ഒ​മാ​നി​ൽ വാ​ഹ​നാ​പ​ക​ടം; മൂന്ന് ഇ​മാ​റാ​ത്തി​ക​ൾ അ​ട​ക്കം അ​ഞ്ച് മ​ര​ണം

ദു​ബൈ: ഒ​മാ​നി​ലെ ദോ​ഫാ​റി​ലു​ണ്ടാ​യ വാ​ഹ​നാ​പ​ക​ട​ത്തി​ൽ അ​ഞ്ചു​പേ​ർ മ​രി​ച്ചു. 11 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. സു​ല്‍ത്താ​ന്‍ സ​ഈ​ദ് ബി​ന്‍ തൈ​മൂ​ര്‍ റോ​ഡി​ല്‍ മ​ഖ്ഷ​ന് സ​മീ​പം വെ​ള്ളി​യാ​ഴ്ച രാ​വി​ലെ ഏ​ഴ് മ​ണി​യോ​ടെ​യാ​ണ് ദാ​രു​ണ​മാ​യ സം​ഭ​വം അ​ര​ങ്ങേ​റി​യ​ത്. മൂ​ന്ന് യു.​എ.​ഇ പൗ​ര​ന്മാ​രും ര​ണ്ട് ഒ​മാ​ൻ പൗ​ര​ന്മാ​രു​മാ​ണ്​ മ​രി​ച്ച​ത്. പ​രി​ക്കേ​റ്റ​വ​രി​ൽ ഒ​മ്പ​ത് യു.​എ.​ഇ സ്വ​ദേ​ശി​ക​ളും ര​ണ്ട് ഒ​മാ​നി​ക​ളും ഉ​ൾ​പ്പെ​ടും.

ഇ​വ​രി​ൽ അ​ഞ്ചു​പേ​ർ കു​ട്ടി​ക​ളാ​ണ്. ഇ​വ​രു​ടെ നി​ല ഗു​രു​ത​ര​മ​ല്ലെ​ന്ന് അ​ധി​കൃ​ത​ർ വ്യ​ക്ത​മാ​ക്കി. മൂ​ന്ന് വാ​ഹ​ന​ങ്ങ​ള്‍ ത​മ്മി​ല്‍ കൂ​ട്ടി​യി​ടി​ക്കു​ക​യാ​യി​രു​ന്നു​വെ​ന്ന് റോ​യ​ല്‍ ഒ​മാ​ന്‍ പൊ​ലീ​സ് അ​റി​യി​ച്ചു. സം​ഭ​വ​സ്ഥ​ല​ത്തെ​ത്തി​യ പൊ​ലീ​സ് മൃ​ത​ദേ​ഹം തും​റൈ​ത്ത് ആ​ശു​പ​ത്രി​യി​ലേ​ക്ക് മാ​റ്റി.ക​ഴി​ഞ്ഞ ആ​ഴ്ച ഒ​മാ​നി​ൽ ബ​സ്​ അ​പ​ക​ട​ത്തി​ൽ​പെ​ട്ട്​ മൂ​ന്നു ​കു​ട്ടി​ക​ളും ഡ്രൈ​വ​റും മ​ര​ണ​പ്പെ​ട്ടി​രു​ന്നു. ഇ​സ്കി ഗ​വ​ർ​​ണ​റേ​റ്റി​ലെ അ​ൽ റു​സൈ​സ്​​ മേ​ഖ​ല​യി​ലാ​യി​രു​ന്നു അ​പ​ക​ടം. നി​യ​ന്ത്ര​ണം വി​ട്ട ബ​സ്​ പോ​സ്റ്റി​ൽ ഇ​ടി​ച്ച്​ മ​റി​യു​ക​യാ​യി​രു​ന്നു.