വാ​ഹ​ന​ങ്ങ​ൾ അ​ക​ലം പാ​ലി​ച്ചി​ല്ലെ​ങ്കി​ൽ റ​ഡാ​റി​ൽ കു​ടു​ങ്ങും

ദു​ബൈ: ഡ്രൈ​വി​ങ്ങി​നി​ടെ വാ​ഹ​ന​ങ്ങ​ൾ ത​മ്മി​ൽ ആ​വ​ശ്യ​മാ​യ അ​ക​ലം പാ​ലി​ക്കാ​ത്ത​ത്​ ക​ണ്ടെ​ത്താ​ൻ ദു​ബൈ​യി​ൽ റ​ഡാ​റു​ക​ൾ ഉ​പ​യോ​ഗി​ക്കു​ന്നു. നി​യ​മം പാ​ലി​ക്കു​ന്ന​ത്​ സം​ബ​ന്ധി​ച്ച്​ ദു​ബൈ പൊ​ലീ​സ്​ ആ​രം​ഭി​ച്ച ബോ​ധ​വ​ത്ക​ര​ണ​ത്തി​ന്‍റെ ഭാ​ഗ​മാ​യാ​ണ്​ ഇ​ക്കാ​ര്യം അ​റി​യി​ച്ച​ത്. 400 ദി​ർ​ഹം പി​ഴ​യും നാ​ല് ബ്ലാ​ക്ക് പോ​യ​ന്റു​ക​ളു​മാ​ണ്​ ഈ ​നി​യ​മ​ലം​ഘ​ന​ത്തി​ന്​ ശി​ക്ഷ ല​ഭി​ക്കു​ക. അ​തേ​സ​മ​യം അ​ക​ലം പാ​ലി​ക്ക​ൽ അ​ട​ക്ക​മു​ള്ള നി​യ​മ​ങ്ങ​ൾ ലം​ഘി​ക്കു​ന്ന​ത്​ ആ​വ​ർ​ത്തി​ച്ചാ​ൽ 30 ദി​വ​സം വാ​ഹ​നം ക​ണ്ടു​കെ​ട്ട​ൽ ന​ട​പ​ടി​യും സ്വീ​ക​രി​ക്കു​മെ​ന്ന്​ നേ​ര​ത്തേ മു​ന്ന​റി​യി​പ്പ്​ ന​ൽ​കി​യി​ട്ടു​ണ്ട്.

ദു​ബൈ പൊ​ലീ​സ്​ ട്രാ​ഫി​ക് വി​ഭാ​ഗം ബു​ധ​നാ​ഴ്ച ന​ട​ത്തി​യ പ​ത്ര​സ​മ്മേ​ള​ന​ത്തി​ലാ​ണ് ഇ​ക്കാ​ര്യ​ങ്ങ​ൾ വി​ശ​ദീ​ക​രി​ച്ച​ത്. നി​ർ​മി​ത​ബു​ദ്ധി സാ​​ങ്കേ​തി​ക​വി​ദ്യ സം​യോ​ജി​പ്പി​ച്ച റ​ഡാ​റു​ക​ൾ ഉ​പ​യോ​ഗി​ച്ച് ഈ ​നി​യ​മ​ലം​ഘ​ന​ങ്ങ​ൾ നി​രീ​ക്ഷി​ക്കു​ന്ന​തി​ന്‍റെ പ​രീ​ക്ഷ​ണം പൂ​ർ​ത്തി​യാ​യ​താ​യി അ​ധി​കൃ​ത​ർ അ​റി​യി​ച്ചു. റ​ഡാ​റു​ക​ളു​ടെ കൃ​ത്യ​ത ഉ​റ​പ്പാ​ക്കു​ന്ന​തി​നാ​ണ്​ പ​രീ​ക്ഷ​ണം ന​ട​ത്തി​യ​തെ​ന്ന്​ ട്രാ​ഫി​ക് ടെ​ക്നോ​ള​ജി വ​കു​പ്പ് ഡ​യ​റ​ക്ട​ർ ബ്രി. ​എ​ൻ​ജി​നീ​യ​ർ മു​ഹ​മ്മ​ദ് അ​ലി ക​റം പ​റ​ഞ്ഞു. വാ​ഹ​ന​ങ്ങ​ൾ​ക്കി​ട​യി​ലെ അ​ക​ലം പാ​ലി​ക്കു​ന്ന നി​യ​മ​ത്തി​ന്​ പു​റ​മെ, അ​മി​ത ശ​ബ്ദ​മു​ണ്ടാ​ക്കു​ന്ന വാ​ഹ​നം ഓ​ടി​ക്കു​ന്ന​ത് ഉ​ൾ​പ്പെ​ടെ​യു​ള്ള നി​ര​വ​ധി ഗ​താ​ഗ​ത നി​യ​മ​ലം​ഘ​ന​ങ്ങ​ളും റ​ഡാ​റു​ക​ൾ നി​രീ​ക്ഷി​ക്കും. നൂ​ത​ന റ​ഡാ​റു​ക​ൾ​ക്ക് ശ​ബ്ദം, അ​തി​ന്റെ ഉ​റ​വി​ടം, അ​ള​വ് എ​ന്നി​വ ക​ണ്ടെ​ത്താ​നും ശ​ബ്ദ നി​യ​ന്ത്ര​ണ​ങ്ങ​ൾ കൃ​ത്യ​മാ​യി ന​ട​പ്പി​ലാ​ക്കു​ന്ന​ത് ഉ​റ​പ്പാ​ക്കാ​നും ക​ഴി​യും.

ശ​ബ്ദ​പ​രി​ധി ലം​ഘി​ച്ചാ​ൽ 2,000 ദി​ർ​ഹം പി​ഴ​യും 12 ബ്ലാ​ക് പോ​യ​ന്റു​ക​ളു​മാ​ണ്​ ശി​ക്ഷ. റെ​സി​ഡ​ൻ​ഷ്യ​ൽ ഏ​രി​യ​ക​ളി​ൽ ശ​ബ്​​ദ കോ​ലാ​ഹ​ലം കു​റ​ക്കു​ന്ന​തി​നും എ​ല്ലാ താ​മ​സ​ക്കാ​ർ​ക്കും ശാ​ന്ത​മാ​യ അ​ന്ത​രീ​ക്ഷം ഉ​റ​പ്പാ​ക്കു​ന്ന​തി​നു​മാ​ണ് അ​ധി​കൃ​ത​ർ ശ​ബ്ദ​പ​രി​ധി നി​ശ്ച​യി​ച്ച​തി​ലൂ​ടെ ല​ക്ഷ്യ​മി​ടു​ന്ന​ത്.

റോ​ഡ് സു​ര​ക്ഷാ ച​ട്ട​ങ്ങ​ൾ പാ​ലി​ക്കാ​നും അ​പ​ക​ട​ങ്ങ​ൾ ത​ട​യു​ന്ന​തി​നും എ​ല്ലാ റോ​ഡ് ഉ​പ​യോ​ക്താ​ക്ക​ളു​ടെ​യും സു​ര​ക്ഷ ഉ​റ​പ്പാ​ക്കു​ന്ന​തി​നും ഉ​ത്ത​ര​വാ​ദി​ത്ത​മു​ള്ള ഡ്രൈ​വി​ങ്​ പാ​ലി​ക്ക​ണ​മെ​ന്നും അ​ധി​കൃ​ത​ർ ആ​വ​ശ്യ​പ്പെ​ട്ടു.

നി​ശ്ചി​ത വേ​ഗ​പ​രി​ധി ലം​ഘി​ക്ക​ൽ, ട്രാ​ഫി​ക്​ സി​ഗ്​​ന​ൽ മ​റി​ക​ട​ക്ക​ൽ, ലൈ​ൻ മ​റി​ക​ട​ക്ക​ൽ, വി​പ​രീ​ത​ദി​ശ​യി​ലെ ഡ്രൈ​വി​ങ്, അ​ടി​യ​ന്ത​ര വാ​ഹ​ന​ങ്ങ​ൾ​ക്ക്​ ക​ട​ന്നു​പോ​കാ​നു​ള്ള പാ​ത​യി​ൽ സ​ഞ്ച​രി​ക്ക​ൽ, സീ​റ്റ്​ ബെ​ൽ​റ്റ്​ ധ​രി​ക്കാ​തി​രി​ക്ക​ൽ, ഡ്രൈ​വി​ങ്ങി​നി​ടെ ഫോ​ൺ ഉ​പ​യോ​ഗി​ക്ക​ൽ, അ​നു​വ​ദ​നീ​യ​മാ​യ പ​രി​ധി​ക്ക​പ്പു​റം ഗ്ലാ​സു​ക​ളി​ൽ ടി​ന്‍റ്​ ഒ​ട്ടി​ക്ക​ൽ, കാ​ൽ​ന​ട യാ​ത്ര​ക്കാ​ർ​ക്ക്​ മു​ൻ​ഗ​ണ​ന ന​ൽ​കാ​തി​രി​ക്ക​ൽ, നി​ശ്ചി​ത സ്ഥ​ല​ത്തു​നി​ന്ന​ല്ലാ​തെ വാ​ഹ​നം തി​രി​ക്ക​ൽ, കാ​ലാ​വ​ധി ക​ഴി​ഞ്ഞ ര​ജി​സ്​​ട്രേ​ഷ​ൻ, റോ​ഡി​ന്​ ന​ടു​വി​ൽ വാ​ഹ​നം നി​ർ​ത്ത​ൽ എ​ന്നി​ങ്ങ​നെ​യു​ള്ള നി​യ​മ​ലം​ഘ​ന​ങ്ങ​ളെ​ല്ലാം റ​ഡാ​ർ വ​ഴി ക​ണ്ടെ​ത്താ​നാ​കും.