പ്രളയ ദുരിതാശ്വാസത്തിന്​ വി.പി.എസ്​ ഹെൽത്ത്​ കെയർ 50 കോടി രൂപ ചെലവിടും

അബൂദബി: പ്രളയം കാരണം ദുരിതത്തിലായ കേരളത്തി​​​െൻറ പുനർനിർമാണത്തിനും പുനരധിവാസത്തിനും വി.പി.എസ്​ ഹെൽത്ത്​ കെയർ 50 കോടി രൂപയുടെ പദ്ധതി നടപ്പാക്കുന്നതായി​ മാനേജിങ്​ ഡയറക്​ടർ ഡോ. ശംഷീർ വയലിൽ പ്രഖ്യാപിച്ചു. ഇതിനായി വിദ്യാഭ്യാസ^ആരോഗ്യപരിചരണ^ഭവനനിർമാണ ​േമഖലകളിലെ വിദഗ്​ധരുമായി ചേർന്ന്​ പ്രവർത്തിക്കും. പ്രാദേശിക അതോറിറ്റികൾ ഉൾപ്പെടെയുള്ള പ്രധാന പങ്കാളികളുമായി ഇക്കാര്യത്തിൽ സഹകരിക്കുമെന്നും ഡോ. ശംഷീർ വ്യക്​തമാക്കി.

അപ്രതീക്ഷിതമായ പ്രളയ ദുരന്തത്തിൽ ധീരതയുടെയും മാനവികതയുടെയും ഉത്തമ ദൃഷ്​ടാന്തങ്ങൾ നാം കണ്ടു. സംസ്​ഥാന^പ്ര​ാദേശിക സംഘടനകൾ, ഇന്ത്യൻ സൈന്യം, നേവി, വിവിധ മേഖലകളിൽനിന്നുള്ള ജനങ്ങൾ എന്നിവരുടെ അസാധാരണമായ പ്രയത്​നങ്ങൾ പ്രശംസനീയമാണ്​. തങ്ങളുടെ സംഘം ദുരന്തഭൂമിയിൽ പ്രവർത്തിച്ചുവരികയാണ്​. വസ്​ത്രം, ഭക്ഷണം, ഒൗഷധം, വെള്ളം തുടങ്ങിയവ ലഭ്യമാക്കി നടത്തുന്ന രക്ഷാപ്രവർത്തന^പുനരധിവാസ ദൗത്യങ്ങൾക്കുള്ള പിന്തുണ തുടരുമെന്നും ഡോ. ശംഷീർ പറഞ്ഞു.