വലിയ ആഗ്രമായിരുന്നു. ഇതിനകം കുടുംബത്തോടൊപ്പം മൂന്ന് പ്രാവശ്യം വിശ്വമേള സന്ദർശിച്ചു. ഇനിയും ധാരാളം പവലിയനുകൾ കാണാൻ ബാക്കിയുണ്ട്. തീർച്ചയായും ദുബൈയെ സംബന്ധിച്ച്​ വലിയ ചരിത്ര സംഭവം തന്നെയാണ് എക്​സ്​പോ 2020 എന്ന്​ തീർത്തുപറയാനാവും.

സന്ദർശിച്ചതിൽ എമിറേറ്റിസി​െൻറയും യു.എ.ഇയുടെയും പവലിയനുകളാണ്​ ഏറ്റവും മികച്ചതായി തോന്നിയത്​. തിരക്ക്​ കാരണം നേരത്തെ ബുക്ക്​ ചെയ്യേണ്ടതുള്ളതിനാൽ ആദ്യ രണ്ട്‌ തവണയും ഇവ സന്ദർശിക്കാൻ കഴിഞ്ഞിരുന്നില്ല. മൂന്നാം സന്ദർശനത്തിൽ വാശിയോടെയാണ്​ ഓൺലൈൻ ബുക്കിങ്ങിലൂടെ ഇരു പവലിയനുകളിലും പ്രവേശിച്ചത്​. ഏതായാലും അധ്വാനിച്ചത്​ വെറുതയായില്ലെന്ന്​ ഇവിടുത്തെ മനോഹര കാഴ്​ചകൾ കണ്ടപ്പോൾ ബോധ്യമായി. എമിറേറ്റ്​സ്​ വിമാനത്തിൽ കയറിയതിന്​ സമാനമായ അനുഭവമാണ്​ അവരുടെ പവലിയനിലുണ്ടായതെന്ന്​ ഭാര്യയും മക്കളും പറഞ്ഞു. സന്ദർശിച്ച മറ്റു പവലിയനുകളും ഒന്നിനൊന്ന്​ മെച്ചമാണ്​.

എക്​സ്​പോയെക്കുറിച്ച്​ ആ​െരങ്കിലും ചോദിച്ചാൽ അനുഭവച്ചറിയേണ്ട കാര്യം തന്നെയാണ്​ മേളയെന്നാണ്​ ഞാൻ മറുപടി നൽകുക. എ​െൻറ മക്കൾക്ക്​ സ്​കൂളിൽ പഠിക്കുന്ന പല ചരിത്രങ്ങളും അറിയാനും മനസിലാക്കാനും എക്​പോയിൽനിന്ന്​ സാധിച്ചു. എക്​സ്​പോയിൽ വരുന്നവർക്ക്​ വേണ്ടി ദുബൈ ഒരുക്കിയ സജ്ജീകരണങ്ങളും ഏറ്റവും മികച്ചതാണ്​. എല്ലാ എമി​റേറ്റുകളിൽ നിന്നും ബസ്​ സറവീസുകളും കുട്ടികഹക്കും തൊഴിലാളികൾക്കും സൗജന്യ പ്രവേശനവും നൽകിയത്​ തീർച്ചയായും അഭിനന്ദനാർഹമാണ്​. എക്​സ്​പോയിലെ ബാക്കിയുള്ള പവലിയനുകളും സന്ദർശിക്കണമെന്ന ആഗ്രഹ​േ​താടെയാണ്​ മൂന്നാം ദിവസത്തെ സന്ദർശനം അവസാനിപ്പിച്ചത്​.

-ഹനീഫ്​ ബൈത്തുൽ മദീന, കാസർകോട്​