ടെ​ലി മാ​ർ​ക്ക​റ്റി​ങ്​ നി​യ​മ​ലം​ഘ​നം; 159 ക​മ്പ​നി​ക​ൾ​ക്ക്​ പി​ഴ

​ദു​ബൈ: യു.​എ.​ഇ സ​മീ​പ​കാ​ല​ത്ത്​ ന​ട​പ്പാ​ക്കി​യ ടെ​ലി​മാ​ർ​ക്ക​റ്റി​ങ്​ നി​യ​മം ലം​ഘി​ച്ച​താ​യി ക​ണ്ടെ​ത്തി​യ 159 ക​മ്പ​നി​ക​ൾ​ക്ക് 50,000 ദി​ർ​ഹം വീ​തം പി​ഴ ചു​മ​ത്തി. ദു​ബൈ കോ​ർ​പ​റേ​ഷ​ൻ ഫോ​ർ ക​ൺ​സ്യൂ​മ​ർ പ്രൊ​ട്ട​ക്ഷ​ൻ ആ​ൻ​ഡ് ഫെ​യ​ർ ട്രേ​ഡ് (ഡി.​സി.​സി.​പി.​എ​ഫ്.​ടി) പി​ഴ​ചു​മ​ത്തി​യ ക​മ്പ​നി​ക​ള​ട​ക്കം 174 ക​മ്പ​നി​ക​ൾ​ക്ക് നേരത്തെ മുന്നറിയിപ്പ്​ നൽകിയിരുന്നു.

ക​ഴി​ഞ്ഞ വ​ർ​ഷം മ​ന്ത്രി​സ​ഭ തീ​രു​മാ​ന​പ്ര​കാ​രം നി​ല​വി​ൽ​വ​ന്ന നി​യ​മ​ത്തി​ൽ ടെ​ലി​മാ​ർ​ക്ക​റ്റി​ങ്​ ഫോ​ൺ കാ​ളു​ക​ൾ കു​റ​ക്കു​ന്ന​തി​നും ഉ​പ​ഭോ​ക്തൃ സ്വ​കാ​ര്യ​ത സം​ര​ക്ഷി​ക്കു​ന്ന​തി​നും ല​ക്ഷ്യ​മി​ട്ടു​ള്ള ക​ർ​ശ​ന​മാ​യ നി​യ​ന്ത്ര​ണ​ങ്ങ​ളാ​ണ്​ ഏ​ർ​പ്പെ​ടു​ത്തി​യി​ട്ടു​ള്ള​ത്. ഇ​തി​ന്‍റെ അ​ടി​സ്ഥാ​ന​ത്തി​ൽ ക​ണ്ടെ​ത്തി​യ നി​യ​മ ലം​ഘ​ന​ങ്ങ​ൾ​ക്കാ​ണ്​ പി​ഴ ചു​മ​ത്തി​യി​ട്ടു​ള്ള​ത്. 2024 ആ​ഗ​സ്റ്റി​ൽ നി​യ​മം പ്രാ​ബ​ല്യ​ത്തി​ൽ വ​ന്ന​തി​നു ശേ​ഷ​മാ​ണ്​ തു​ട​ക്ക​ത്തി​ൽ 174 ക​മ്പ​നി​ക​ൾ​ക്ക് മു​ന്ന​റി​യി​പ്പ് ന​ൽ​കി​യ​ത്. ഇ​തി​ൽ നി​യ​ന്ത്ര​ണ​ങ്ങ​ൾ പാ​ലി​ക്കു​ന്ന​തി​ൽ പ​രാ​ജ​യ​പ്പെ​ട്ട ക​മ്പ​നി​ക​ൾ​ക്ക്​ പി​ഴ ചു​മ​ത്തു​ക​യാ​യി​രു​ന്നു.

പി​ഴ​ക്കെ​തി​രെ അ​പ്പീ​ൽ ന​ൽ​കു​ന്ന​തി​ന് ക​മ്പ​നി​ക​ൾ​ക്ക് നി​യ​മ​പ​ര​മാ​യ സം​വി​ധാ​ന​വും അ​ധി​കൃ​ത​ർ ഒ​രു​ക്കി​യി​ട്ടു​ണ്ട്. അ​നാ​വ​ശ്യ ടെ​ലി മാ​ർ​ക്ക​റ്റി​ങ്​ കാ​ളു​ക​ൾ കു​റ​ക്കു​ക, ഉ​പ​ഭോ​ക്താ​ക്ക​ളു​ടെ സൗ​ക​ര്യം ഉ​റ​പ്പാ​ക്കു​ക​യും സ്വ​കാ​ര്യ​ത സം​ര​ക്ഷി​ക്കു​ക​യും ചെ​യ്യു​ക എ​ന്നി​വ​യാ​ണ് നി​യ​മ​ത്തി​ലൂ​ടെ ല​ക്ഷ്യ​മി​ടു​ന്ന​ത്. ക​മ്പ​നി​ക​ൾ ഉ​ൽ​പ​ന്ന​ങ്ങ​ൾ വി​പ​ണ​നം ചെ​യ്യു​ന്ന​തി​ന്​ ഉ​ചി​ത​മാ​യ ചാ​ന​ലു​ക​ളും സ​മ​യ​ക്ര​മ​വും പാ​ലി​ക്കു​ന്നു​ണ്ടെ​ന്ന് ഉ​റ​പ്പാ​ക്കു​ക​യാ​ണ്​ നി​യ​ന്ത്ര​ണ​ങ്ങ​ൾ ചെ​യ്യു​ന്ന​ത്. ഇ​തി​ലൂ​ടെ ബി​സി​ന​സു​ക​ളി​ൽ ഉ​പ​ഭോ​ക്തൃ വി​ശ്വാ​സം വ​ർ​ധി​ക്കാ​നും അ​തു​വ​ഴി ഒ​രു പോ​സി​റ്റി​വ് ബി​സി​ന​സ് സാ​ഹ​ച​ര്യം കെ​ട്ടി​പ്പ​ടു​ക്കാ​നും സാ​ധി​ക്കു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്.

നി​യ​മം ഫോ​ൺ വ​ഴി മാ​ർ​ക്ക​റ്റി​ങ്​ ന​ട​ത്തു​ന്ന യു.​എ.​ഇ​യി​ലെ ഫ്രീ​സോ​ണു​ക​ളി​ലെ അ​ട​ക്കം എ​ല്ലാ ലൈ​സ​ൻ​സു​ള്ള ക​മ്പ​നി​ക​ൾ​ക്കും ബാ​ധ​ക​മാ​ണ്. രാ​വി​ലെ 9 മ​ണി മു​ത​ൽ വൈ​കീ​ട്ട് 6 മ​ണി​വ​രെ മാ​ത്രം ഫോ​ൺ വി​ളി​ക​ൾ പാ​ടു​ള്ളൂ, റെ​ക്കോ​ഡ്​ ചെ​യ്യു​ക​യാ​ണെ​ങ്കി​ൽ കാ​ളി​ന്‍റെ തു​ട​ക്ക​ത്തി​ൽ​ത​ന്നെ ഉ​പ​ഭോ​ക്​​താ​വി​നെ അ​റി​യി​ക്ക​ണം, ‘ഡു ​നോ​ട്ട്​ കാ​ൾ ര​ജി​സ്​​ട്രി’​യി​ൽ ര​ജി​സ്റ്റ​ർ ചെ​യ്ത ന​മ്പ​റു​ക​ളി​ലേ​ക്ക്​ വി​ളി​ക്കാ​ൻ പാ​ടി​ല്ല എ​ന്നി​വ​യാ​ണ്​ പ്ര​ധാ​ന നി​യ​ന്ത്ര​ണ​ങ്ങ​ൾ.

ഉ​പ​ഭോ​ക്താ​വി​ന്റെ സ​മ്മ​ത​മി​ല്ലാ​തെ സ്വ​കാ​ര്യ ഡേ​റ്റ വെ​ളി​പ്പെ​ടു​ത്തു​ന്ന​തും ടെ​ലി​മാ​ർ​ക്ക​റ്റി​ങ്​ വ​ഴി ഉ​ൽ​പ​ന്ന​ങ്ങ​ളോ സേ​വ​ന​ങ്ങ​ളോ വി​പ​ണ​നം ചെ​യ്യാ​ൻ ആ​ഗ്ര​ഹി​ക്കു​ന്ന ക​മ്പ​നി​ക​ൾ​ക്ക്​ വി​ൽ​ക്കു​ന്ന​തും നി​യ​മം വി​ല​ക്കു​ന്നു​ണ്ട്. നി​യ​മ​ലം​ഘ​ന​ത്തി​ന്‍റെ തീ​വ്ര​ത​യും രൂ​പ​വും വി​ല​യി​രു​ത്തി വ്യ​ത്യ​സ്ത പി​ഴ​ക​ളാ​ണ്​ ചു​മ​ത്തു​ന്ന​ത്.