വാർണർ ബ്രോസ്​ അബൂദബി  ഉദ്​ഘാടനത്തിനൊരുങ്ങുന്നു 

അബൂദബി: വാർണർ ബ്രോ​സ്​ വേൾഡ്​ അബൂദബി ഉദ്​ഘാടനത്തിനുള്ള ഒരുക്കൾ അവസാന ഘട്ടത്തിൽ. ഇൗ മാസം 25ന്​ തുറക്കുന്ന ഇൻഡോർ തീം പാർക്ക്​ ലോകത്തെ ഏറ്റവും വലിയ വാർണർ ​േബ്രാസ്​ പാർക്കായിരിക്കും.  പാർക്കിലെ റൈഡുകളുടെയും റസ്​റ്റാറൻറുകളുടെയും ഉൾപ്പെടെ സുരക്ഷാ^ഗു​ണമേൻമാ പരീക്ഷണങ്ങളും പരിശോധനകളും നടക്കുകയാണിപ്പോൾ.

ബാറ്റ്​മാൻ, സൂപ്പർമാൻ, വണ്ടർവുമൺ, ടോം ആൻറ്​ ​െജറി, സ്​കൂബീ ഡൂ, ഫ്ലിൻസ്​റ്റോൺസ്​ തുടങ്ങി കുട്ടികളുടെ പ്രിയ കഥാപാത്രങ്ങളുമായി കൂട്ടുകൂടാനും കളിച്ചുല്ലസിക്കാനും ആധുനിക സാ​േങ്കതിക വിദ്യ ഉപയോഗപ്പെടുത്തിയുള്ള റൈഡുകളാണ്​ ക്രമീകരിക്കുന്നത്​.  മെട്രോപോളിസ്​, ഗോതം സിറ്റി, കാർടൂൺ ജംങ്​ഷൻ, ബെഡ്​റോക്, ഡൈനാമിറ്റ്​ ഗൾച്ച്​ വാർണർ ബ്രോസ്​ പ്ലാസ എന്നിങ്ങനെ ആറ്​ വിഭാഗങ്ങളായാണ്​ പാർക്ക്​ സജ്ജീകരണം. 16.5 ലക്ഷം ചതുരശ്രയടി വിസ്​​തൃതിയിലാണ്​ ഇതു തയ്യാറാക്കിയിരിക്കുന്നത്​. മുതിർന്നവർക്ക്​ 295 ദിർഹവും 1.1 മീറ്ററിൽ കുറഞ്ഞ ഉയരമുള്ള കുട്ടികൾക്ക്​ 230 ദിർഹവുമാണ്​ ടിക്കറ്റ്​ നിരക്ക്​.