പത്ത്​ മിനിറ്റിനകം യു.എ.ഇ വിസ

അബൂദബി: വിസ അപേക്ഷകളിൽ പത്ത്​ മിനിറ്റിനകം നടപടിക്രമങ്ങൾ പൂർത്തിയാക്കുന്ന പുതിയ സ്​മാർട്ട്​ സേവന സംവിധാനത്തിന്​ യു.എ.ഇ ആഭ്യന്തര മന്ത്രാലയം തുടക്കം കുറിച്ചു. ഇ ചാനല്‍സ് വെബ്സൈറ്റ് (echannels.moi.gov.ae) വഴി ലഭ്യമാകുന്ന ഇൗ സേവനം സ്വദേശികൾക്കും താമസ വിസയുള്ള പ്രവാസികൾക്കും ഉപയോഗപ്പെടുത്താം. താമസ വിസയും സന്ദർശക വിസയും സേവന കേന്ദ്രങ്ങളിൽ പോകാതെ തന്നെ കൈപ്പറ്റാം എന്നതും നടപടികളിലെ വേഗതയുമാണ്​ ഇതി​​​െൻറ ആകർഷണീയത.

‘സ്​മാർട്ട്​ സേവനങ്ങൾ, ദീർഘവീക്ഷണം’ എന്ന ദ്രാവാക്യത്തെ അടിസ്​ഥാനമാക്കിയാണ്​ സംവിധാനം രൂപപ്പെടുത്തിയിരിക്കു​ന്നതെന്ന്​ മന്ത്രാലയത്തി​​​െൻറ റെസിഡൻസി ആൻഡ്​ ​േഫാറിൻ അഫയേഴ്​സ്​ ജനറൽ ഡയറക്​​ടറേറ്റ്​ അറിയിച്ചു. 2018ഒാടെ വിസ കേന്ദ്രങ്ങൾ സന്ദർശിക്കുന്ന ഉപഭോക്​താക്കളുടെ എണ്ണം 80 ശതമാനം കുറയുമെന്ന്​ അബൂദബിയിലെ റെസിഡൻസ്​ ആൻഡ്​ ​േഫാറിൻ അഫയേഴ്​സ്​ ഡയറക്​ടർ ബ്രിഗേഡിയർ മൻസൂർ അഹ്​മദ്​ ആൽ ദാഹേരി പറഞ്ഞു. പരീക്ഷണാടിസ്​ഥാനത്തിൽ പരിശോധിച്ചപ്പോൾ നടപടികൾ പൂർത്തിയാക്കാൻ അഞ്ച്​ മുതൽ പത്ത്​ വരെ മിനിറ്റ്​ സമയം മതിയെന്നാണ്​ കണ്ടത്​. 

അപേക്ഷകൻ വിവരങ്ങൾ സമർപ്പിക്കുന്നതി​​​െൻറ വേഗതയ്​ക്ക്​ അനുസരിച്ചാണ്​ നടപടിക്രമങ്ങളുടെ വേഗത്തിൽ മാറ്റമുണ്ടാവുക. ടൈപ്പിങ് സ​​െൻററുകള്‍ വഴി സമര്‍പ്പിക്കുന്ന അപേക്ഷകളില്‍ അഞ്ച് മിനിറ്റിനകം നടപടി പൂര്‍ത്തിയാക്കി വിസ പ്രിൻറ്​ എടുക്കാനാകുമെന്ന് മന്ത്രാലയം അധികൃതർ അറിയിച്ചു. കൃത്യവും ശരിയുമായ വിവരങ്ങളും രേഖകളും സമർപ്പിച്ചാൽ ചില വിസ അപേക്ഷകളിൽ അഞ്ച്​ മിനിറ്റിൽ കുറവ്​ സമയം കൊണ്ടും നടപടിക്രമങ്ങൾ പൂർത്തിയാക്കാൻ സാധിക്കുമെന്നും അവർ പറഞ്ഞു.