ലോ​ക​ത്തി​ലെ ഏ​റ്റ​വും വ​ലി​യ ഫൗ​ണ്ടെ​യ്​​ൻ; ജ​ല​നൃ​ത്ത​മൊ​രു​ക്കി റെ​ക്കോ​ഡി​ടാ​ൻ പാം ​ജു​മൈ​റ

ദുബൈ: റെക്കോഡുകൾ തിരുത്തിക്കുറിക്കുന്നതാണ്​ ദുബൈയുടെ ശീലം. മറ്റ്​ രാജ്യങ്ങളുടെ റെക്കോഡുകൾ തിരുത്തിയെഴുതി മതിവരാതെ ഇപ്പോൾ സ്വന്തം റെക്കോഡുകൾ തിരുത്തുകയാണ്​ ദുബൈ. ഇതിൽ അവസാനത്തേതാണ്​ പാം ജുമൈറയിലെ ഫൗണ്ടെയ്​ൻ.ലോകത്തിലെ ഏറ്റവും വലിയ ഫൗണ്ടെയ്​ൻ എന്ന പകി​ട്ട്​ സ്വന്തമാക്കാനുള്ള ശ്രമം ഈ മാസം 22ന് നടക്കും.

ദുബൈ മാളിന്​ മുന്നിലെ ഫൗണ്ടെയ്​നെ രണ്ടാം സ്​ഥാനത്തേക്ക്​ പിന്തള്ളിയാണ്​ ഇത്​. പാം ജു​ൈമറയിലെ പൊയ​േൻറയിലാണ്​ 'പാം ഫൗണ്ടെയ്​ൻ' വരുന്നത്​. 22ന്​ വൈകീട്ട് നാലുമുതൽ രാത്രി 12 വരെ നടക്കുന്ന ഉദ്​ഘാടന ചടങ്ങിലേക്ക് പ്രവേശനം സൗജന്യമാണ്​. ദിവസം മുഴുവൻ നീണ്ടു നിൽക്കുന്ന ആഘോഷങ്ങൾ ഉദ്​ഘാടന​ത്തോടനുബന്ധിച്ച്​ സംഘടിപ്പിച്ചിട്ടുണ്ട്​. ഡി.ജെ, ഡാൻസ്​, കരിമരുന്ന്​ പ്രയോഗം തുടങ്ങിയവയും ഉണ്ടാവും. എട്ടുമണിയാകു​േമ്പാൾ പൊയ​െൻറയിലെ 30 റസ്​റ്റാറൻറുകളിൽ നിന്ന്​ ജലാഘോഷത്തി​െൻറ വിവിധ രൂപഭാവങ്ങൾ അരങ്ങ്​ തകർക്കും. ആദ്യം എത്തുന്ന 5000 പേർക്ക്​ എൽ.ഇ.ഡി റിസ്​റ്റ്​ബാൻഡുകൾ നൽകും.

വിസ്​മയം ഒളിപ്പിച്ച്​

ദിവസവും വൈകീട്ട് ഏഴുമുതൽ രാത്രി 12 വരെയാണ്​ ഇവിടെ ഫൗണ്ടെയ്​ൻ ഷോ​. 20 ഷോയിലായി അഞ്ച്​ വ്യത്യസ്​ത പ്രകടനങ്ങൾ അരങ്ങുതകർക്കും. പോപ്​, ക്ലാസിക്​, ഖലീജി എന്നിവക്കുപുറമെ വിവിധ അന്താരാഷ്​ട്ര സംഗീതങ്ങൾക്കനുസൃതമായി ജലനൃത്തം നടക്കും. ഓരോ 30 മിനിറ്റുകൾ പിന്നിടു​േമ്പാഴും മൂന്നു​ മിനിറ്റ്​ ഷോ വീതമുണ്ടാകും.

14,000 ചതുരശ്ര അടിയിലായി സ്​ഥാപിച്ചിരിക്കുന്ന ഫൗണ്ടെയ്​ൻ 105 മീറ്റർ വരെ ഉയർന്ന്​ കാഴ്​ചക്കാർക്ക്​ ഹരം പകരും. 3000 എൽ.ഇ.ഡി ലൈറ്റുകളാണ്​ നിറം പകരുന്നത്​. കടലിൽനിന്നുള്ള ജലം നേരിട്ട്​ ഇവിടേക്ക്​ എത്തിക്കുന്നതിനാൽ വെള്ളം സ്​റ്റോക്ക്​ ചെയ്യേണ്ടിവരുന്നില്ല.അതിനാൽ, വാട്ടർ ടാ​േങ്കാ ഫിൽട്രേഷൻ ഉപകരണമോ ആവശ്യമായി വരുന്നില്ല എന്നതും ഇതി​െൻറ മേന്മയാണ്​.കാതടപ്പിക്കുന്ന ശബ്​ദമൊരുക്കാൻ ഇരുവശങ്ങളിലായി 86 സ്​പീക്കറുകൾ ഒരുക്കിയിട്ടുണ്ട്​. platinumlist.net എന്ന വെബ്​സൈറ്റ്​ വഴി രജിസ്​റ്റർ ചെയ്യുന്നവർക്ക്​ സൗജന്യമായി പ​ങ്കെടുക്കാം.