ഇ-മെഡിക്കല്‍ റെക്കോര്‍ഡ് പദ്ധതി: വി.പി.എസ് ഗ്രൂപ്പും ഫിലിപ്‌സും കൈകോര്‍ക്കുന്നു

അബൂദബി: ഇ-മെഡിക്കല്‍ റെക്കോര്‍ഡ് പദ്ധതി നടപ്പാക്കുന്നതിന്​ ആരോഗ്യ സേവന ദാതാക്കളായ വി.പി.എസ് ഗ്രൂപ്പും ​െനതര്‍ലാൻഡ്​സിലെ റോയല്‍ ഫിലിപ്‌സ് കമ്പനിയും കൈകോര്‍ക്കുന്നു. രോഗികളുടെ വിവരങ്ങളും രേഖകളും സുരക്ഷിതമായി സൂക്ഷിക്കുന്നതിനും അവശ്യ സമയത്ത്​ കൃത്യതയോടെ ലഭ്യമാക്കുന്നതിനുമുള്ള ആരോഗ്യ സേവന രംഗത്തെ നൂതന സമ്പ്രദായമായ ഇ^മെഡിക്കല്‍ റെക്കോര്‍ഡ് സാങ്കേതിക വിദ്യ വി.പി.എസ് ഹെല്‍ത്ത് കെയറില്‍ ലഭ്യമാക്കുന്നതിനാണ് ധാരണയായത്. 

ഫിലിപ്‌സി​​​െൻറ അതിനൂതന സാങ്കേതികവിദ്യ പ്രയോജനപ്പെടുത്തുന്ന ഫിലിപ്‌സ് റ്റാസി ഇ.എം.ആര്‍ വി.പി.എസ് ഗ്രൂപ്പിന്​ കീഴിലെ 22 ആശുപത്രികളില്‍ ഇതുവഴി ലഭ്യമാകും.നേരത്തെ ഉപയോഗത്തിലുള്ള ഇ-മെഡിക്കല്‍ റെക്കോര്‍ഡുകളുടെ പോരായ്മകള്‍ പരിഹരിച്ച രൂപമാണ് വി.പി.എസിന്​ ഫിലിപ്‌സ് കൈമാറുന്നത്. 
വി.പി.എസ്​ ഹെല്‍ത്ത് കെയറിനെ സംബന്ധിച്ച്​ ഇതൊരു സുപ്രധാന കാല്‍വെപ്പാണെന്നും ആരോഗ്യ സേവന രംഗത്തെ ഒട്ടേറെ കടമ്പകള്‍ ഒറ്റയടിക്ക്​ കടക്കുന്ന സേവനമാണ് ഇതെന്നും വി.പി.എസ് ഗ്രൂപ്പ് ചെയര്‍മാന്‍ ഡോ. ഷംസീര്‍ വയലില്‍ വ്യക്തമാക്കി. റ്റാസി ഇ.എം.ആര്‍ സാങ്കേതിക വിദ്യ വഴി ആരോഗ്യ സേവന രംഗത്തെ വിവരങ്ങളുടെ വിനിമയത്തിന് അത്യാധുനികമായ സംവിധാനമാണ് ഒരുക്കിയിരിക്കുന്നതെന്ന്​ ഫിലിപ്‌സ് സി.ഇ.ഒ ഫ്രാന്‍സ് വാന്‍ ഹോട്ടന്‍ പറഞ്ഞു. പത്തു വര്‍ഷത്തേക്കുള്ള കരാര്‍ ഒപ്പു​െവച്ച ശേഷം സംസാരിക്കുകയായിരുന്നു ഇരുവരും.