പഴയ വട കൊടുത്ത്​ വലിയ പിഴ വാങ്ങണോ ?

ബാക്കി വരുന്ന ഭക്ഷണം ഞങ്ങൾ എന്തു ചെയ്യും ?. ഹോട്ടൽ, കഫറ്റീരിയ ഉടമകളുടെ ന്യായമായ ചോദ്യമാണിത്​. പ്രതീക്ഷക്കൊത്ത കച്ചവടം എല്ലാദിവസവും ഉണ്ടാകണമെന്നില്ല. ആഹാരം ബാക്കി വരുന്നത്​ സ്വാഭാവികം. ഇങ്ങനെയുള്ള അവസരങ്ങളിൽ എന്ത്​ ചെയ്യണമെന്ന്​ ദുബൈ മുനിസിപ്പാലിറ്റി തന്നെ പറഞ്ഞു തരുന്നുണ്ട്​. ഗുണനിലവാരമുള്ള ചില്ലറുകളിൽ മൂന്ന്​ ദിവസ​ം വരെ ഭക്ഷണം സൂക്ഷിക്കാം. ഇത്രയും നല്ലൊരു 'ഒാഫർ' ഉപയോഗപ്പെടുത്തുന്നതിന്​ പകരം ദുരുപയോഗം ചെയ്​ത്​ പിഴ വാങ്ങിക്കൂട്ടുന്നുണ്ട്​ ചില ഹോട്ടലുകാർ.

ഭക്ഷണസാധനകൾ കേടുകൂടാതെ സൂക്ഷിക്കുന്ന ഗുണനിലവാരമുള്ള ചില്ലറുകൾക്കും ഫ്രീസറുകൾക്കും​ 2000^3000 ദിർഹമാണ്​ മാർക്കറ്റിൽ വില. പക്ഷെ, നമ്മൾ ചെയ്യുന്നതോ, പണം ലാഭിക്കാൻ ഏറ്റവും കുറഞ്ഞ ചില്ലറും ഫ്രീസറും വാങ്ങും. അല്ലെങ്കിൽ ഏതെങ്കിലും ഒരെണ്ണം വാങ്ങും. ചില്ലറുപയോഗിക്കേണ്ടിടത്ത്​ ഫ്രീസറും ഫ്രീസറുപയോഗിക്കേണ്ടിടത്ത്​ ചില്ലറും ഉപയോഗിക്കും. ഇത്​ മൂലം അധിക ചെലവ്​ ഉണ്ടാകുന്നു എന്ന്​ മാത്രമല്ല, ഭക്ഷണം കേടുവരാനും കാരണമാകും. ഗുണനിലവാരം കുറഞ്ഞ ഉപകരണങ്ങൾ വഴി വൈദ്യുതി നഷ്​ടവും ഉണ്ടാകും. ഇടക്കിടെ​ അറ്റകുറ്റപ്പണിയും വേണ്ടിവരുന്നതോടെ കിട്ടിയ ലാഭം വൻ നഷ്​ടത്തിലെത്തും. കോളകമ്പനികൾ കുറഞ്ഞ തുകക്കോ സൗജന്യമായോ നൽകുന്ന ചില്ലറാണ്​ പലരും ഉപയോഗിക്കുന്നത്​. താപനില കൃത്യമായി സൂക്ഷിക്കാൻ ഇതിന്​ കഴിയില്ല. മുനിസിപ്പാലിറ്റി ഉദ്യോഗസ്​ഥർ പരിശോധനക്ക്​ വരു​േമ്പാൾ പ്രവർത്തിക്കാത്ത ചില്ലറുകളിലും ഫ്രീസറിലും ഭക്ഷണമിരിക്കുന്നത്​ കണ്ടെത്തിയാൽ പിഴയും വീഴും.

ചിലർ ബാക്കി വരുന്ന ഭക്ഷണം അടുക്കളയുടെ ഏതെങ്കില​ുമൊരു മൂലയിൽ പാത്രത്തിൽ മൂടിവെക്കും. ഇതോടെ, തണുത്ത്​ മരവിക്കുന്ന ഭക്ഷണമായിരിക്കും മുനിസിപ്പാലിറ്റിയുടെ പരിശോധനയിൽ കണ്ടെത്തുക. ഭക്ഷണം പാകം ചെയ്​തയുടൻ വിതരണം ചെയ്യണമെന്നാണ്​ നിയമം. മൂന്നോ നാലോ മണിക്കൂർ കഴിഞ്ഞാണ്​ വിതരണം ചെയ്യുന്നതെങ്കിൽ ചില്ലറിൽ സൂക്ഷിക്കണം.

മത്സ്യ, മാംാസാദികൾ ചില്ലറിൽ സൂക്ഷിക്കേണ്ടതിന്​ പകരം ഫ്രീസറിൽ സൂക്ഷിക്കും​. ഇത് ഡിഫ്രോസ്​റ്റ്​ ചെയ്യാൻ വെള്ളത്തിലിടുന്നത്​ മൂലം ജലനഷ്​ടം കുറച്ചൊന്നുമല്ല ഉണ്ടാകുന്നത്​. ​ഇൗ നഷ്​ടങ്ങളൊന്നും കണക്കാക്കാതെയാണ്​ ചെലവ്​ ചുരുക്കലി​െൻറ പേരിൽ ഗുണനിലവാരത്തിൽ വിട്ടുവീഴ്​ച ചെയ്യുന്നത്​. മൂന്ന്​ ദിവസത്തിൽ കൂടുതൽ ഭക്ഷണം സൂക്ഷിക്കലും അവ ഉപയോഗിക്കലും ശിക്ഷാർഹമാണ്​. പഴകിയ ഭക്ഷണം ഉപയോഗിക്കുന്നത്​ ജനങ്ങളുടെ ജീവന്​ ഭീഷണിയായതിനാൽ കനത്ത നടപടികൾ നേരിടേണ്ടി വരും. മൂന്ന്​ ദിവസം കഴിഞ്ഞ്​ എടുത്തുനോക്കു​േമ്പാൾ കാര്യമായ കുഴപ്പങ്ങളൊന്നും കണ്ടെന്ന്​ വരില്ല. പക്ഷെ, ഇതിൽ അഴുക്കും കീടാണുക്കളും അതുവഴി ഉദ്​പാദിപ്പിക്കുന്ന വിഷങ്ങളും കടന്നുകയറാൻ സാധ്യതയുണ്ട്​. ഇതുമൂലം ആർക്കെങ്കിലും ജീവഹാനി ഉണ്ടായാൽ കട പൂ​േട്ടണ്ടിവരും എന്ന്​ മാത്രമല്ല, ജയിലിലും പോകേണ്ടി വരും.

ഇവ ശ്രദ്ധിച്ചാൽ പിഴ ഒഴിവാക്കാം:

• പാകം ചെയ്ത ഭക്ഷണങ്ങൾ (കഴിക്കാൻ റെഡിയായ എല്ലാ ഭക്ഷണങ്ങളും) മൂന്ന് ദിവസത്തിൽ കൂടുതൽ ചില്ലറിൽ (അഞ്ച്​ ഡി​ഗ്രി സെൽഷ്യസ്​) സ്​റ്റോർ ചെയ്യരുത്​.
• ഭക്ഷണം എന്നാണ്​ തയാറാക്കിയത്​ എന്ന തീയതി കവറിൽ ഒട്ടിച്ചിരിക്കണം.
• പഴകിയോ എന്ന്​ സംശയം തോന്നുന്ന ഭക്ഷണം ഉപയോഗിക്കരുത്​
• പഴകിയ ഭക്ഷണം ലാഭിക്കാൻ നോക്കിയാൽ വലിയ നഷ്​ടം നേരിടേണ്ടി വരും
• ബാക്കി വരുന്ന ഭക്ഷണം പുറത്തുവെക്കരുത്​. ചൂട്​ നഷ്​ടപ്പെട്ടാൽ ഫൈൻ കിട്ടും
• പാചകം ചെയ്​ത്​ നാല്​ മണിക്കൂറിനുള്ളിൽ വിതരണം ചെയ്യാത്ത ഭക്ഷണം ചില്ലറിൽ സൂക്ഷിക്കണം.
• ഗുണനിലവാരമുള്ള ഉപകരണങ്ങൾ വാങ്ങണം.