ഇന്ത്യ എ​​െൻറ ഭാഗമാണ്​  –വസീം അക്രം

ഷാർജ: ഇത്ര ആവേശത്തോടെ ക്രിക്കറ്റ്​ പ്രേമികൾ ഇതിനു മുൻപ്​ ഒത്തുകൂടിയത്​ ഷാർജ ക്രിക്കറ്റ്​ സ്​റ്റേഡിയത്തിൽ ഇന്ത്യ-പാക്​ കളികൾ കാണാനായിരിക്കണം. ഷാർജ അന്താരാഷ്​ട്ര പുസ്​തകോത്സവത്തിലെ ഏറ്റവുമധികം ആളുകൾ പ​െങ്കടുത്ത സെഷനുകളിലൊന്നിൽ തടിച്ചുകൂടിയവരോടായി ​ക്രിക്കറ്റ്​ ഇതിഹാസം വസീം അക്രം മനസു തുറന്നു- രാഷ്​ട്രീയം അതി​​െൻറ വഴിക്കു പോകും. പക്ഷെ ഇന്ത്യയെ മാറ്റി നിർത്തി എനിക്ക്​ എന്നെക്കുറിച്ച്​ ചിന്തിക്കാനോ പറയാനോ കഴിയില്ല.  ആ സംസ്​കാരം, ഭക്ഷണം, സുഹൃത്തുക്കൾ...എല്ലാം മിസ്​ ചെയ്യുന്നു^ഇന്ത്യ സന്ദർശിക്കണമെന്ന്​ ഏറെ ആഗ്രഹിക്കാറുണ്ട്​.

നിരവധി ഇന്ത്യൻ ബൗളർമാരെ പരിശീലിപ്പിച്ചിട്ടുണ്ട്​. അവരെല്ലാമായി വളരെ നല്ല ബന്ധത്തിലുമാണിപ്പോഴുമെന്ന്​ പറയു​േമ്പാൾ ഹാളിലെ കരഘോഷം വീണ്ടുമൊരു ക്രിക്കറ്റ്​ സ്റ്റേഡിയം ഒാർമിപ്പിച്ചു. ഞാനൊരു കായിക താരമാണ്​,ആരെങ്കിലും എന്നോട്​ ബൗളിങിലെ വിദ്യകൾ ചോദിച്ചാൽ അവരോട്​ ഏതു നാട്ടുകാരാണ്​ എന്ന്​ തിരക്കാൻ നിൽക്കാതെയാണ്​ ഉപദേശങ്ങൾ നൽകുക. 30ാം വയസു മുതൽ ​പ്രമേഹ ബാധിതനായ അക്രം പാകകിസ്​താനിലും ലോകത്തെമ്പാടും ഇൗ രോഗാവസ്​ഥക്കെതിരെ ബോധവത്​കരണം ആവശ്യമാണെന്നും കൂട്ടിച്ചേർത്തു. അടുത്ത പുസ്​തകത്തെക്കുറിച്ച്​ ഗൗരവമായി ചിന്തിക്കുന്നുവെന്നു പറഞ്ഞ അദ്ദേഹം മിഠായിക്കടയിൽ നിൽക്കുന്ന ബാലനെപ്പോലെ പുസ്​തകമേള ആസ്വദിച്ചെന്നാണ്​ പ്രതികരിച്ചത്​.