വി.എം. സതീഷിന്​ യു.എ.ഇ  കണ്ണീരോടെ വിടയേകി

ദുബൈ: ബുധനാഴ്​ച രാത്രി അന്തരിച്ച പ്രമുഖ മാധ്യമ പ്രവർത്തകൻ വി.എം. സതീഷിന്​ യു.എ.ഇ പ്രവാസി സമൂഹം ആദരപൂർവം വിട നൽകി. എയർ ഇന്ത്യ എക്​സ്​പ്രസ്​ വിമാനത്തിൽ ഇന്നു രാവിലെ കൊച്ചിയിൽ എത്തിക്കുന്ന മൃതദേഹം 12.30ന്​  കോട്ടയം പ്രസ്​ ക്ലബിൽ പൊതു ദർശനത്തിന്​ വെക്കും. വൈകീട്ട്​ നാലു മണിക്ക്​ കുറിച്ചിയിലെ വീട്ടു വളപ്പിൽ സംസ്​കരിക്കും. കേരളത്തി​​െൻറ വിവിധ ഭാഗങ്ങളിൽ നിന്ന്​ മാധ്യമ പ്രവർത്തകരുടെ ചെറു സംഘങ്ങൾ കോട്ടയത്തേക്ക്​ തിരിച്ചിട്ടുണ്ട്​. 
 രണ്ടു പതിറ്റാണ്ടായി യു.എ.ഇയിലെ മാധ്യമ-സാമൂഹിക രംഗത്ത്​  സവിശേഷ സാന്നിധ്യമായിരുന്ന  സതീഷി​​െൻറ വിയോഗ വിവരം അറിഞ്ഞയുടനെ സാമൂഹിക പ്രവർത്തകരും മാധ്യമ പ്രവർത്തകരുമെല്ലാം അജ്​മാനിലെ ആശുപത്രിയിലേക്ക്​ ഒഴുകിയെത്തിയിരുന്നു. സാമൂഹിക പ്രവർത്തകൻ അഷ്​റഫ്​ താമരശ്ശേരിയുടെ മുൻകൈയിൽ ആശുപത്രിയിലെ നടപടി ​ക്രമങ്ങൾ പൂർത്തിയാക്കി മൃതദേഹം സോനാപൂരിലെ എംബാമിങ്​ സ​െൻററിലേക്ക്​ മാറ്റി. മുതിർന്ന മാധ്യമ പ്രവർത്തകരായ പി.പി. ശശീന്ദ്രൻ, ഇ.എം. അഷ്​റഫ്​, കെ.എം. അബ്ബാസ്​, എം.സി.എ നാസർ, എൽവിസ്​ ചുമ്മാർ തുടങ്ങിയവർ പ്രവർത്തനങ്ങൾ ഏകോപിപ്പിച്ചു. 

സതീഷി​​െൻറ അപ്രതീക്ഷിത വേർപാടി​​െൻറ  ഞെട്ടലോടെയാണ്​ വ്യാഴാഴ്​ച പുലർന്നത്​. സാമൂഹിക മാധ്യമങ്ങളിലൂടെ നിരവധി പേർ അനുശോചനം രേഖപ്പെടുത്തിയപ്പോൾ എഫ്​.എം.റേഡിയോ സ്​റ്റേഷനുകൾ സതീഷി​​െൻറ സുഹൃത്തുക്കളുടെ ഒാർമകളും സതീഷി​​െൻറ പഴയ വർത്തമാനങ്ങളും പങ്കുവെച്ചു. ദുബൈ ഇന്ത്യൻ കോൺസുൽ ജനറൽ വിപുൽ, മുഖ്യമന്ത്രി പിണറായി വിജയൻ, മുൻ മുഖ്യമന്ത്രി ഉമ്മൻ ചാണ്ടി, പ്രതിപക്ഷ നേതാവ്​ രമേശ്​ ചെന്നിത്തല, പാർലമ​െൻറംഗം പി.കെ. കുഞ്ഞാലിക്കുട്ടി, വ്യവസായ പ്രമുഖൻ യൂസുഫലി എം.എ, ഷംസുദ്ദീൻ ബിൻ മുഹ്​യുദ്ദീൻ, നോർക്ക റൂട്ട്​സ്​ ഡയറക്​ടർ ഒ.വി.മുസ്​തഫ, പത്രപ്രവർത്തക യൂനിയൻ പ്രസിഡൻറ്​ കമാൽ വരദൂർ, സെക്രട്ടറി സി. നാരായണൻ, ​ദുബൈ കെ.എം.സി.സി പ്രസിഡൻറ്​ പി.കെ. അൻവർ നഹ തുടങ്ങിയവർ അനുശോചനമറിയിച്ചു.  

ഇസ്​മായിൽ റാവുത്തർ, ഇന്ത്യൻ അസോസിയേഷൻ ഷാർജ പ്രസിഡൻറ്​ അഡ്വ.വൈ.എ. റഹീം, കെ.പി.കെ. വേങ്ങര കെ.എൽ. ഗോപി, കെ.എം.സി.സി ജനറൽ സെക്രട്ടറി ഇബ്രാഹിം എളേറ്റിൽ,  ഇ.കെ. ദിനേശൻ, ബഷീർ തിക്കോടി, പുന്നക്കൻ മുഹമ്മദലി, ഡോ.കെ.പി. ഹുസൈൻ, ബഷീർ പടിയത്ത്​,  പി.കെ. സജിത്​ കുമാർ, ബിജു സോമൻ, അഡ്വ. അജി കുര്യാക്കോസ്​, പുന്നയൂർക്കുളം സൈനുദ്ദീൻ തുടങ്ങി സാമൂഹിക^ മാധ്യമ പ്രവർത്തകരും സാധാരണക്കാരുമുൾപ്പെടെ നിരവധി പേരാണ്​   ഇന്നലെ വൈകീട്ട്​  ദുബൈ സോനാപൂർ എമ്പാമിങ്​ സ​െൻററിൽ അന്തിമോപചാരം അർപ്പിക്കാൻ എത്തിയത്​.