ഒ​ാർ​മ​ക​ളി​ൽ വാ​ടാ​ത്ത വി​ഷു​പ്പൂ​ക്ക​ൾ

മ​ങ്ങി​ക്കി​ട​ക്കു​ന്ന വി​ഷു ഓ​ർ​മ​ക​ളി​ൽ ഇ​ന്നും പ്ര​വാ​സ​മ​ണ്ണി​ന്റെ ഗ​ന്ധം പൂ​ർ​ണ​മാ​യി നി​റ​ഞ്ഞി​ട്ടി​ല്ല. ഇ​രു​പ​ത്ത​ഞ്ചി​ൽ കൂ​ടു​ത​ൽ വി​ഷു​നാ​ളു​ക​ൾ ഈ ​പ്ര​വാ​സ​മ​ണ്ണി​ൽ വ​ന്നു പോ​യി​ട്ടും, ഓ​ർ​മ്മ​ക​ളി​ൽ ഇ​ന്നും എ​ന്റെ അ​മ്മ മ​ണ​മു​ള്ള പാ​ല​ക്കാ​ട​ൻ വി​ഷു ത​ന്നെ നി​റ​ഞ്ഞു നി​ൽ​ക്കു​ന്നു. സ്കൂ​ൾ വേ​ന​ല​വ​ധി​ക്കു അ​ട​ക്കു​മ്പോ​ൾ ത​ന്നെ വീ​ട്ടി​ൽ ആ​ഘോ​ഷ​ങ്ങ​ൾ തു​ട​ങ്ങു​ക​യാ​ണ്. ആ​ദ്യ​മാ​യി എ​ല്ലാ വ​ർ​ഷ​വും വി​ഷു​വി​നെ വ​ര​വേ​ൽ​ക്കു​ന്ന​ത് ഞ​ങ്ങ​ളു​ടെ മു​ത്ത​ച്ഛ​ൻ പ്ലാ​വി​ൽ വീ​ട്ടി​ലെ കാ​ര്യ​സ്ഥ​ൻ ശ​ങ്ക​രേ​ട്ടേ​നെ കൊ​ണ്ട് അ​മ്മ കെ​ട്ടി​ക്കു​ന്ന എ​മ​ണ്ട​ൻ ഊ​ഞ്ഞാ​ലാ​ണ്. ഊ​ഞ്ഞാ​ൽ കെ​ട്ടു​ന്ന​ത് വീ​ട്ടി​ലെ ചെ​റി​യ കു​ട്ടി​യാ​യ എ​നി​ക്കാ​ണെ​ന്ന പേ​രി​ൽ ആ​ണെ​ങ്കി​ലും അ​തി​ൽ ആ​ടാ​ൻ വ​രു​ന്ന​ത് ആ ​പ്ര​ദേ​ശ​ത്തെ എ​ല്ലാ കു​ട്ടി​ക​ളു​മാ​ണ്. വേ​ന​ല​വ​ധി ഒ​ന്ന് ക​ണ്ണ് പൂ​ട്ടി അ​ട​ച്ചു തു​റ​ക്കു​മ്പോ​ഴേ​ക്കും വി​ഷു ഇ​ങ്ങെ​ത്തി. മാ​ർ​ച്ച്‌ മാ​സ​ത്തി​ന്റെ ഒ​ടു​വി​ൽ ത​ന്നെ വീ​ട്ടി​ലെ കൊ​ന്ന​മ​രം ആ​ഘോ​ഷ​ത്തി​ന്റെ സ​ന്തോ​ഷം അ​റി​യി​ച്ചു പൂ​ത്തു തു​ട​ങ്ങും. എ​ന്തൊ​രു ഭം​ഗി​യാ​ണ് ഞ​ങ്ങ​ളു​ടെ വ​ലി​യ തേ​ങ്ങി​ൻ​തോ​പ്പി​നു​ള്ളി​ൽ കൊ​ന്ന പൂ​ത്തു​ല​ഞ്ഞു നി​ൽ​ക്കു​ന്ന​ത് കാ​ണാ​ൻ!

കു​ട്ടി​ക​ളാ​യ ഞ​ങ്ങ​ളു​ടെ സ​ന്തോ​ഷം വി​ഷു കൈ​നീ​ട്ടം, പ​ട​ക്കം പൊ​ട്ടി​ക്ക​ൽ ഒ​ക്കെ ആ​ണെ​ങ്കി​ലും അ​മ്മ​യു​ടെ ശ്ര​ദ്ധ മു​ഴു​വ​ൻ അ​ന്ന​ത്തെ സ​ദ്യ​യി​ലും, വി​ഷു ക​ണി ഒ​രു​ക്കു​ന്ന​തി​ലു​മൊ​ക്കെ​യാ​ണ്. അ​മ്മ ത​ലേ​ന്ന് തു​ട​ങ്ങും അ​തി​ന്റെ വ​ട്ട​ങ്ങ​ളൊ​രു​ക്കാ​ൻ. അ​മ്മ​യാ​ണ് മു​ഖ്യ കാ​ര്യ​ക്കാ​രി. വി​ഷു ഓ​ർ​മ്മ​ക​ൾ​ക്കെ​ന്നും അ​മ്മ മ​ണ​മാ​ണ്. നി​റ​വി​ന്റെ മ​ണം. അ​മ്മ​യു​ടെ വി​ഷു​ക​ണി വ​ള​രെ പ്ര​ത്യേ​ക​ത​ക​ളു​ള്ള​താ​ണ്. അ​ന്നൊ​ക്കെ ഒ​ന്നും പു​റ​ത്തു​നി​ന്നു വാ​ങ്ങു​ന്ന​ത​ല്ല​ല്ലോ. എ​ല്ലാം വീ​ട്ടി​ലെ സ​മൃ​ദ്ധി വി​ളി​ച്ചു പ​റ​യു​ന്ന സാ​ധ​ന​ങ്ങ​ൾ അ​ട​ങ്ങി​യ വി​ഷു​ക​ണി ത​ന്നെ. വീ​ട്ടി​ൽ കാ​യ്ച സ്വ​ർ​ണ നി​റ​മു​ള്ള ക​ണി വെ​ള്ള​രി, ഓ​ട്ടു​രു​ളി​യി​ൽ ആ​ദ്യ സ്ഥാ​നം പി​ടി​ക്കും.. പി​ന്നെ വീ​ട്ടി​ൽ കാ​യ്ച്ച ച​ക്ക, മാ​ങ്ങാ, ചെ​റു പ​ഴം, കൈ​ത​ച്ച​ക്ക ഒ​ക്കെ ഒ​ന്നി​ന് പു​റ​കെ ആ​യി കാ​ണി​ക്കാ​യി ഒ​രു​ങ്ങും. തേ​ച്ചു മി​നു​ക്കി​യ ഏ​ഴു തി​രി​യി​ട്ട നെ​യ് വി​ള​ക്ക്, ഒ​രു ചീ​ർ​പ്പ് പ​ഴ​ത്തി​ന്മേ​ൽ കു​ത്തി​വെ​ച്ച സു​ഗ​ന്ധം നി​റ​ഞ്ഞ ച​ന്ദ​ന​ത്തി​രി​ക​ൾ. പൊ​ട്ടി​ച്ചു​വ​ച്ച ര​ണ്ടു തേ​ങ്ങാ മു​റി​ക​ളി​ൽ ക​ത്തു​ന്ന ക​ർ​പ്പൂ​രം, സ്വ​ർ​ണ​മാ​ല ചാ​ർ​ത്തി​യ​ല​ങ്ക​രി​ച്ച ഭം​ഗി​യേ​റി​യ കൃ​ഷ്ണ വി​ഗ്ര​ഹം, ഗ്ര​ന്ഥം, വാ​ൽ​ക്ക​ണ്ണാ​ടി, സ്വ​ർ​ണ നാ​ണ​യ​ങ്ങ​ൾ, പൈ​സ നോ​ട്ടു​ക​ൾ, കോ​ടി​മു​ണ്ട് നെ​ല്ല്, അ​രി, വെ​ള്ളം, കി​ണ്ടി, പി​ന്നേ നി​റ​യെ കൊ​ന്ന​പൂ​വും ,ആ​ഹാ..​അ​ങ്ങി​നെ നി​റ​യു​ന്നു അ​മ്മ​യു​ടെ ക​ണി. അ​മ്മ​യു​ടെ രാ​ത്രി ഒ​രു​ക്ക​ങ്ങ​ളാ​ണ് ഇ​തൊ​ക്കെ. വീ​ട്ടി​ൽ എ​ല്ലാ​രും ഉ​റ​ങ്ങി​യ​തി​ന് ശേ​ഷ​മേ ഇ​തൊ​ക്കെ ഒ​രു​ക്കാ​ൻ തു​ട​ങ്ങു​ള്ളൂ.

സ​മൃ​ദ്ധി​യു​ടെ നി​റ​വ് വി​ളി​ച്ചോ​തു​ന്ന ഈ ​ക​ണി കാ​ണാ​ൻ പു​ല​ർ​ച്ചെ അ​മ്മ എ​ല്ലാ​രേം വി​ളി​ച്ചു​ണ​ർ​ത്തി ക​ണ്ണ് പൊ​ത്തി കൊ​ണ്ട് ക​ണി​ക്കു മു​മ്പി​ൽ വെ​ച്ച പ​ല​ക​മേ​ൽ ഇ​രു​ത്തി ‘ഇ​നി ക​ണ്ണ് തു​റ​ന്നോ​ളൂ’ എ​ന്ന് പ​റ​യു​മ്പോ​ൾ കാ​ണു​ന്ന ആ ​കാ​ഴ്ച്ച.. ആ​ഹാ..!! ഇ​ന്നും പ്ര​വാ​സ​ത്തി​ലെ ഒ​രു വി​ഷു ക​ണി​ക്കും കി​ട്ടാ​ത്ത ഒ​രു ഐ​ശ്വ​ര്യ​കാ​ഴ്ച്ച ത​ന്നെ​യാ​ണ്. ഇ​ന്നും ആ ​അ​മ്മ നി​റ​വി​ലേ​ക്ക് എ​ത്താ​ൻ ശ്ര​മി​ക്കു​ന്ന ആ​ളാ​ണ് ഞാ​ൻ.

ക​ണി​ക​ണ്ട ശേ​ഷം വി​ഷു കൈ​നീ​ട്ടം കി​ട്ടു​ന്ന സ​മ​യ​മാ​ണ്. അ​മ്മ​യു​ടെ കൈ​യ്യി​ൽ നി​ന്നും പ്രാ​ർ​ത്ഥി​ച്ചു ത​രു​ന്ന ആ ​പൈ​സ ഒ​രു വ​ർ​ഷ​ത്തി​ലേ​ക്കു​ള്ള ഐ​ശ്വ​ര്യ​മാ​ണ്. ഏ​ട്ട​ന്മാ​രൊ​ക്കെ അ​ത് അ​ന്ന് ത​ന്നെ ചി​ല​വാ​ക്കു​മ്പോ​ൾ വീ​ട്ടി​ലെ ചെ​റി​യ കു​ട്ടി​യാ​യ ഞാ​ൻ വ​ലു​താ​കു​മ്പോ​ൾ ചി​ല​വാ​ക്കാ​നാ​ണെ​ന്ന് പ​റ​ഞ്ഞു സൂ​ക്ഷി​ച്ചു വെ​ക്കു​മാ​യി​രു​ന്നു.. വീ​ട്ടി​ലെ ചെ​റി​യ കു​ട്ടി​ക​ൾ ഒ​രി​ക്ക​ലും വ​ലു​താ​വാ​റി​ല്ല​ല്ലോ കൂ​ടെ അ​വ​ളു​ടെ കു​സൃ​തി​ക​ളും. അ​ടു​ത്ത ച​ട​ങ്ങ് ഏ​ട്ട​ന്മാ​രു​ടെ പ​ട​ക്കം പൊ​ട്ടി​ക്ക​ലാ​ണ്. ത​ലേ​ന്ന് എ​ല്ലാം ഒ​രു​ക്കി വെ​ക്കു​ന്ന പ​ട​ക്ക സെ​റ്റ് ആ​ൺ കു​ട്ടി​ക​ളു​ടെ ടീം. ​ഏ​ട്ട​ന്മാ​ർ അ​യ​ൽ​വീ​ട്ടി​ലെ സു​ഹൃ​ത്തു​ക്ക​ളു​മാ​യി മ​ത്സ​രി​ച്ചു പ​ട​ക്കം പൊ​ട്ടി​ക്കു​മ്പോ അ​മ്മ​യു​ടെ സാ​രി തു​മ്പി​ൽ പേ​ടി​യോ​ടെ ഒ​ന്ന് ഒ​ളി​ച്ചു ക​മ്പി​ത്തി​രി ക​ത്തി​ച്ചു വി​ഷു ആ​ഘോ​ഷി​ക്കു​ന്ന ഈ ​ഞാ​ൻ ഇ​ന്നും ഓ​ർ​മ്മ​ക​ളി​ൽ നി​റ​ഞ്ഞു നി​ൽ​ക്കു​ന്നു.

ഉ​ച്ച​ക്ക് ഗം​ഭീ​ര സ​ദ്യ​യാ​ണ്. എ​ല്ലാ വി​ഭ​വ​ങ്ങ​ളും കൂ​ടെ പാ​ൽ​പാ​യ​സ​മോ പ​ഞ്ചാ​ര പാ​യ​സ​മോ ഉ​ണ്ടാ​കും.. അ​യ​ൽ​വീ​ടു​ക​ളി​ലെ ആ​ൾ​ക്കാ​രും, ജോ​ലി​ക്കാ​രും ഒ​ക്കെ സ​ദ്യ​ക്ക് വീ​ട്ടി​ലു​ണ്ടാ​കും. ഐ​ശ്വ​ര്യ​മാ​ണ് ഓ​രോ വി​ഷു ദി​ന​വും സ​ന്തോ​ഷ​ത്തി​ന്റെ സ​മൃ​ദ്ധി​യു​ടെ ഒ​രു വി​ഷു ദി​നം. വേ​ന​ല​വ​ധി​യി​ലെ ആ​ദ്യ ആ​ഘോ​ഷ​മാ​ണ് വി​ഷു. ഈ ​അ​മ്മ മ​ണം നി​റ​ഞ്ഞ വി​ഷു ഓ​ർ​മ്മ​ക​ൾ,

സ്വാ​ദോ​ർ​മ്മ​ക​ൾ ഇ​ട​ക്കി​ടെ ഒ​രു മു​ന്ന​റി​യി​പ്പു​മി​ല്ലാ​തെ മ​ന​സ്സി​ലേ​ക്ക് ഓ​ടി കേ​റും.. അ​ത് എ​ന്റെ മ​ക്ക​ളി​ലേ​ക്ക് വി​ള​മ്പു​ന്ന​ത് ഇ​ന്നും എ​നി​ക്കൊ​രു ല​ഹ​രി​യാ​ണ്. പ്ര​കൃ​തി നി​റ​ഞ്ഞു അ​നു​ഗ്ര​ഹി​ച്ചി​രു​ന്ന ആ ​വി​ഷു​ക്കാ​ലം ഇ​നി എ​ല്ലാ പ്ര​വാ​സി​യെ​യും പോ​ലെ ഇ​പ്പോ​ൾ ഓ​ർ​മ്മ​ക​ളി​ൽ മാ​ത്രം..