താ​മ​സ​സ്ഥ​ല​ങ്ങ​ളി​ലെ നി​യ​മ​ലം​ഘ​നം: ദു​ബൈ​യി​ൽ പ​രി​ശോ​ധ​ന ശ​ക്തം

ദു​ബൈ: താ​മ​സ​സ്ഥ​ല​ങ്ങ​ളി​ലെ നി​യ​മ​ലം​ഘ​ന​ങ്ങ​ൾ ക​ണ്ടെ​ത്താ​ൻ ദു​ബൈ​യി​ൽ അ​ധി​കൃ​​ത​ർ പ​രി​ശോ​ധ​ന ശ​ക്ത​മാ​ക്കി. താ​മ​സ സൗ​ക​ര്യ​ങ്ങ​ളി​ൽ നി​യ​മം അ​നു​വ​ദി​ക്കു​ന്ന​തി​ലും കൂ​ടു​ത​ൽ ആ​ളു​ക​ളോ കു​ടും​ബ​ങ്ങ​ളോ ക​ഴി​യു​ന്നു​ണ്ടോ എ​ന്ന​താ​ണ്​ പ്ര​ധാ​ന​മാ​യും പ​രി​ശോ​ധി​ക്കു​ന്ന​ത്. ജ​ന​ങ്ങ​ളു​ടെ സൗ​ക​ര്യ​വും സു​ര​ക്ഷ​യും ഉ​റ​പ്പു​വ​രു​ത്തു​ന്ന​തി​നാ​ണ്​ ന​ട​പ​ടി​ക​ൾ ക​ർ​ശ​ന​മാ​ക്കി​യ​തെ​ന്ന്​ ദു​ബൈ മു​നി​സി​പ്പാ​ലി​റ്റി വാ​ർ​ത്ത​ക്കു​റി​പ്പി​ൽ വ്യ​ക്ത​മാ​ക്കി.

ഈ ​വ​ർ​ഷം തു​ട​ക്കം മു​ത​ൽ ഇ​തു​വ​രെ മു​നി​സി​പ്പാ​ലി​റ്റി 19,837 ഫീ​ൽ​ഡ് വി​സി​റ്റു​ക​ൾ പൂ​ർ​ത്തി​യാ​ക്കി​യി​ട്ടു​ണ്ട്. എ​ല്ലാ ദി​വ​സ​വും രാ​വി​ലെ​യും വൈ​കീ​ട്ടു​മാ​ണ്​ മ​റ്റു വ​കു​പ്പു​ക​ളെ​ക്കൂ​ടി ഏ​കോ​പി​പ്പി​ച്ച് പ​രി​ശോ​ധ​ന​ക​ൾ ന​ട​ക്കു​ന്ന​ത്. നി​യ​മം ലം​ഘി​ക്കു​ന്ന​വ​ർ​ക്കെ​തി​രെ ഉ​ചി​ത​മാ​യ ന​ട​പ​ടി​ക​ൾ സ്വീ​ക​രി​ച്ച​തി​ന്‍റെ ഫ​ല​മാ​യി താ​മ​സ​ക്കാ​രി​ൽ മി​ക്ക​വ​രും നി​യ​മ​ങ്ങ​ളും ച​ട്ട​ങ്ങ​ളും പാ​ലി​ക്കാ​ൻ തു​ട​ങ്ങി​യി​ട്ടു​ണ്ടെ​ന്നും അ​ധി​കൃ​ത​ർ അ​റി​യി​ച്ചു. ദു​ബൈ​യി​ൽ വി​ല്ല​ക​ളി​ലും അ​പ്പാ​ർ​ട്​​മെ​ന്‍റു​ക​ളി​ലും താ​മ​സി​പ്പി​ക്കാ​വു​ന്ന ആ​ളു​ക​ളു​ടെ​യും കു​ടും​ബ​ങ്ങ​ളു​ടെ​യും എ​ണ്ണം കൃ​ത്യ​മാ​യി നി​ശ്ച​യി​ച്ചി​ട്ടു​ണ്ട്.

പ​രി​ശോ​ധ​ന​ക​ളി​ൽ ഈ ​എ​ണ്ണം പാ​ലി​ക്കു​​ന്നു​ണ്ടോ​യെ​ന്നാ​ണ്​ അ​ധി​കൃ​ത​ർ അ​ന്വേ​ഷി​ക്കു​ന്ന​ത്. ഉ​ട​മ​യു​ടെ അ​നു​മ​തി​യി​ല്ലാ​തെ വാ​ട​ക​ക്ക്​ എ​ടു​ത്ത അ​പ്പാ​ർ​ട്മെ​ന്റ് മ​റ്റു​ള്ള​വ​രു​മാ​യി പ​ങ്കി​ടു​ന്ന​തും ദു​ബൈ​യി​ൽ നി​യ​മ​വി​രു​ദ്ധ​മാ​ണ്. ഈ ​നി​യ​മം ലം​ഘി​ച്ച​ത്​ പി​ടി​ക്ക​പ്പെ​ട്ടാ​ൽ വാ​ട​ക​ക്കാ​ര​നും ഇ​യാ​ൾ താ​മ​സി​പ്പി​ച്ച​വ​രും ഒ​ഴി​ഞ്ഞു​കൊ​ടു​ക്കേ​ണ്ടി​വ​രും. ഇ​ക്ക​ഴി​ഞ്ഞ ജൂ​ലൈ​യി​ൽ അ​ബൂ​ദ​ബി​യി​ൽ വി​ല്ല വാ​ട​ക​ക്കെ​ടു​ത്ത്​ നാ​ലു കു​ടും​ബ​ങ്ങ​ൾ​ക്കാ​യി വീ​തി​ച്ച്​ ന​ൽ​കി​യ വാ​ട​ക​ക്കാ​ര​ന്​ മൂ​ന്നു ല​ക്ഷം ദി​ർ​ഹം പി​ഴ ചു​മ​ത്തി​യി​രു​ന്നു. ഇ​തു​പോ​ലെ പ​ല എ​മി​റേ​റ്റു​ക​ളി​ലും നി​യ​മ​ലം​ഘ​ന​ങ്ങ​ൾ​ക്ക്​ ക​ന​ത്ത പി​ഴ ഈ​ടാ​ക്കി​യ സം​ഭ​വ​ങ്ങ​ളു​ണ്ടാ​യി​ട്ടു​ണ്ട്. കു​ടും​ബ​ങ്ങ​ളെ മാ​ത്രം താ​മ​സി​പ്പി​ക്കാ​ൻ അ​നു​മ​തി​യു​ള്ള സ്ഥ​ല​ങ്ങ​ളി​ൽ ബാ​ച്ചി​ലേ​ഴ്സി​നെ താ​മ​സി​പ്പി​ക്കു​ന്ന​തും നി​യ​മം വി​ല​ക്കു​ന്നു​ണ്ട്.

ദു​ബൈ​യി​ൽ താ​മ​സി​ക്കു​ന്ന​വ​ർ ഒ​പ്പം ക​ഴി​യു​ന്ന​വ​രു​ടെ വി​വ​രം ര​ജി​സ്റ്റ​ർ ചെ​യ്യ​ണ​മെ​ന്ന്​ വെ​ള്ളി​യാ​ഴ്ച ദു​ബൈ ലാ​ൻ​ഡ് ഡി​പ്പാ​ർ​ട്മെ​ന്‍റ്​​ നി​ർ​ദേ​ശം പു​റ​ത്തി​റ​ക്കി​യി​ട്ടു​ണ്ട്​. ദു​ബൈ റെ​സ്റ്റ്​ (Dubai REST) ആ​പ്​ വ​ഴി ര​ജി​സ്​​ട്രേ​ഷ​ൻ പൂ​ർ​ത്തി​യാ​ക്കാ​ൻ ര​ണ്ടാ​ഴ്ച​യാ​ണ്​ സ​മ​യം അ​നു​വ​ദി​ച്ചി​രി​ക്കു​ന്ന​ത്. താ​മ​സ​സ്ഥ​ല​ങ്ങ​ൾ സ്വ​ന്ത​മാ​യി വാ​ങ്ങി​യ​വ​രും വാ​ട​ക​ക്കെ​ടു​ത്ത​വ​രും പ്രോ​പ്പ​ർ​ട്ടി മാ​നേ​ജ്​​മെ​ന്‍റ്​ ക​മ്പ​നി​ക​ളും ഡെ​വ​ല​പ്പ​ർ​മാ​രും ര​ജി​സ്റ്റ​ർ ചെ​യ്യ​ണം. ആ​രു​ടെ പേ​രി​ലാ​ണോ വാ​ട​ക​ക്ക​രാ​ർ എ​ഴു​തി​യി​രി​ക്കു​ന്ന​ത്​ അ​വ​രാ​ണ്​ ര​ജി​സ്റ്റ​ർ ചെ​യ്യേ​ണ്ട​ത്.

നി​യ​മ​ലം​ഘ​ന​ങ്ങ​ൾ അ​റി​യി​ക്കാം

ദു​ബൈ: താ​മ​സ സൗ​ക​ര്യ​ങ്ങ​ളി​ൽ നി​യ​മ​ങ്ങ​ളും ച​ട്ട​ങ്ങ​ളും കൃ​ത്യ​മാ​യി പാ​ലി​ക്കു​ന്നു​​ണ്ടെ​ന്ന്​ ഉ​റ​പ്പു​വ​രു​ത്ത​ണ​മെ​ന്ന് ദു​ബൈ മു​നി​സി​പ്പാ​ലി​റ്റി എ​ല്ലാ​വ​രോ​ടും അ​ഭ്യ​ർ​ഥി​ച്ചു. 800900 എ​ന്ന ടോ​ൾ​ഫ്രീ ന​മ്പ​റി​ൽ വി​ളി​ച്ച്​ നി​യ​മ​ലം​ഘ​ന​ങ്ങ​ൾ റി​പ്പോ​ർ​ട്ട് ചെ​യ്യാ​ൻ സൗ​ക​ര്യ​മൊ​രു​ക്കി​യി​ട്ടു​മു​ണ്ട്. സ​മൂ​ഹ​ത്തി​ന്‍റെ​കൂ​ടി പ​ങ്കാ​ളി​ത്ത​ത്തോ​ടെ നി​യ​മ​ലം​ഘ​ന​ങ്ങ​ൾ കു​റ​ക്കു​ന്ന ന​ട​പ​ടി​ക​ളു​ടെ ഭാ​ഗ​മാ​യാ​ണ്​ സൗ​ക​ര്യ​മൊ​രു​ക്കി​യ​ത്. പ​രി​ശോ​ധ​ന ശ​ക്ത​മാ​ക്കി​യ സാ​ഹ​ച​ര്യ​ത്തി​ൽ നി​യ​മ​ലം​ഘ​ക​ർ​ക്ക്​ ക​ന​ത്ത പി​ഴ ഉ​ൾ​പ്പെ​ടെ ചു​മ​ത്ത​പ്പെ​ടും.