മൃഗചികിത്സ:  ഫെഡറൽ നിയമത്തിൽ ഭേദഗതി

അബൂദബി: മൃഗചികിത്സയുമായി ബന്ധപ്പെട്ട നിയമത്തിൽ ഭേദഗതി വരുത്തി യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാൻ ഉത്തരവ്​ പുറപ്പെടുവിച്ചു. ഫെഡറൽ നിയമം 10/2002ലെ ചില വകുപ്പുകളിലാണ്​ ഭേദഗതി വരുത്തിയത്​. മൃഗചികിത്സാ രംഗത്തെ നടപടികൾ ക്രമീകരിച്ച്​ കാര്യക്ഷമത വർധിപ്പിക്കുക, അന്താരാഷ്​ട്ര നിലവാരം ഉറപ്പുവരുത്തി രാജ്യത്തെ മൃഗങ്ങളുടെ ആരോഗ്യം പരിരക്ഷിക്കുക തുടങ്ങിയ ലക്ഷ്യങ്ങളോടെയാണ്​ ഭേദഗതി.
ഫെഡറൽ നിയമം 10/2002ൽ ‘പ്രഫഷൻ’ എന്ന്​ മാത്രം ഉപയോഗിച്ചിരുന്നത്​ ‘വെറ്ററിനറി പ്രഫഷൻ’ എന്നാക്കിയതാണ്​ ഒരു ഭേദഗതി നിർ​േദശം. കാലാവസ്​ഥ വ്യതിയാന^പരിസ്​ഥിതി മന്ത്രാലയത്തി​​െൻറ ലൈസൻസില്ലാതെയോ നിയമാനുസൃതമല്ലാതെയോ വ്യക്​തികളോ സ്​ഥാപനങ്ങളോ മൃഗചികിത്സ നടത്തുന്നത്​ കുറ്റകരമാണെന്ന്​ ഭേദഗതിയിൽ പറയുന്നു.