മൃഗപരിചരണ ഉൽപന്ന നിയന്ത്രണ നിയമം പ്രഖ്യാപിച്ചു

അബൂദബി: മൃഗപരിചരണ ഉൽപന്നങ്ങളുടെ കൈകാര്യം, കച്ചവടം, വിതരണം തുടങ്ങിയവ നിയന്ത്രിക്കുന്നതിന്​ യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാൻ ഫെഡറൽ നിയമം പ്രഖ്യാപിച്ചു. മൃഗാരോഗ്യത്തിലും പൊതുജനാരോഗ്യത്തിലും പരിസ്​ഥിതിയിലും ഇത്തരം ഉൽപന്നങ്ങൾ ഉണ്ടാക്കുന്ന പ്രത്യാഘാതങ്ങൾ പരിഗണിച്ചാണ്​ നിയമം അവതരിപ്പിച്ചത്​. സാംക്രമിക രോഗങ്ങൾ കുറക്കാൻ ലക്ഷ്യമിടുന്ന നിയമം ഭക്ഷ്യസുരക്ഷ ഉറപ്പാക്കുന്നതിനും ഉപകരിക്കും. 

മൃഗപരിചരണ ഉൽപന്നങ്ങൾ, കമ്പനികൾ, ഫാക്​ടറികൾ എന്നിവക്ക്​ ലൈസൻസും രജിസ്​ട്രേഷനും അനുവദിക്കുന്നതിന്​ നിയമം കാലാവസ്​ഥ വ്യതിയാന^പരിസ്​ഥിതി മന്ത്രാലയത്തെ ചുമതലപ്പെടുത്തി. മൃഗചികിത്സാ ഒൗഷധങ്ങൾ, കമ്പനികൾ എന്നിവ സംബന്ധിച്ച്​ അന്താരാഷ്​ട്ര സംഘടനകളിൽനിന്നും സ്​ഥാപനങ്ങളിൽനിന്നും ലഭിക്കുന്ന റിപ്പോർട്ടുകൾ മന്ത്രാലയം അവലലോകനം ​െചയ്യും. ആശുപത്രികളിൽനിന്നും മൃഗചികിത്സാ ക്ലിനിക്കുകളിൽനിന്നും റിപ്പോർട്ടുകൾ സമാഹരിച്ച്​ നിരോധിത മൃഗപരിചരണ ഉൽപന്നങ്ങളുടെ പട്ടിക പ്രസിദ്ധീകരിക്കേണ്ടതും കാലാവസ്​ഥ വ്യതിയാന^പരിസ്​ഥിതി മന്ത്രാലയമാണ്​. മൃഗപരിചരണ ഉൽപന്ന കമ്പനികളും ഫാക്​ടറികളും വെയർഹൗസുകളും രാജ്യത്ത്​ പ്രവർത്തിക്കണമെങ്കിൽ മന്ത്രാലയത്തിൽനിന്ന്​ മുൻകൂർ ലൈസൻസ്​ നേടിയിരിക്കണമെന്ന്​ നിയമം അനുശാസിക്കുന്നു. 

ഉൽപന്നങ്ങൾ മികച്ച രീതിയിൽ സൂക്ഷിക്കണമെന്നും കാലാവധി കഴിഞ്ഞവ പരിസ്​ഥിതിക്ക്​ കോട്ടം തട്ടാത്ത വിധം നശിപ്പിക്കണമെന്നും നിർദേശമുണ്ട്​. നിയമം ലംഘിക്കുന്നവർക്ക്​ മുന്നറിയിപ്പ്​ നൽകുകയും സ്​ഥാപനം കുറഞ്ഞത്​ ആറ്​ മാസം അടച്ചിടുകയും ചെയ്യും. ചില കേസുകളിൽ സ്​ഥാപനങ്ങളുടെ പ്രവർത്തനാനുമതി റദ്ദാക്കും. 

വ്യാജമായതോ മലിനമായതോ കാലാവധി കഴിഞ്ഞതോ ആയ ഉൽപന്നങ്ങൾ കൈവശം വെക്കുകയോ വിൽക്കുകയോ നിർമിക്കുകയോ കയറ്റുമതി ചെയ്യുകയോ സംഭരിക്കുകയോ കൈകാര്യം ചെയ്യുകയോ ചെയ്യുന്നവർക്ക്​ 10,000 ദിർഹം മുതൽ അഞ്ച്​ ലക്ഷം ദിർഹം വരെ പിഴ വിധിക്കും. രജിസ്​റ്റർ ചെയ്യപ്പെട്ട ഒരു ഉൽപന്നത്തി​​െൻറ വിവരങ്ങളിൽ മന്ത്രാലയത്തി​​െൻറ അനുമതി കൂടാതെ മാറ്റംവരുത്തിയാൽ 5,000 ദിർഹം മുതൽ അഞ്ച്​ ലക്ഷം ദിർഹം വരെയാണ്​ പിഴ. മന്ത്രാലയത്തി​​െൻറ അനുമതി കൂടാതെ ഗവേഷണ ആവശ്യത്തിനോ മാർക്കറ്റിങ്​ ആവശ്യത്തിനോ ഉൽപന്ന സാമ്പിളുകൾ കയറ്റുമതി ചെയ്​താൽ 20,000 മുതൽ ലക്ഷം ദിർഹം വരെ പിഴ ഇൗടാക്കും. മൃഗപരിചരണ ഉൽപന്ന ഫാക്​ടറിയോ അനുബന്ധ സംവിധാനങ്ങളോ അനുമതി കൂടാതെ മറ്റു ആവശ്യങ്ങൾക്​ ഉപയോഗിച്ചാൽ ജയിൽശിക്ഷയോ 50,000 ദിർഹം മുതൽ അഞ്ച്​ ലക്ഷം ദിർഹം വരെ പിഴയോ രണ്ടുകൂടിയോ വിധിക്കും. 

ഉൽപന്നം സംബന്ധിച്ച്​ തെറ്റായ വിവരം സമർപ്പിക്കുകയോ മന്ത്രാലയം ആവശ്യപ്പെട്ട വിവരം ലഭ്യമാക്കാതിരിക്കുകയോ ചെയ്​താൽ 10,000 ദിർഹം മുതൽ രണ്ട്​ ലക്ഷം ദിർഹം വരെയാണ്​ പിഴശിക്ഷ. ഉൽപന്നത്തി​​െൻറ പ്രചാരണത്തിനായി മാധ്യമങ്ങളിൽ തെറ്റായ വിവരം നൽകിയാലും ഇതേ ശിക്ഷയായിരിക്കും. നിയമം അനുശാസിക്കുന്ന വിധം അനുമതി നേടിക്കൊണ്ടല്ലാതെ മാധ്യമങ്ങളിൽ ഉൽപന്നങ്ങളുടെ പരസ്യം ചെയ്യാവുന്നതല്ല. തദ്ദേശീയവും വിദേശീയവുമായ എല്ലാ കമ്പനികളും മന്ത്രാലയത്തിൽ രജിസ്​റ്റർ ചെയ്യുകയും അഞ്ച്​ വർഷം കൂടു​േമ്പാൾ ലൈസൻസ്​ പുതുക്കുകയും ​വേണം. മൊത്തക്കച്ചവടം ചെയ്യുന്നവർക്ക്​ വെയർ ഹൗസ്​ ലൈസൻസ്​ ആവശ്യമാണ്​. വ്യാജരേഖകൾ ഉപയോഗിക്കുകയോ രേഖകളിൽ തിരുത്തലുകൾ വരുത്തകയോ ചെയ്യുന്നവരുടെ കമ്പനി സമ്പൂർണമായി അടച്ചുപൂട്ടുകയും അവരുടെ ഉൽപന്നങ്ങൾ വിപണിയിൽ നിരോധിക്കുകയും ചെയ്യും.

അതേസമയം, രജിസ്​റ്റർ ചെയ്യാത്തതും നിരോധനം ബാധകമല്ലാത്തതുമായ മൃഗപരിചരണ ഉൽപന്നങ്ങൾ പുതിയനിയമത്തി​​െൻറ കൈകാര്യ ചട്ടങ്ങൾക്ക്​ വിധേയമായി കയറ്റുമതിക്കായി നിർമിക്കാൻ അനുമതിയുണ്ട്​. നിലവിലുള്ള വെറ്ററിനറി കമ്പനികളും ഫാക്​ടറികളും നിയമം പ്രാബല്യത്തിലായി ആറ്​ മാസത്തിനകം ഇതി​​െൻറ വ്യവസ്​ഥകൾക്ക്​ അനുസൃതമാക്കിയിരിക്കണം. യു.എ.ഇ ഒൗദ്യോഗിക വിജഞാപനത്തിൽ പ്രസിദ്ധീകരിക്കുന്നതോടെ നിയമം പ്രാബല്യത്തിലാകും.