വെ​ട്ടു​കാ​ട് ആ​ളൂ​ർ ഗ്രാ​മോ​ത്സ​വം നാ​ളെ

ദു​ബൈ: തൃ​ശൂ​ർ ജി​ല്ല​യി​ലെ വെ​ട്ടു​കാ​ട് ആ​ളൂ​ർ സ്വ​ദേ​ശി​ക​ളു​ടെ യു.​എ.​ഇ​യി​ലെ കൂ​ട്ടാ​യ്മ​യാ​യ വെ​ട്ടു​കാ​ട് ആ​ളൂ​ർ സ്പോ​ർ​ട്സ് അ​സോ​സി​യേ​ഷ​ൻ (വാ​സ) യു.​എ.​ഇ ക​മ്മി​റ്റി​യു​ടെ നേ​തൃ​ത്വ​ത്തി​ൽ ഗ്രാ​മോ​ത്സ​വം ഞാ​യ​റാ​ഴ്ച ന​ട​ക്കും. ഉ​ച്ച​ക്ക് ഒ​രു​മ​ണി​ക്ക് അ​ജ്മാ​ൻ അ​ൽ ത​മാം കോ​ൺ​ഫ​റ​ൻ​സ് ഹാ​ളി​ൽ സം​ഘ​ടി​പ്പി​ച്ച പ​രി​പാ​ടി​യി​ൽ വി​വി​ധ ക​ലാ​പ​രി​പാ​ടി​ക​ൾ അ​ര​ങ്ങേ​റും. സാം​സ്കാ​രി​ക സ​മ്മേ​ള​നം സാ​ഹി​ത്യ​കാ​ര​നും അ​ധ്യാ​പ​ക​നു​മാ​യ മു​ര​ളി മം​ഗ​ല​ത്ത് ഉ​ദ്ഘാ​ട​നം​ചെ​യ്യും. യു.​എ.​ഇ​യി​ൽ കാ​ർ​ഷി​ക​രം​ഗ​ത്ത് മി​ക​ച്ച പ്ര​വ​ർ​ത്ത​ന​ങ്ങ​ൾ ന​ട​ത്തു​ക​യും നി​ര​വ​ധി പു​ര​സ്കാ​ര​ങ്ങ​ൾ നേ​ടു​ക​യും​ചെ​യ്ത ഗി​ന്ന​സ് സു​ധീ​ഷ് ഗു​രു​വാ​യൂ​ർ വി​ശി​ഷ്ടാ​തി​ഥി​യാ​യി​രി​ക്കും.

വി​വി​ധ സം​ഘ​ട​ന പ്ര​തി​നി​ധി​ക​ൾ പ​ങ്കെ​ടു​ക്കും. ദീ​ർ​ഘ പ്ര​വാ​സം പൂ​ർ​ത്തി​യാ​ക്കി​യ അം​ഗ​ങ്ങ​ളെ​യും എ​സ്.​എ​സ്.​എ​ൽ.​സി, പ്ല​സ്ടു, സി.​ബി.​എ​സ്.​ഇ പ​രീ​ക്ഷ​ക​ളി​ൽ ഉ​ന്ന​ത​വി​ജ​യം നേ​ടി​യ വി​ദ്യാ​ർ​ഥി​ക​ളെ​യും ആ​ദ​രി​ക്കും. ക​ല, കാ​യി​ക, സാം​സ്കാ​രി​ക രം​ഗ​ത്ത് മി​ക​ച്ച പ്ര​വ​ർ​ത്ത​ന​ങ്ങ​ൾ ന​ട​ത്തി​യ​വ​ർ​ക്കും ആ​ദ​ര​വ് ന​ൽ​കും. ചി​ത്ര​ര​ച​ന, ക​ള​റി​ങ് എ​ന്നീ ഇ​ന​ങ്ങ​ളി​ൽ ഈ ​മേ​ഖ​ല​യി​ൽ ഉ​ൾ​പ്പെ​ടു​ന്ന വി​ദ്യാ​ർ​ഥി​ക​ൾ​ക്ക് മ​ത്സ​ര​ങ്ങ​ളും സം​ഘ​ടി​പ്പി​ച്ചി​ട്ടു​ണ്ട്.

പി​റ​ന്ന നാ​ടി​ന്‍റെ ഓ​ർ​മ​ക​ളും സൗ​ഹൃ​ദ​ങ്ങ​ളും വീ​ണ്ടെ​ടു​ക്കാ​ൻ സം​ഘ​ടി​പ്പി​ച്ച ഗ്രാ​മോ​ത്സ​വ​ത്തി​ൽ പ്ര​ദേ​ശ​ത്തെ മു​ഴു​വ​ൻ അം​ഗ​ങ്ങ​ളും പ​ങ്കെ​ടു​ക്ക​ണ​മെ​ന്ന് പ്ര​സി​ഡ​ന്‍റ്​ മു​ഹ​മ്മ​ദ് വെ​ട്ടു​കാ​ട്, ജ​ന. സെ​ക്ര​ട്ട​റി എ.​എ. അ​ലി ആ​ളൂ​ർ, ട്ര​ഷ​റ​ർ സു​കു​മാ​ര​ൻ എ​ന്നി​വ​ർ അ​റി​യി​ച്ചു. വി​വ​ര​ങ്ങ​ൾ​ക്ക്: 050/4591048, 0501587 1043.