ശൈഖ്​ മുഹമ്മദ്​ ബിൻ സായിദ്​ രക്​തസാക്ഷി കുടുംബങ്ങളെ സന്ദർശിച്ചു

അബൂദബി:  യമനിൽ സമാധാന ദൗത്യത്തിനിടെ രക്​തസാക്ഷികളായ ഇമറാത്തി സൈനികരുടെ കുടുംബങ്ങൾക്ക്​ ആശ്വാസം പകർന്ന്​ അബൂദബി കിരീടാവകാശിയും സായുധ സേന ഉപ സർവ സൈന്യാധിപനുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാ​​െൻറ സന്ദർശനം. 
സെക്കൻറ്​ ലഫ്​റ്റനൻറ്​ പൈലറ്റ്​ സുൽത്താൻ മുഹമ്മദ്​ അലി അൽ നഖ്​ബിയുടെയും ഫസ്​റ്റ്​ സർജൻറ്​ നാസിർ ഗരീബ്​ നാസിർ അൽ മസ്​റൂഇയുടെയും കുടുംബാംഗങ്ങളെയാണ്​ ശൈഖ്​ മുഹമ്മദ്​ സന്ദർശിച്ചത്​.
സൗദി നേതൃത്വത്തിൽ നടത്തുന്ന സമാധാന ദൗത്യത്തിൽ പ​െങ്കടുക്കുന്നതിനിടെ രണ്ടു വർഷം മുൻപുണ്ടായ സ്​ഫോടനത്തിൽ പരിക്കേറ്റ നാസിർ ഗരീബ്​ കഴിഞ്ഞ ദിവസമാണ്​ അന്ത്യശ്വാസം വലിച്ചത്​. 
ഷാർജയിലാണ്​ അനുശോചന മജ്​ലിസ്​ ഒരുക്കിയിരുന്നത്​. വിമാനം തകർന്ന്​ മരിച്ച സുൽത്താൻ അൽ നഖ്​ബിയുടെ അനുശോചന മജ്​ലിസ്​ റാസൽഖൈമയിലായിരുന്നു. 
രണ്ടിടത്തും എത്തിയ അദ്ദേഹം രക്​തസാക്ഷികൾക്കുവേണ്ടി പ്രാർഥിക്കുകയും കുടുംബാംഗങ്ങൾക്ക്​ സ്​ഥൈര്യം പകരുകയും ചെയ്​തു. 
രക്​തസാക്ഷികളുടെ ധീരതയിലും ത്യാഗത്തിലും രാജ്യത്തി​​െൻറ നേതൃത്വവും ജനങ്ങളും അഭിമാനിക്കുന്നു. രാജ്യ​​േത്താട്​ അവർ പുലർത്തിയ വിശ്വസ്​തത എക്കാലവും ഒാർമിക്കപ്പെടുമെന്നും അദ്ദേഹം പ്രഖ്യാപിച്ചു. 
രക്​തസാക്ഷി കുടുംബകാര്യ ഒഫീസ്​ ഡയറക്​ടർ ശൈഖ്​ ഖലീഫ ബിൻ തഹ്​നൂം ബിൻ മുഹമ്മദ്​ ആൽ നഹ്​യാൻ,  സാമ്പത്തിക വികസന വകുപ്പ്​ ചെയർമാൻ സൈഫ്​ മുഹമ്മദ്​ അൽ ഹജീറി, കിരീടാവകാശിയുടെ കോർട്ട്​ അണ്ടർ സെക്രട്ടറി മുഹമ്മദ്​ മുബാറക്​ അൽ മസ്​റൂഇ എന്നിവരും ശൈഖ്​ മുഹമ്മദിനെ അനുഗമിച്ചു.