അല്‍ മജാസില്‍ ഇലക്ട്രിക് വാഹന ചാര്‍ജറെത്തി 

ഷാര്‍ജ: ഷാര്‍ജയുടെ ഉദ്യാന നഗരിയായ അല്‍ മജാസ് വാട്ടര്‍ഫ്രണ്ടിനോട് ചേര്‍ന്ന് ഇലക്ട്രിക് വാഹനങ്ങള്‍ ചാര്‍ജ് ചെയ്യാനുള്ള ഉപകരണങ്ങള്‍ സ്ഥാപിച്ചു. പച്ച നിറത്തില്‍ അടയാളപ്പെടുത്തിയ  ഭാഗത്ത് രണ്ട് ചാര്‍ജറുകളാണ് സ്ഥാപിച്ചിട്ടുള്ളത്. പ്രകൃതി സൗഹൃദ വാഹനങ്ങള്‍ക്ക് പിന്തുണ നല്‍കുന്നതി​​​െൻറ ഭാഗമായാണിത്​. ദിനം പ്രതി നൂറ് കണക്കിന് വാഹനങ്ങള്‍ എത്തുന്ന മേഖലയാണിത്. കുടുംബസമ്മേതം സമയം ചിലവഴിക്കാനെത്തുന്നവര്‍ക്ക്   ബോധവത്കരണ പാഠങ്ങളും പകര്‍ന്ന് നല്‍കുന്നുണ്ട് അല്‍ മജാസ്. കുട്ടികളില്‍ ഗതാഗത നിയമങ്ങള്‍ നട്ടുവളര്‍ത്തുവാനായി സ്ഥാപിച്ച റൗണ്ടെബൗട്ടും കൂറ്റന്‍ കെട്ടിടങ്ങളുടെ മാതൃകയും അവക്കിടയിലൂടെ പോകുന്ന റോഡുകളും വാര്‍ത്തയായിരുന്നു.