വിക്ടറി പൈക്ക പ്രീമിയർ ലീഗ് സീസൺ 2: ട്രോഫി അനാച്ഛാദനം

ദുബൈ: വിക്ടറി പൈക്ക പ്രീമിയർ ലീഗ് സീസൺ രണ്ടിന്‍റെ വിജയികൾക്കുള്ള ട്രോഫി ബെസ്റ്റ് ഗോൾഡ് മാനേജിങ് ഡയറക്ടർ സമീർ ബെസ്റ്റ് ഗോൾഡ് അനാച്ഛാദനം ചെയ്തു. ദേര ഹമറിയയിൽ സംഘടിപ്പിച്ച ചടങ്ങിൽ വിവിധ ടീമുകളുടെ ഉടമകളും ജി.സി.സി വിക്ടറി ഭാരവാഹികളും പങ്കെടുത്തു. ജനുവരി 31ന് ദുബൈ സ്പോർട്സ് സിറ്റിയിലെ റിയൽ മഡ്രിഡ് അക്കാദമിയിൽ സംഘടിപ്പിക്കുന്ന ഫുട്ബാൾ ഫെസ്റ്റ് വലിയ വിജയമാക്കാനുള്ള പ്രവർത്തനങ്ങൾ നടന്നു വരുന്നുവെന്ന് ഭാരവാഹികൾ അറിയിച്ചു.