കോർണിഷിൽ അടുത്ത വർഷം  വാട്ടർ പാർക്കും ഒാപൺ തിയറ്ററും 

അബൂദബി: അബൂദബി കോർണിഷിൽ വാട്ടർ പാർക്കും ഒാപൺ തിയറ്ററും ഉൾപ്പെടെയുള്ള വികസന പ്രവൃത്തികൾ അബൂദബി നഗരസഭ നഗരാസൂത്രണ വിഭാഗം പ്രഖ്യാപിച്ചു. അബൂദബി കോർണിഷ്​ മാസ്​റ്റർ പ്ലാനിന്​ നഗരസഭ അംഗീകാരം നൽകിയിട്ടുണ്ട്​. ഇതി​​െൻറ ആദ്യ ഘട്ടത്തിൽ ലഗൂൺ ബീച്ചിലും ബ്ലൂ വാക്കിലും നടക്കുന്ന നിർമാണ പ്രവൃത്തികൾ സംബന്ധിച്ച വിവരങ്ങളാണ്​ നഗരാസൂത്രണ വിഭാഗം പുറത്തുവിട്ടത്​.ഒന്നാം ഘട്ടം 2018 മാർച്ചിൽ പൂർത്തിയാകുന്നതോടെ ഒാപൺ തിയറ്റർ, പുതിയ ജല കായിക സംവിധാനങ്ങൾ, സ്​പോർട്​സ്​ മൈതാനം, പുതിയ റെസ്​റ്റോറൻറ്​, കിയോസ്​കുകൾ തുടങ്ങിയവ കോർണിഷിലുണ്ടാകും.