നി​യ​മ​ലം​ഘ​നം; അ​പ​ക​ട വി​ഡി​യോ പ​ങ്കു​വെ​ച്ച്​ അ​ബൂ​ദ​ബി പൊ​ലീ​സ്

അ​ബൂ​ദ​ബി: തി​ര​ക്കേ​റി​യ ക​വ​ല​യി​ൽ നി​യ​മ​ലം​ഘ​നം ന​ട​ത്തി​യ ഡ്രൈ​വ​റു​ടെ ന​ട​പ​ടി കൂ​ട്ട അ​പ​ക​ട​ത്തി​ന് കാ​ര​ണ​മാ​യ വി​ഡി​യോ പ​ങ്കു​വെ​ച്ച്​ അ​ബൂ​ദ​ബി പൊ​ലീ​സ്. റെ​ഡ് സി​​ഗ്ന​ൽ ലം​ഘി​ച്ച്​ തെ​റ്റാ​യ ദി​ശ​യി​ലേ​ക്ക് വാ​ഹ​നം ഓ​ടി​ച്ച​താ​ണ് അ​പ​ക​ട​ത്തി​നു കാ​ര​ണ​മാ​യ​ത്. നേ​രെ പോ​കാ​ൻ നി​ർ​ദേ​ശി​ച്ച റോ​ഡി​ൽ ‍ഡ്രൈ​വ​ർ വാ​ഹ​നം ഇ​ട​ത്തേ​ക്ക് എ​ടു​ക്കു​ക​യാ​യി​രു​ന്നു. ഈ ​സ​മ​യം റെ​ഡ് സി​​ഗ്ന​ൽ തെ​ളി​ഞ്ഞു​കി​ട​ക്കു​ക​യാ​യി​രു​ന്നു. ഇ​ത് ലം​ഘി​ച്ചാ​ണ് ഇ​യാ​ൾ വാ​ഹ​നം ഇ​ട​ത്തേ​ക്ക് ഓ​ടി​ച്ചു​ക​യ​റ്റി​യ​ത്. ഇ​തോ​ടെ എ​തി​ർ​ദി​ശ​യി​ൽ നി​ന്നു​വ​ന്ന മ​റ്റൊ​രു വാ​ഹ​നം ഈ ​വാ​ഹ​ന​ത്തി​ൽ ഇ​ടി​ച്ചു. നി​യ​മ​ലം​ഘ​നം ന​ട​ത്തി​യ വാ​ഹ​ന​ത്തി​ൽ എ​തി​രെ വ​ന്ന വാ​ഹ​നം ഇ​ടി​ച്ച​തോ​ടെ തെ​റി​ച്ചു​പോ​യി. അ​ശ്ര​ദ്ധ​മാ​യ ഡ്രൈ​വി​ങ്ങി​ന് 800 ദി​ർ​ഹം പി​ഴ​യും നാ​ല് ബ്ലാ​ക്ക് പോ​യ​ന്റു​മാ​ണ് ശി​ക്ഷ.

റെ​ഡ് സി​​ഗ്ന​ൽ ലം​ഘി​ച്ച​തി​ന് 1000 ദി​ർ​ഹം പി​ഴ​യും 12 ബ്ലാ​ക്ക് പോ​യ​ന്റും ചു​മ​ത്തും. 30 ദി​വ​സ​ത്തേ​ക്ക് വാ​ഹ​നം പി​ടി​ച്ചെ​ടു​ക്കു​ക​യും ചെ​യ്തു. വാ​ഹ​നം വി​ട്ടു​കൊ​ടു​ക്കു​ന്ന​തി​ന് 50000 ദി​ർ​ഹം പി​ഴ കെ​ട്ടു​ക​യും വേ​ണം.

മൂ​ന്നു മാ​സ​ത്തി​നു​ള്ളി​ൽ ഈ ​തു​ക കെ​ട്ടി​യി​ല്ലെ​ങ്കി​ൽ വാ​ഹ​നം ലേ​ല​ത്തി​ൽ വി​ൽ​ക്കു​മെ​ന്നും അ​ധി​കൃ​ത​ർ വ്യ​ക്ത​മാ​ക്കി​യി​ട്ടു​ണ്ട്.