രാ​ജ്യ​ത്ത്​ അടുത്തദിവസങ്ങളിൽ മ​ഴ സാ​ധ്യ​ത

ദു​ബൈ: രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ഞാ​യ​റാ​ഴ്ച വ​രെ മ​ഴക്ക് സാ​ധ്യ​ത​യു​ണ്ടെ​ന്ന്​ കാ​ലാ​വ​സ്ഥ നി​രീ​ക്ഷ​ണ വൃ​ത്ത​ങ്ങ​ൾ അ​റി​യി​ച്ചു. രാ​ജ്യ​ത്തി​ന്‍റെ വ​ട​ക്ക്, കി​ഴ​ക്ക്​ മേ​ഖ​ല​ക​ളി​ലാ​ണ്​ മ​ഴ പ്ര​വ​ചി​ക്കു​ന്ന​ത്.

ഈ ​ദി​വ​സ​ങ്ങ​ളി​ൽ താ​പ​നി​ല കു​റ​യു​ക​യും ചെ​യ്യും. കാ​ലാ​വ​സ്ഥ​യി​ലെ മാ​റ്റം പ​ല സ്ഥ​ല​ങ്ങ​ളി​ലും രാ​ത്രി സ​മ​യ​ങ്ങ​ളി​ൽ ഈ​ർ​പം വ​ർ​ധി​ക്കാ​നും രാ​വി​ലെ മൂ​ട​ൽ​മ​ഞ്ഞ്​ രൂ​പ​പ്പെ​ടാ​നും കാ​ര​ണ​മാ​യേ​ക്കും.

അ​തു​പോ​ലെ മ​ണി​ക്കൂ​റി​ൽ 40കി.​മീ വേ​ഗ​ത്തി​ൽ വ​രെ കാ​റ്റ്​ വീ​ശാ​നും സാ​ധ്യ​ത​യു​ണ്ട്. ഞാ​യ​ർ മു​ത​ൽ തി​ങ്ക​ൾ രാ​വി​ലെ വ​രെ, തീ​ര​പ്ര​ദേ​ശ​ങ്ങ​ളി​ൽ നേ​രി​യ​തോ മി​ത​മാ​യ​തോ ആ​യ മ​ഴ​യും വ​ട​ക്ക​ൻ, കി​ഴ​ക്ക​ൻ മേ​ഖ​ല​ക​ളി​ൽ ചി​ല​പ്പോ​ൾ ക​ന​ത്ത മ​ഴ​യും പ്ര​തീ​ക്ഷി​ക്കാം.

താ​പ​നി​ല കു​റ​യു​ന്ന​തോ​ടൊ​പ്പം, പ​ർ​വ​ത​പ്ര​ദേ​ശ​ങ്ങ​ളി​ൽ മ​ഞ്ഞ് വീ​ഴാ​നും ചി​ല പ്ര​ദേ​ശ​ങ്ങ​ളി​ൽ ആ​ലി​പ്പ​ഴം വീ​ഴാ​നും സാ​ധ്യ​ത​യു​ണ്ട്.

കാ​റ്റ് ഇ​ട​ക്കി​ടെ ശ​ക്തി​പ്പെ​ടാ​നും മ​ണ​ൽ കാ​റ്റ്​ രൂ​പ​പ്പെ​ടാ​നും സാ​ധ്യ​ത​യു​ണ്ട്. അ​റേ​ബ്യ​ൻ ഗ​ൾ​ഫി​ൽ ക​ട​ൽ പ്ര​ക്ഷു​ബ്ധ​മാ​യി​രി​ക്കു​മെ​ന്നും ഒ​മാ​ൻ ക​ട​ൽ ചി​ല സ​മ​യ​ങ്ങ​ളി​ൽ പ്ര​ക്ഷു​ബ്ധ​മാ​കു​മെ​ന്നും പ്ര​വ​ച​ന​മു​ണ്ട്.