Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightU.A.Echevron_rightഒരു സ്ഥാപനത്തിൽ 35...

ഒരു സ്ഥാപനത്തിൽ 35 വർഷം; വിജയകുമാർ മടങ്ങുന്നു

text_fields
bookmark_border
ഒരു സ്ഥാപനത്തിൽ 35 വർഷം; വിജയകുമാർ മടങ്ങുന്നു
cancel
camera_alt

വിജയകുമാർ

ദുബൈ: പ്രവാസലോകത്ത്​ ഒരുകമ്പനിയിൽ തന്നെ പതിറ്റാണ്ടുകളോളം ജോലി ചെയ്യുക എളുപ്പമുള്ള കാര്യമല്ല.സ്ഥാപനവും തൊഴിലാളിയും പരസ്​പരം സഹകരിച്ച്​ മാത്രമേ ദീർഘകാല ബന്ധം നിലനിർത്താൻ പറ്റൂ. ഈ പരീക്ഷ വിജകരമായി പൂർത്തീകരിച്ച തിരുവനന്തപുരം സ്വദേശി​ വിജയകുമാർ വെള്ളിയാഴ്​ച നാട്ടിലേക്ക്​ മടങ്ങുന്നു.

1985ൽ ദുബൈയിൽ കാലുകുത്തിയതുമുതൽ മോഡേൺ പ്രിൻറിങ്​ പ്രസിലാണ്​ ജോലി. 2000 വരെ പല തസ്​തികകളിലായിരുന്നു ജോലി. എന്നാൽ, കഴിഞ്ഞ 20 വർഷമായി പ്രിൻറിങ്​ സൂപ്പർവൈസർ തസ്​തികയിലാണ്​. മൂന്നര പതിറ്റാണ്ട്​ മുമ്പ്​​ ബന്ധു നൽകിയ വിസയിലാണ്​ ദുബൈയിലെത്തിയത്​. വീടുവെക്കാൻ കഴിഞ്ഞതും മക്കളെ പഠിപ്പിച്ചതും കൂടുതൽ സൗഹൃദങ്ങളുണ്ടാക്കിയതും സാമൂഹിക പ്രവർത്തനം നടത്താൻ കഴിഞ്ഞതുമാണ്​ പ്രവാസ ജീവിതത്തിലെ വലിയ സന്തോഷമെന്ന്​ വിജയകുമാർ പറയുന്നു. നാട്ടിലുള്ളവരെ ഇവിടെയെത്തിച്ച്​ ജോലി നൽകാനും കഴിഞ്ഞു. ഭാര്യ ജ്യോതി ലക്ഷ്​മിയും മക്കളായ അനന്തുവും വിഷ്​ണുവും ഇവിടെയുണ്ടായിരുന്നു.

മക്കൾ ഇപ്പോൾ നാട്ടിലാണ്​. 99 വയസ്സുള്ള മാതാവിനോടും മറ്റു​ കുടുംബാംഗങ്ങളോടുമൊപ്പം സ്വസ്​ഥ ജീവിതം നയിക്കണമെന്നതാണ്​ വിജയകുമാറി​െൻറ ഇപ്പോ​ഴത്തെ ആഗ്രഹം.തിരുവനന്തപുരത്തുകാരുടെ കൂട്ടായ്​മയായ ടെക്​സാസി​െൻറ സജീവ പ്രവർത്തകനായിരുന്നു അദ്ദേഹം. എല്ലാവരോടും നന്ദി പറഞ്ഞാണ്​ മടങ്ങുന്നത്​.

Show Full Article
TAGS:vijayakumar farewell 
Next Story