വാർണർ ബ്രോസ്​ വേൾഡ്​ ജൂലൈ 25ന്​ തുറക്കും

അബൂദബി: അബൂദബി യാസ്​ ​െഎലൻഡിലെ പുതിയ ആകർഷണമായ വാർണർ ബ്രോസ്​ വേൾഡ്​ ജൂലൈ 25ന്​ പൊതുജനങ്ങൾക്കായി തുറക്കും. പാർക്കി​​​െൻറ വെബ്​സൈറ്റിൽ ബുധനാഴ്​ച മുതൽ ടിക്കറ്റ്​ വിൽപന ആരംഭിച്ചിട്ടുണ്ട്​.  പാർക്കിൽ 29 റൈഡുകളും തത്സമയ വിനോദോപാധികളും ഒരുക്കിയിട്ടുണ്ട്​. ഗോതം സിറ്റി, മെട്രോപോളിസ്​, കാർട്ടൂൺ ജങ്​ഷൻ, ബെഡ്​റോക്ക്​, ഡൈനാമിറ്റ്​ ഗൾഷ്​, വാർണർ ബ്രോസ്​ പ്ലാസ എന്നിങ്ങനെ ആറ്​ വ്യത്യസ്​ത സോണുകളാണ്​ പാർക്കിലുള്ളത്​. മുതിർന്നവർക്ക്​ 295 ദിർഹവും 1.1 മീറ്ററിൽ കുറഞ്ഞ ഉയരമുള്ള കുട്ടികൾക്ക്​ 230 ദിർഹവുമാണ്​ ടിക്കറ്റ്​ നിരക്ക്​. സൗജന്യ പാർക്കിങ്ങിന്​ സൗകര്യമുണ്ട്​.