വിസ പിഴ അടക്കാം ഓൺലൈൻ വഴി

പ്രവാസികളെ പലപ്പോഴും കുടുങ്ങുന്ന വിഷയമാണ്​ വിസ പിഴ. കൃത്യസമയത്ത്​ പിഴ അടച്ചില്ലെങ്കിൽ അധിക ഫൈൻ വരുന്നതോടെ നാട്ടിലേക്കുള്ള മടക്കം പോലും പ്രതിസന്ധിയിലാകും.

കോവിഡ്​ തുടങ്ങിയ ശേഷം യു.എ.ഇ പല തവണ പിഴ എഴുതിത്തള്ളിയെങ്കിലും എപ്പോഴും ഈ ആനുകൂല്യം എപ്പോഴും ലഭിക്കണമെന്നില്ല.

വിസ പിഴകൾ ഓൺലൈനായി അടക്കാൻ അധികൃതർ സൗകര്യം ഒരുക്കിയിട്ടുണ്ട്​. www.ica.gov.ae എന്ന വെബ്​സൈറ്റ്​ വഴിയാണ്​ അടക്കേണ്ടത്​. സൈറ്റ്​ തുറക്കു​േമ്പാൾ സ്​ക്രീനി​െൻറ വലതു വശത്ത് കാണുന്ന വിർച്വൽ അസിസ്​റ്റൻറിന്​ വിവരങ്ങൾ നൽകുക. ഇതോടെ ലഭ്യമായ സർവീസുകളുടെ പട്ടിക ലഭിക്കും.

ഇതിൽ 'പേ ഫൈൻ' എന്ന ഭാഗത്ത് ക്ലിക്ക്​ ചെയ്​ത ശേഷം നമ്മുടെ വ്യക്​തിഗത വിവരങ്ങൾ നൽകണം. ​ഇതോടെ നമ്മുടെ ഫൈൻ വിവരങ്ങൾ അറിയാൻ കഴിയും. പണം അടക്കാനുള്ള ലിങ്കും ഇതുവഴി ലഭിക്കും. ഈ ലിങ്ക്​ വഴി പണം അടക്കാം.