അത്ഭുതലോകം തുറന്നു; കണ്ണഞ്ചി വാഹന പ്രേമികൾ

ദുബൈ: കൈകൊണ്ട്​ നിർമിച്ച ടൈറ്റാനിയം കാർ മുതൽ വി​േൻറജ്​ കാറുകളുടെ ശേഖരം വരെ​ ഒരുക്കി 14 ാമത്​ ദുബൈ അന്താരാഷ്​ട്ര വാഹന പ്രദർശനത്തിന്​ ​േവൾഡ്​ ട്രേഡ്​ സ​െൻററിൽ തുടക്കമായി. ശൈഖ്​ അഹമ്മദ്​ ബിൻ മുഹമ്മദ്​ ബിൻ റാശിദ്​ ആൽ മക്തൂം ഉദ്​ഘാടനം ചെയ്​തു. 85000 ചതുരശ്ര മീറ്റർ സ്​ഥലത്ത്​ ലോകത്തെ 100ൽ പരം വരുന്ന നിർമാതാക്കൾ സ്​റ്റാളുകൾ ഒരുക്കിയിട്ടുണ്ട്​.

550 കാറുകളും ബൈക്കുകളും പ്രദർശനത്തിന്​ എത്തിച്ചിട്ടുണ്ട്​. 10 കൺസപ്​റ്റ്​ കാറുകളും 15 സൂപ്പർകാർ നിർമാതാക്കളുമാണ്​ ​മേളയുടെ ആകർഷണം. 70 രാജ്യങ്ങളിൽ നിന്നായി ലക്ഷത്തിലേറെ സന്ദർശകരാണ്​ മേളയിൽ എത്തുന്നത്​. നിരവധി പുതിയ വാഹനങ്ങൾ മേളയിൽ നിന്ന്​ വിപണിയിലെത്തും. സൂപ്പർ     കാറുകൾക്ക്​ പ്രത്യേക പരിഗണനയാണ്​ ഇക്കുറി ലഭിച്ചിരിക്കുന്നത്.

2015 ലെ പ്രദർശനത്തിൽ ഉള്ളതിനെക്കാൾ 25 ശതമാനം കൂടുതൽ സ്​ഥലം ഇവക്കായി നീക്കിവെച്ചിട്ടുണ്ട്​. കഴിഞ്ഞ വർഷം 480 കോടി ഡോളറാണ്​ ആഢംബര കാറുകൾക്കായി യു.എ.ഇ. ചെലവഴിച്ചത്​. ഡേവൽ 16, ഷാലി എൻ 360, റോഡിൻ, കാൾമാൻ കിംഗ്​, ​െഎകോണ, പ്രാറ്റോ, റിമാക്​, ഒാ​േട്ടാ മില്ലേനിയം തുടങ്ങി ആദ്യമായി മോ​േട്ടാർഷോക്ക്​ എത്തുന്നവരും ഉണ്ട്​.  

ലോകത്തെ ഏറ്റവും വേഗമേറിയ ക്വാഡ്​ ബൈക്കും പ്രദർശിപ്പിച്ചിട്ടുണ്ട്. കാർ നിർമാണ മേഖലയിലെ കാണാകാഴ്​ചകൾ മനസിലാക്കിത്തരുന്ന ടെക്​ സോണും ഉണ്ട്​. റേസ്​ റൂം സിമുലേറ്ററുകളിൽ അതിവേഗ കാറുകൾ നൽകുന്ന അനുഭൂതി അനുഭവിച്ചറിയാം. പുറത്ത്​ പ്രമുഖ നിർമാതാക്കളായ ടൊയോട്ട, നിസാൻ, ജാഗ്വാർ, ലാൻഡ്​റോവർ എന്നിവർ വിവിധ മോഡലുകൾ ഒാടിച്ചുനോക്കാനുള്ള സൗകര്യവും ഏർപ്പെടുത്തിയാണ്​ സന്ദർശകരെ സ്വാഗതം ചെയ്​തത്​. പ്രദർശനം 18 ന്​ സമാപിക്കും.

പുതിയ താരോദയങ്ങൾ
ദുബൈ: മസ്​ദയും മെർസിഡസ്​ എഎംജിയും റോൾസ്​ റോയ്​സും ഇൻഫിനിറ്റിയുമൊക്കെ പുതിയ താരങ്ങളെ പുറത്തിറക്കിയാണ്​ ആദ്യ ദിനം ആഘോഷമാക്കിയത്. പുതുക്കിയിറക്കിയ സിഎക്​സ്​ ഫൈവാണ്​ ജാപ്പനീസ്​ നിർമാതാക്കളായ മസ്​ദ മധ്യപൂർവേഷ്യക്ക്​ മുന്നിൽ എത്തിച്ചത്​. എല്ലാവരും ആസ്വദിക്കുന്ന എസ്​യുവി എന്ന വിശേഷണമാണ്​ ഇതിന്​ നൽകിയിരിക്കുന്നത്. പുതിയ ഫാൻറവുമായി​ റോൾസ്​ റോയ്​സും എത്തി​. ലോകത്തെ ഏറ്റവും ആഢംബരം നിറഞ്ഞ കാറുകളിൽ ഒന്നാണിത്​. മണിക്കൂറിൽ350 കിലോമീറ്റർ വേഗവും 1000 എച്ച്​പി ശക്​തിയുമുള്ള ഇൗ ഹൈബ്രീഡ്​ കാറിന്​ പ്രൊജക്​ട്​ വൺ എന്നാണ്​ പേരിട്ടിരിക്കുന്നത്​. എഎംജി അമ്പതാം പിറന്നാൾ ആഘോഷിക്കുന്ന വേളയിലാണ്​ ഇൗ കാർ പുറത്തിറക്കിയത്​.

പരീക്ഷിച്ച്​ അംഗീകരിക്കപ്പെട്ടിരിക്കുന്ന ലോകത്തിലെ ആദ്യത്തെ ഫോർമുല വൺ റോഡ്​ കാറാണ്​ ഇതെന്ന്​ മാർക്കറ്റിംഗ്​ വിഭാഗം മേധാവി ലെന്നറ്റ്​ മുള്ളർ പറയുന്നു. റേസ്​ കാർ സാ​േങ്കതിക വിദ്യ റോഡിലുപയോഗിക്കാനുള്ള അവസരമാണ്​ ഇത്​ വഴി ലഭിച്ചിരിക്കുന്നത്​. ആഢംബര എസ്​യുവിയായ ക്യു.എക്​സ്​ 80 ആണ്​ ഇൻഫിനിറ്റിയുടെ വകയായി എത്തിയത്​. ഫുൾ സൈസ്​ എസ്​യുവിയായ ഇത്​ എത്​ തരത്തിലുള്ള വഴിയിലൂടെയും ആഢംബര യാത്രയാണ്​ വാഗ്​ദാനം ചെയ്യുന്നതെന്ന്​ കമ്പനി പറയുന്നു. 

പോർഷെ പനമേറ ഫോർ എസ്​ സ്​പേർട്​സ്​ ടൂറിസ്​മോയും ഫോർഡ്​ ഹൈബ്രീഡായ എഫ്​ 150 ഉം ഫോക്​സ്​വാഗൺ ഏഴ്​ സീറ്റുള്ള എസ്​യുവി ടെറാമോണ്ടും പുതുതായി എത്തിച്ചിട്ടുണ്ട്​. ഒാൾ വീൽ ഇലക്​ട്രിക്​ ഡ്രൈവ്​ സംവിധാനമുള്ള ബഡ്​ ഇ കൺസപ്​റ്റ്​ ആണ്​ ഫോക്​സ്​വാഗൺ സ്​റ്റാളിലെ മറ്റൊരു ആകർഷണം.

സൂപ്പർ കാറുകളുടെ പൂരപ്പറമ്പ്​
ദുബൈ: ലോകത്തെ ഏറ്റവും വിലയേറിയതും വേഗമേറിയതുമായ കാറുകളുടെ പറുദീസയാണ്​ ജി.സി.സി. ഇത്തരം ഒരു കാർ ഉണ്ടാവുകയെന്നത്​ സമ്പന്നരുടെ അഭിമാന പ്രശ്​നമാണ്. മറ്റ്​ വാഹനമേളകളിൽ നിന്ന്​ വ്യത്യസ്​തമായി സൂപ്പർകാറുകൾ വാങ്ങാൻ വരുന്നവരുടെ തള്ളിക്കയറ്റമാണ്​ ദുബൈ മോ​േട്ടാർ ഷോയിലേക്ക്​. ബുലേവാഡ്​ ഒാഫ്​ ഡ്രീംസ്​ എന്ന്​ പേരിട്ടിരിക്കുന്ന സൂപ്പർ കാറുകളുടെ പ്രദർശന മേഖലയിൽ അതിസമ്പന്നരുടെ തള്ളിക്കയറ്റമാണ്​. 810 ബില്ല്യൻ അമേരിക്കന ഡോളർ സമ്പത്തുള്ള 7370 പേർ ഗൾഫിൽ ഉണ്ടെന്നാണ്​ കണക്ക്​.

2015ൽ ദുബൈയിൽ മാത്രം 2000 അതിസമ്പന്നർ ഉണ്ടായി. മക്​ലാറ​​െൻറ മൊത്തം വിൽപനയിൽ 12 ശതമാനവും ഇവിടെയാണ്​ നടക്കുന്നത്​. 570എസ്​ സ്​പൈഡറുമായാണ്​ മക്​ലാറ​​െൻറ വരവ്​. കൂടുതൽ കരുത്തരെയും പ്രതീക്ഷിക്കാം. എതിരാളികളായ ഫെറാരിയും മസെറാത്തിയും പ്രതീക്ഷയോടെയാണ്​ മേളയെ കാണുന്നത്​. ഇറ്റാലിയൻ കാർ നിർമാതാക്കളായ ​െഎകോണ ലോകത്തെ ആദ്യ ടൈറ്റാനിയം ഇവിടെ അവതരിപ്പിച്ചിരിക്കുന്നു. കൈകൊണ്ട്​ നിർമിച്ചിരിക്കുന്ന ഇതിന്​ വോൾക്കാനോ ടൈറ്റാനിയം എന്നാണ്​ പേരിട്ടിരിക്കുന്നത്​.

ലോകത്തെ വേഗമേറിയ വിമാനങ്ങളിൽ ഒന്നായ ബ്ലാക്​ബേർഡ്​ എസ്​ആർ 71 ൽ നിന്ന്​ പ്രചോദനം ഉൾക്കൊണ്ട്​ നിർമിച്ച ഇൗ കാറിന്​ 29 ലക്ഷം ഡോളർ ആണ്​ വിലയിട്ടിരിക്കുന്നത്​. 10000 മണിക്കൂർ കൊണ്ടാണ്​ കാർ നിർമിച്ചെടുക്കുന്നത്​. 
ഇലക്​ട്രിക്​ സൂപ്പർ കാറായ റിമാക്​ കൺസപ്​റ്റ്​ വൺ, ഷാലി എൻ360 എന്നിവയും ‘സ്വപ്​നങ്ങളുടെ ചോലമരപ്പാതയിൽ’ ഒതുക്കിയിട്ടിട്ടുണ്ട്​.