Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightയു.എ.ഇ-ഇസ്രായേൽ...

യു.എ.ഇ-ഇസ്രായേൽ പൗരന്മാർക്ക്​ വിസരഹിത യാത്ര

text_fields
bookmark_border
യു.എ.ഇ-ഇസ്രായേൽ പൗരന്മാർക്ക്​ വിസരഹിത യാത്ര
cancel
camera_alt

ഇസ്രായേലിലെത്തിയ യു.എ.ഇ സംഘത്തെ പ്രധാനമന്ത്രി ബെന്യാമിൻ നെതന്യാഹു സ്വീകരിക്കുന്നു

ദുബൈ: ഇരുരാജ്യങ്ങളും തമ്മിലുള്ള ബന്ധം ദൃഢമാക്കുന്നതി​െൻറ ഭാഗമായി യു.എ.ഇ-ഇസ്രായേൽ പൗരന്മാർക്ക്​ വിസരഹിത യാത്രയൊരുക്കും. ഇരു രാജ്യങ്ങളിലെയും പൗരന്മാർക്ക്​ വിസയില്ലാതെ യു.എ.ഇയും ഇസ്രായേലും സന്ദർശിക്കാൻ കഴിയും. ഇസ്രായേൽ പ്രധാനമന്ത്രി ബെന്യാമിൻ നെതന്യാഹുവാണ്​ ഇക്കാര്യം അറിയിച്ചത്​. ഇസ്രായേലിലെ ബെൻ ഗുരിയോൻ വിമാനത്താവളത്തിൽ യു.എ.ഇയിൽ നിന്നുള്ള ആദ്യ ഔദ്യോഗിക പ്രതിനിധി സംഘം എത്തിയതിനുശേഷം നടത്തിയ വാർത്തസമ്മേളനത്തിലാണ്​ നെതന്യാഹു ഇക്കാര്യം വ്യക്​തമാക്കിയത്​.

ചൊവ്വാഴ്​ച നാല്​ കരാർ ഒപ്പുവെച്ചു. സാമ്പത്തിക, ശാസ്​ത്ര, സാ​ങ്കേതിക, വ്യോമയാന മേഖലകളിലാണ്​ കരാർ ഒപ്പുവെച്ചത്​. ഇത്​ വൻ മാറ്റത്തിന്​ വഴിയൊരുക്കുമെന്നും നെതന്യാഹു പറഞ്ഞു. അതേസമയം, യു.എ.ഇ-യു.എസ്​ - ഇസ്രായേൽ എന്നീ രാജ്യങ്ങൾ ചേർന്ന്​ 'അബ്രഹാം ഫണ്ടി'ന്​ രൂപം നൽകി. അബ്രഹാം അക്കോഡ്​ കരാറി​െൻറ ഭാഗമായ കൂടുതൽ സഹകരണത്തിനാണ്​ ഫണ്ടിന്​ രൂപം നൽകിയത്​. പ്രാദേശിക വ്യാപാരം ശക്​തിപ്പെടുത്തുന്നതിനും ഊർജമേഖലയിലെ സഹകരണവും ഫണ്ടിലൂടെ ​ലക്ഷ്യമിടുന്നു. മിഡിൽ ഈസ്​റ്റി​െൻറ വികസനത്തിന്​ മൂന്ന്​ ബില്യൺ ഡോളർ സ്വകാര്യ മേഖലയിൽ നിക്ഷേപിക്കും. ഇതിലേക്ക്​ മറ്റ്​ രാജ്യങ്ങളെയും ക്ഷണിച്ചു.ഇസ്രായേലിൽ നിന്നുള്ള വിനോദ സഞ്ചാരികളുമായി ആദ്യ ഇത്തിഹാദ്​ വിമാനം അബൂദബിയിൽ എത്തി. ഇരു രാജ്യങ്ങളും തമ്മിൽ ആഴ്​ചയിൽ 28 വാണിജ്യ വിമാന സർവിസുകൾ നടത്താനാണ്​ തീരുമാനം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:VisaIsraelfree travel
Next Story