മ​ഴ​ക്കെ​ടു​തി: വെ​ള്ള​ക്കെ​ട്ട്​ നീ​ക്കു​ന്ന​ത്​ സ​ജീ​വം

ദു​ബൈ: ചൊ​വ്വാ​ഴ്ച പെ​യ്ത മ​ഴ​യി​ൽ രൂ​പ​പ്പെ​ട്ട വെ​ള്ള​ക്കെ​ട്ടു​ക​ൾ നീ​ക്കു​ന്ന​തി​ന്​ വി​വി​ധ സ​ർ​ക്കാ​ർ സം​വി​ധാ​ന​ങ്ങ​ളു​ടെ നേ​തൃ​ത്വ​ത്തി​ൽ ശ്ര​മം തു​ട​രു​ന്നു. ദു​ബൈ, ഷാ​ർ​ജ, അ​ജ്​​മാ​ൻ എ​മി​റേ​റ്റു​ക​ളി​ലെ പ്ര​ധാ​ന സ്ഥ​ല​ങ്ങ​ളി​ലെ വെ​ള്ള​ക്കെ​ട്ടു​ക​ൾ മി​ക്ക​തും നീ​ക്കം​ചെ​യ്തു​ക​ഴി​ഞ്ഞെ​ങ്കി​ലും ചി​ല സ്ഥ​ല​ങ്ങ​ളി​ൽ മ​ഴ​വെ​ള്ളം കെ​ട്ടി​നി​ൽ​ക്കു​ന്ന​ത്​ ശ​നി​യാ​ഴ്ച​യും തു​ട​രു​ക​യാ​ണ്.

നൂ​റു​ക​ണ​ക്കി​ന്​ വാ​ട്ട​ർ ടാ​ങ്കു​ക​ളും പ​മ്പു​ക​ളും ഉ​പ​യോ​ഗി​ച്ചാ​ണ്​ വെ​ള്ള​ക്കെ​ട്ടു​ക​ൾ നീ​ക്കി​ക്കൊ​ണ്ടി​രി​ക്കു​ന്ന​ത്. ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ), ദു​ബൈ മു​നി​സി​പ്പാ​ലി​റ്റി സി​വി​ൽ ഡി​ഫ​ൻ​സ്, ദു​ബൈ പൊ​ലീ​സ്​ എ​ന്നി​ങ്ങ​നെ വി​വി​ധ വ​കു​പ്പു​ക​ൾ ഏ​കോ​പി​പ്പി​ച്ചാ​ണ്​ പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്ന​ത്.

ദു​ബൈ മെ​ട്രോ സേ​വ​ന​ങ്ങ​ൾ ഗ്രീ​ൻ ലൈ​നി​ൽ പൂ​ർ​ണ​മാ​യും പു​ന​രാ​രം​ഭി​ച്ച​താ​യി വെ​ള്ളി​യാ​ഴ്ച അ​റി​യി​ച്ചി​രു​ന്നു. ദു​ബൈ​യി​ൽ നി​ന്നു​ള്ള വി​വി​ധ ഇ​ന്റ​ർ​സി​റ്റി ബ​സ് സ​ർ​വി​സു​ക​ളും പു​നഃ​സ്ഥാ​പി​ച്ചി​ട്ടു​ണ്ട്. ഷാ​ർ​ജ​യി​ലും അ​ജ്​​മാ​നി​ലും മ​റ്റു എ​മി​റേ​റ്റു​ക​ളി​ലും വെ​ള്ള​ക്കെ​ട്ടു​ക​ൾ നീ​ക്കം​ചെ​യ്ത്​ ഗ​താ​ഗ​തം പൂ​ർ​വ സ്ഥി​തി​യി​ലാ​ക്കാ​നു​ള്ള ശ്ര​മ​ങ്ങ​ൾ അ​ന്തി​മ​ഘ​ട്ട​ത്തി​ലാ​ണ്. മി​ക്ക റോ​ഡു​ക​ളി​ലും ത​ട​സ്സ​ങ്ങ​ൾ നീ​ക്കി​ക്ക​ഴി​ഞ്ഞി​ട്ടു​ണ്ട്.

എ​ന്നാ​ൽ, ചി​ല​യി​ട​ങ്ങ​ളി​ൽ വെ​ള്ളം കെ​ട്ടി​നി​ൽ​ക്കു​ന്ന​ത്​ തു​ട​രു​ക​യാ​ണ്. അ​ധി​കൃ​ത​ർ അ​തി​വേ​ഗം ഇ​ട​പെ​ട്ട്​ പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ ശ്ര​മം തു​ട​രു​ക​യാ​ണ്. ഷാ​ർ​ജ എ​മി​റേ​റ്റി​ന്‍റെ ഭാ​ഗ​മാ​യി ക​ൽ​ബ അ​ട​ക്ക​മു​ള്ള ഉ​പ ന​ഗ​ര​ങ്ങ​ളി​ലും ഗ​താ​ഗ​തം പു​നഃ​സ്ഥാ​പി​ച്ചു ക​ഴി​ഞ്ഞി​ട്ടു​ണ്ട്. എ​ന്നാ​ൽ, ചി​ല​യി​ട​ങ്ങ​ളി​ൽ വെ​ള്ള​ക്കെ​ട്ട്​ തു​ട​രു​ന്നു​ണ്ട്. ഇ​വ നീ​ക്കം ചെ​യ്യാ​ൻ ന​ട​പ​ടി സ്വീ​ക​രി​ച്ചു വ​രു​ക​യാ​ണ്.

ഷാ​ർ​ജ​യി​ൽ മ​ഴ​ക്കെ​ടു​തി മൂ​ല​മു​ണ്ടാ​യ നാ​ശ​ന​ഷ്ട​ങ്ങ​ൾ വി​ല​യി​രു​ത്താ​ൻ സു​പ്രീം കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി ബ​ന്ധ​പ്പെ​ട്ട വ​കു​പ്പു​ക​ളോ​ട്​ നി​ർ​ദേ​ശി​ച്ചി​ട്ടു​ണ്ട്. കെ​ടു​തി​യു​ടെ ആ​ഘാ​തം നി​യ​ന്ത്രി​ക്കു​ന്ന​തി​നും എ​ല്ലാ വ്യ​ക്തി​ക​ളു​ടെ​യും സു​ര​ക്ഷ ഉ​റ​പ്പാ​ക്കു​ന്ന​തി​നും എ​മി​റേ​റ്റി​ലു​ട​നീ​ളം സാ​ധാ​ര​ണ നി​ല പു​നഃ​സ്ഥാ​പി​ക്കു​ന്ന​തി​നും പ​രി​ശ്ര​മി​ച്ച സ​ർ​ക്കാ​ർ, സൈ​നി​ക ഉ​ദ്യോ​ഗ​സ്ഥ​ർ, പൗ​ര​ന്മാ​ർ, താ​മ​സ​ക്കാ​രാ​യ സ​ന്ന​ദ്ധ​പ്ര​വ​ർ​ത്ത​ക​ർ എ​ന്നി​വ​രെ ഉ​ൾ​പ്പെ​ടെ അ​ദ്ദേ​ഹം അ​ഭി​ന​ന്ദി​ക്കു​ക​യും ചെ​യ്തു.

ദു​ബൈ​യി​ൽ കെ​ട്ടി​ട​ത്തി​ന്റെ അടിഭാ​ഗം ഇടിഞ്ഞു; താ​മ​സ​ക്കാ​രെ​യെ​ല്ലാം സു​ര​ക്ഷി​ത​രാ​ക്കി

ദു​ബൈ: എ​മി​റേ​റ്റി​ലെ മു​ഹൈ​സി​ന​യി​ൽ ബ​ഹു​നി​ല കെ​ട്ടി​ട​ത്തി​ന്റെ അ​ടി​ഭാ​ഗം താ​ഴ്ന്ന​തി​നെ തു​ട​ർ​ന്ന് താ​മ​സ​ക്കാ​രെ ഒ​ഴി​പ്പി​ച്ചു. വെ​ള്ളി​യാ​ഴ്ച രാ​ത്രി പ​ത്തോ​ടെ​യാ​ണ് കെ​ട്ടി​ട​ത്തി​ൽ താ​മ​സി​ക്കു​ന്ന​വ​ർ​ക്ക് കു​ലു​ക്കം അ​നു​ഭ​വ​പ്പെ​ട്ട​ത്. പൊ​ലീ​സും സി​വി​ൽ ഡി​ഫ​ൻ​സു​മെ​ത്തി പ​ത്തു​നി​ല കെ​ട്ടി​ട​ത്തി​ൽ​നി​ന്ന് താ​മ​സ​ക്കാ​രെ പൂ​ർ​ണ​മാ​യും മാ​റ്റി സു​ര​ക്ഷി​ത​രാ​ക്കി. കെ​ട്ടി​ട​ത്തി​ലെ താ​മ​സ​ക്കാ​രി​ൽ ഭൂ​രി​ഭാ​ഗ​വും മ​ല​യാ​ളി​ക​ളാ​ണ്. മ​ല​യാ​ളി​ക​ളു​ടെ നി​ര​വ​ധി സ്ഥാ​പ​ന​ങ്ങ​ളും ഈ ​കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്നു​ണ്ട്.