മുന്നറിയിപ്പില്ലാതെ ഓഫീസ്​ പരിശോധന; പെൻഷൻ അതോറിറ്റിക്ക്​ അനുമതി

ദുബൈ: പ്ര​ത്യേ​കി​ച്ച്​ മു​ന്ന​റി​യി​പ്പ്​ ന​ൽ​കാ​തെ ഓ​ഫി​സു​ക​ളി​ലെ​ത്തി പ​രി​ശോ​ധ​ന​ക്ക്​ ജ​ന​റ​ൽ പെ​ൻ​ഷ​ൻ ആ​ൻ​ഡ് സോ​ഷ്യ​ൽ സെ​ക്യൂ​രി​റ്റി അ​തോ​റി​റ്റി(​ജി.​പി.​എ​സ്.​എ​സ്.​എ) ഇ​ൻ​സ്പെ​ക്ട​ർ​മാ​ർ​ക്ക്​ അ​നു​മ​തി.

പെ​ൻ​ഷ​ൻ, സാ​മൂ​ഹി​ക സു​ര​ക്ഷ നി​യ​മ​ത്തി​ലെ വ്യ​വ​സ്ഥ​ക​ൾ അ​നു​സ​രി​ച്ച് ജീ​വ​ന​ക്കാ​ർ പ്ര​വ​ർ​ത്തി​ക്കു​ന്നു​ണ്ടോ​യെ​ന്ന്​ പ​രി​ശോ​ധി​ക്കാ​നാ​ണ്​ തീ​രു​മാ​നം എ​ടു​ത്തി​ട്ടു​ള്ള​ത്. തൊ​ഴി​ലു​ട​മ​യു​ടെ ഓ​ഫി​സി​ൽ മു​ൻ​കൂ​ർ അ​റി​യി​പ്പ് കൂ​ടാ​തെ പ്ര​വേ​ശി​ക്കാ​ൻ ഇ​ൻ​സ്പെ​ക്ട​ർ​മാ​ർ​ക്ക് അ​വ​കാ​ശ​മു​ണ്ടെ​ന്ന്​ അ​തോ​റി​റ്റി​ത​ന്നെ​യാ​ണ്​ വ്യ​ക്​​ത​മാ​ക്കി​യി​ട്ടു​ള്ള​ത്.

പ​രി​ശോ​ധ​ന​യി​ൽ തെ​റ്റാ​യ രീ​തി​ക​ൾ ശ്ര​ദ്ധ​യി​ൽ​പെ​ട്ടാ​ൽ അ​തോ​റി​റ്റി ഇ​ട​പെ​ട്ട്​ തി​രു​ത്ത​ലു​ക​ൾ വ​രു​ത്തും. പെ​ൻ​ഷ​ൻ നി​യ​മ​ത്തി​ലെ വ്യ​വ​സ്ഥ​ക​ൾ ന​ട​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ട ഫ​യ​ലു​ക​ളും രേ​ഖ​ക​ളും ഇ​ൻ​സ്​​പെ​ക്ട​ർ​മാ​ർ​ക്ക് കാ​ണാ​നും പ​രി​ശോ​ധി​ക്കാ​നും ക​ഴി​യും. സ്ഥാ​പ​ന​ത്തി​ലെ ഇ​മാ​റാ​ത്തി ജീ​വ​ന​ക്കാ​ർ അ​വ​രു​ടെ തൊ​ഴി​ൽ തീ​യ​തി മു​ത​ൽ ഒ​രു മാ​സ​ത്തി​നു​ള്ളി​ൽ പ​ദ്ധ​തി​യി​ൽ ര​ജി​സ്റ്റ​ർ ചെ​യ്തി​ട്ടു​ണ്ടോ​യെ​ന്ന് പ​രി​ശോ​ധി​ക്കു​ക​യും ചെ​യ്യും.

ഇ​മാ​റാ​ത്തി ജീ​വ​ന​ക്കാ​രു​ടെ തെ​റ്റാ​യ ക​ണ​ക്കു​ക​ള്‍ ന​ല്‍കു​ക​യോ ശ​മ്പ​ള​വി​ഹി​ത​മാ​യ പെ​ന്‍ഷ​ന്‍ തു​ക അ​ട​ക്കു​ന്ന​തി​ല്‍ വീ​ഴ്ച​വ​രു​ത്തു​ക​യോ ചെ​യ്യു​ന്ന സ്വ​കാ​ര്യ സ്ഥാ​പ​ന​ങ്ങ​ള്‍ക്കെ​തി​രെ പി​ഴ​യു​ള്‍പ്പെ​ടെ​യു​ള്ള ശി​ക്ഷാ​ന​ട​പ​ടി​ക​ള്‍ സ്വീ​ക​രി​ക്കു​മെ​ന്ന് നേ​ര​ത്തേ അ​ധി​കൃ​ത​ർ മു​ന്ന​റി​യി​പ്പ് ന​ൽ​കി​യി​രു​ന്നു. സ്ഥാ​പ​ന ഉ​ട​മ​ക്ക്​ ത​ട​വ് ശി​ക്ഷ​യും ല​ഭി​ക്കും.

ജി.​പി.​എ​സ്.​എ​സ്.​എ​യി​ല്‍ ഇ​മാ​റാ​ത്തി ജീ​വ​ന​ക്കാ​രെ ര​ജി​സ്റ്റ​ര്‍ ചെ​യ്തി​ട്ടി​ല്ലെ​ങ്കി​ല്‍ ഓ​രോ ജീ​വ​ന​ക്കാ​രു​ടെ എ​ണ്ണ​ത്തി​നും തൊ​ഴി​ലു​ട​മ​ക്ക്​ പി​ഴ ചു​മ​ത്തും. 5000 ദി​ര്‍ഹ​മാ​ണ് ഒ​രു ജീ​വ​ന​ക്കാ​ര​ന്‍റെ പേ​രി​ല്‍ ഉ​ട​മ പി​ഴ അ​ട​ക്കേ​ണ്ടി​വ​രു​ക. ജീ​വ​ന​ക്കാ​ര​ന്‍ ജോ​ലി തു​ട​ങ്ങി​യ സ​മ​യം മു​ത​ലു​ള്ള കു​ടി​ശ്ശി​ക പ​ണം തൊ​ഴി​ലു​ട​മ​യെ​ക്കൊ​ണ്ട് അ​ട​പ്പി​ക്കു​മെ​ന്നും അ​ധി​കൃ​ത​ര്‍ അ​റി​യി​ച്ചി​ട്ടു​ണ്ട്.

ഓ​രോ മാ​സ​വും 15ാം തീ​യ​തി​ക്കു​ള്ളി​ൽ ജീ​വ​ന​ക്കാ​രു​ടെ ശ​മ്പ​ള വി​ഹി​തം അ​ട​ക്ക​ണ​മെ​ന്നാ​ണ് പെ​ന്‍ഷ​ന്‍ ആ​ന്‍ഡ് സോ​ഷ്യ​ല്‍ സെ​ക്യൂ​രി​റ്റി നി​യ​മം അ​നു​ശാ​സി​ക്കു​ന്ന​ത്. മാ​സം​തോ​റു​മു​ള്ള പെ​ന്‍ഷ​ന്‍ വി​ഹി​തം തി​രി​ച്ചു​കി​ട്ടു​ന്ന​ത​ല്ല. ഇ​തി​നാ​ല്‍ വി​ഹി​തം അ​ട​ക്കു​ന്ന​തി​ല്‍ വ​രു​ന്ന കാ​ല​താ​മ​സ​ത്തി​ന് ക​മ്പ​നി​യു​ട​മ പെ​ന്‍ഷ​ന്‍ വി​ഹി​ത​ത്തി​ന്‍റെ 0.1ശ​ത​മാ​നം അ​ധി​ക​മാ​യി കെ​ട്ട​ണം.

അ​ബൂ​ദ​ബി​യി​ലും ഷാ​ർ​ജ​യി​ലും ഒ​ഴി​കെ ഫെ​ഡ​റ​ൽ, സ​ർ​ക്കാ​ർ മേ​ഖ​ല​ക​ളി​ൽ ജോ​ലി​ചെ​യ്യു​ന്ന ഇ​മാ​റാ​ത്തി​ക​ൾ, അ​ബൂ​ദ​ബി​യി​ൽ ഒ​ഴി​കെ സ്വ​കാ​ര്യ മേ​ഖ​ല​യി​ൽ ജോ​ലി​ചെ​യ്യു​ന്ന പൗ​ര​ന്മാ​ർ എ​ന്നി​വ​രാ​ണ്​ ഇ​ൻ​ഷു​റ​ൻ​സ്​ ക​വ​റേ​ജ് ച​ട്ട​ക്കൂ​ടി​നു​ള്ളി​ൽ വ​രു​ന്ന​ത്.